*أوراق الأرزاق* 🌴 نخبة الشموخ 🌴

*مجاراة أعضاء ( نخبة الشموخ )*

*يـــوم الجــمعـــــة (2017/2/17)*

يا مجّهدٍ نفسك على قطع الأرزاق
وصنع الفتن والتفرقة بالخلايق

لك منهجٍ في خلط مضمون الأوراق
وإثبات مقصودك بقلب الحقايق

*عبدالعزيز الفدغوش - الكويت*

لو يقطعه عند الولي الرزق منساق
هو معتني بأرزاق كل الخلايق

ولو وثقوها بأزرق الحبر وأوراق
على الولي المعبود فك الوسايق

وأنت الذي دايم على الحرف سبّاق
أبو سعد في جزل الأمثال شايق

* ضامية الود - الكويت*

النار تحرق ساكب القاز احراق
ويعيش ما أحدٍ له من الناس طايق

جزاه من ربي بتشتيت وافراق
ويشوف ماسواه في صدر ضايق

*نورة السبيعي* - *السعودية*

سبحان رب ٍ للمخاليق رزاق
بيده مفاتيح القفول الغلايق

لو يحترف بعض البشر سوء الأوفاق
الله كريم ويفرج لكل ضايق

*عبيد العجلاني* - *الكويت*

يا شينها و أشد من قطع الأعناق
لا صار مفسد في جميع الطرايق

تبقى القناعة كنز تسمو بالأخلاق
ويا الله عسى أهل الفتن للحرايق

*سعد هليل* - *السعودية*

من يقطع الأرزاق لاشك منعاق
لو يجتهد راع الحسد بالطرايق

ما الله ومر في قطع الأرزاق وأعناق
وحسبي على من سار درب الدرايق

*أشجان التميمي* - *الكويت*

يشار له بمنشن @ يعنون# بهاشتاق
اللي ضرم في الجوف صالي حرايق

ويجز من جذره ويقطع من الساق
جزاه بالتفصيل وافي ولايق

*صالحة المخيبي * - *عُمان*

اللي نقض عهده ولا أوفى بميثاق
لا أطاوعه شوره ولو جاك سايق

يبادرك في وجهك بطيب وعناق
وإن راح في ضرب القفا له طرايق

*ناصر الهاشمي* - *عُمان*

باكر إذا التفت الساق بالساق
مشهد حياتك مر غبن الطرايق

ياليت ماتنفع سوى زود الإحراق
ياظالمٍ نفسك بشب الحرايق

*تهاني التميمي (الأسمى)* - *السعودية*

ما أحدٍ كفو يقطع علي (ذرة) أرزاق
أنا العنود مرّوضة كل عايق

ومنهو (يحاول) علقم المعضلة ضاق
وحقي يجي بالثانية والدقايق

*العنود العلي* - *عُمان*

اللي ملك قلبِ بإحساس خفاق
في عينه أتبين جميع الوثايق

يسعى بفعل الخير والرب رزاق
وربك فتح للعبد رزق وطرايق

*كاملة البلوشية -سلطنة عمان*

لاتظلمه والرزق من عند رزّاق
ياكبرها لو يوم نام امتضايق

دعوة من المسلم اذا خاطره ضاق
فجأة تضرك وأنت مرتاح فايق

لاتقطع برزقه ترى قطع الأعناق
أخف منهاااا..وانتبه للعوايق..!!!

*خلود البراري* - *الكويت*

ماهو بكاسب خير ولابد ينعاق
لابد مايومٍ من السو ضايق

يتبع هوى نفسٍ مع بليس تنساق
يمشي بدرب مخالفٍ غير لايق

لو يختفي تبتكشفه شمس الإشراق
وينفاه دين وسلم وعهد ووثايق

وأعوذ في رب الملا خير خلاق
من الفتن وأهل الفتن والعوايق

*سعد بن زمانان*

إليا عطاك الله فلا يلحقك عاق
تأخذ نصيبك ما تردك عوايق

ثابر على الدعوة بليلك ومشراق
يأتي الفرج مدرار لو كنت ضايق

*مريم العتيبي* - *السعودية*

عقله سقيم وحالة الفكر منعاق
وعندي على ذلك اثبات وحقايق

شفقٍ على الفتنة وللشر سباق
ويسعى لقطع الود بين الشقايق

*موسى العنزي* - *السعودية*

بعض الأوادم شغلته مصنع فراق
ماغير بين الناس يشعل حرايق

من ناقل النمة إليا شاذب الساق
ناسٍ عليهم ملبس السو لايق

*خلف السياد* - * السعودية*

صح الله لسانك وما تكتبه راق
ياشاعرٍ كف العطا له سبايق

في كل جمعة تطرح الحرف بأذواق
في مجتمعنا واختلاف الحقايق

الخير عند الله والعبد منساق
وكلٍ حصيله مثبتآ بالوثايق

أحدٍ نهج للحق مؤمن وسباق
وأحدٍ على الأرزاق جاب العوايق

*أصايل نجد* - *السعودية*

يا اللي على قطع الرزق حيل تواق
أعــرف تـرى ربـي لـلأرزاق سـايق

مـهما تـسوي مالكم غير الإرهاق
رزقـي يـجيني لو هو بيدين بايق

*مشعل الشمري* - *السعودية*