مشاركة الشاعر/معيض عوض العريفج. في زواج أبناء الشاعر لافي بشير البختان في الرياض

توكلنا على الله لاإله الاهو الرحمن
جليل الملك الفرد الاحد في كل الاوصافي
الاياشرد بيوت القصيد الوافي الفنان
تعالن لاجل اوضفكن بطاروقي ومحرافي
انا في محفلن مايقبل الهزله من القيفان
وقدامي من الشعار والنقاد الالافي
دخيلك يالقريحه جمليني باجمل الالحان
وهذا اليوم يومك جمليني وارفعي. قافي
سلام الله سلام من راجحن في كفة الميزان
يسوقه للوجيه الخيره شوق الغلا الصافي
رجاجيل المواقف مع بعضهم. كنهم بنيان
يشدو بعضهم بعضٍ سوا في كل ميقافي
مشينا من الشمال الغربي اللي في نحرعمان
على صوب الرياض الكل منا لو يجي. حافي
حضرنا لاجل عينك يامهل واللافي البختان
لو ان البحر دونك جبت زاروقي ومجدافي
حضرنانبارك لابناء العمومه ربعنا الويلان
لعبدالمحسن سلالة مهل ولحاتم اللافي
حضرنا مباركين مشاركين اهل الوفاء والشان
عسى ربي يديم افراحهم من فضله الضافي
نلبي دعوة زحول الرجال المحزم المليان
وغلاها من غلاهم من عهد تاريخ الاسلافي
هم رجالٍ زحول ودمنا واحد وحنا اخوان
وتكاتفنا على وضح النقا بالعين ينشافي
وترا الضوي حقيقه له غلا عند الرجال وشان
وله مقدار عند مقدرين المحزم الوافي
لانه رجل يفعل كان شب الزند بالميدان
وله قلبٍ مثل صم الصخر ماجاه الارجافي
ولايقدم لضيفه غير جل الضان والقعدان
وعلى ناب الفقار السمن فوق الحيل ينضافي
واليامنه قلط للمعضله ياقف وقوف حصان
يشيل الحمل مهما هو ثقل من فوق الاكتافي
انا وضحت نبذه. عن مكارمهم عزاز الشان
والا يامكثر اللي ماذكرته. لو ماهو خافي
وسلام الله سلام من راجحن في كفة الميزان
يسوقه للوجيه الخيره شوق الغلا الصافي