مساجله بين الشاعران 🔹مبارك العتيبي 🔰 فوزي عازم اليمني العنزي 🔹
سلام ياحرن .. من عيال .. وايل
في ساعه الوقفات والضيق تلقاه
فوزي يطول الطيب والراس طايل
واذا إحتزم فعله على القول يحماه
أبوه عازم .. شيخ . كل .. الجمايل
بالعزم .. والنوماس .. والطيب ربّاه
من عزوتن .. تلطم نظر . كل عايل
يوم . العزاوي .. والفتن .. والمثاراة
تاريخهم .. تشهد .. عليه . الدلايل
ويشهد على التاريخ رمحه وشلفاة
من غير قاصر في جميع القبايل
لكن أبو .. عازم .. فعوله .. مسماة
الشاعر/ مبارك العتيبي
يامرحبا باللي يسوق الجزايل
شاعر من العتبان والقاف سواه
خطه وصلني في جهاز الموبايل
وقريت خطه بالبيوت المنقاه
حييت يامبارك كريم السبايل
وابشر بعزك يوم خطك قريناه
ان كان عندك من عناء الوقت مايل
ابشر وباذن الله ترا غير تلقاه
حنا هل الفزعات وقت الصمايل
ردينا بالطيب محد يتحداه
وانتم هل الوقفات والراس طايل
اعتيبه الهيلا هل الجود والجاه
اعتيبه اعتيبه بها الطيب هايل
روس الرجال اهل البيوت المبناه
اصغرهم اللي يرتكي للثقايل
لاجيت عنده فز من دون تنخاه
اكبر دليل اسال جميع الحمايل
يقول لاشفت العتيبي تنصاه
يقضي لزومك مايدور جمايل
هذي غريزه فيه من طيب مرباه
الطيب واجد في جميع القبايل
وطيب العتيبي غير والفعل يزهاه
وهذي تحيه لك من اعيال وايل
لمبارك اللي شاع ذكره وطرياه
الشاعر / فوزي عازم العنزي
|
الإهداءات
« آخـــر الـــمـــشـــاركــــات »
| 
|
العرض الشجري