شربكات القطيعه 🌴 الشاعر عبدالله الازوري 🌴

أطوي قيود الهجر قيد وراء قيد
دام المواصل واجب بالشريعه

واقطع على شان الوصل جرهد البيد
اكسر حواجز ( شربكات القطيعه )

وأشعل حنين الوصل من منور العيد
لا تلتفت لاهل الـقــــلـوب الهزيعه

سود النوايا فــالـهـا للمقاريد
بين الملاء تصعد عروش الشنيعه

يا قاطع الأرحام و ابليس لك سيد
مسقيك من كاس المكر و الخديعه

يشور لك و يزود الامر تعقيد
يهدم صروح با المواصل منيعه

الصد يفرق كل جيد على جيد
تبكي على ضف المآسي طبيعه

والصد صوت البعد و الجرح ترديد
والمجتمع فيه المشاعر وجيعه

يا حاسب الدنيا من الفي للفيد
ريح المنايا في الحناجر سريعه

كلمات :- عبدالله الازوري

يعطيك العافيه وتسلم الايادي
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

عافاك الله على النقل الرائع
تسلم يمناك

صح لسان شاعرها

لاهنت ابو رشيد على النقل المميز


فائق التقدير