شعراء يكتبون عن يوم الوطني 86

شعراء الوطن يكتبون عن وطنهم بمناسبة اليوم الوطني 86 حفظ الله حكومتنا الرشيده من كل سوء . فالقصايد الاولى التي وردتنا نقدمها لكم

ياوطنا* دامت* افراحك* وعزك* دايم
يابلاد* اهل* الشريعه* والقيم* والذمه

يابلادي* كل مسلم* في* غرامك هايم
انتي* بلاد* الرسل* وانتي* ملاذ* الامه

يابلد** سلمان** عزك** بالشريعه* قايم
مايهمك* حوثي* وداعش* ولا شرذمه

دونك* انزايم* عدوك* فالحياه* مزايم
كم عدون دون حدك سابحن في دمه

افخري* بخوان* نوره* والنظام القايم
بالعداله** والمحبه** والله** انك** قمه

الدول* يرثالهم** وبن* السعودي* نايم
في* امانن* نسأل* الخالق* عليه* يتمه
حسين السبيعي

🇸🇦🇸🇦🇸🇦🇸🇦🇸🇦🇸🇦🇸🇦
بسم الله الرحمن الواحد المنان
خالق كل شي واله العالمين

سته وثمانين عام كملت بالامان
في ظل اخوان نوره كل حق يبين

الله يرحم وعبدالله ونايف وسلطان
ويطول بعمر سلمان خادم البيتين

هل العوجا من عادهم بيصبح ندمان
ابن سعود ناصر الضعيف وناصر الدين

ولي العهد محمد ابن نايف كحيلان
يمشي مثل مامشو جدوده الطيبين

بلاد التوحيد دستورهم هو القران
عساك يابو فهد دوم من السالمين

وختامها الله يعز مليكنا سلمان
ويرفع البلاوي عن جميع المسلمين


الشاعر / مشاري بن وليد الصقعبي العنزي

🇸🇦🇸🇦🇸🇦🇸🇦🇸🇦🇸🇦🇸🇦
يا دولة التوحيد للمجد عنوان
وانتي عناوين الفخر ومحسوبه

بين الدول دوله عظيمه لها شان
من فضل ربي شامخه ومهيوبه

يقودها في محفل العز سلمان
ملك عضيم وكل شعبه رضوبه

الشاعر / ضيف الله الضوي

. بمناسبة اليوم الوطني


ــــــــــــــ

يوم الوطن .. ماهو مجرد شِعــارات
ولا كتــابــــة لافــتـــه .. لـ الــدّعــايه


ولا مجــرد .. بالشـــوارع هتـــافــات
مبني على .. معنى ومقصد وغـايه


يوم الوطن .. تخليد ذكرى فُتوحات
يومٍ تعـلّــت فــيــه .. لـ الــديــن رايه


كانت شقا والناس كانوا بها أشتات
وفيهــا الحروب الطـاحنـه والسّبـايه


و وحّدها ابو تركي بعدل ومسـاوات
وإستبــدل الظـلـم بـ منــار وهــدايه


سلاحه صفى النيّه وأحاديث وآيات
مفتـاح خِــيـْرَه .. وإنطــلاقــة بــدايه


حــدّد جــوانبهــا بـ حــد الرهيفــات
والله جعــــل بــه لـ المشـــاكل نهــايه


وأرسى قواعــدهــا وثــبّت عــلامات
و أوصّى دُهاه تمــاثلــه بالدّهــايه


أُسره لها في صفحة المجد بصمات
حــرّاس ديــن ولـ المـواطــن حمـايه


اليوم .. شوفوهـا حدايق و.واحات
في عهد عاهلها ..حفيـظ الـوصايه


خادم حـرم مـكــه .. مَحَطْ الرسـالات
وراعـي شـؤونـه بإهتمــام وعنــايه


الله يديـم اللي على الـدار ســادات
ويديـم الامــن إلــين مــالـــه نهــايه


وحب الوطن لابــد ينبع من الذات
بإخلاص ديــن وصدق بيعة ولايه


لـه فــوق ميّــة عــام ينعم بخـيرات
واللــي تـنـكّــر لــه بــلا شــك تـايه


وجهة نظــر بينتهــا عــبر الابيـات
رأيــي .. وكــل إنســان حــرٍّ بـ رايه





الشاعر/ حمد الضوي

جديد وحصري ��

�� شيلة وطنيه

كلمات الشاعر /نـــايــف العــلــيانـي

اداء / صوت عليان

،، سعيــد الــواسي

http://e.top4top.net/m_2274kyz1.mp3

الملك سلمان ومحمدينه له اعضود
والبواسل في وطنها تسوق ارواحها
وشعبه المخلص وفاهم على الدنيا يزود
في بلادن كل يومن تعيش افراااحهااا
اقرب الاحداث خلق الله لحجه وفود
موج ناسن تسهج الحله وتجتااحهااا
نظمووهم لين حجو على حالة ركوود
عسكرن ما دورة رااحتن ترتااحهااااا
يردعون المخطي وللخطيه مايعوود
ويرفعون الطايح بطيحته لا طاااحها
كيف عاد اللي تفاانو على حفض الحدود
والبلد فالعيد سجوو بها سواااحهااا
قادة التوحيد تبذل على كل الجهود
والمواطن يجني من البلاد اربااحهااا
تذعن الشيعه وكل النصارى واليهود
وفالكبود اجروحهم مالقت جرااحهاا
افخري يادولة العز في حكم السعوود
وللوطن يومن بذكره تزوود امدااحها
يوم توحيد الوطن يوم توثيق العهود
والبسة بالدين دار الكرام اوشااحهاااا
ياملكنا ابوفهد كلنا لامرك جنووود
الذخيره روسنا وانت معك اسلااحهاا

الشاعر سالم دخيل الحبابي

ياناس عيد المملكه غير العياد
عيد الظفر عيد الفرح ياأسميه
يجعلها دايم بأعياد ومجاد
ديرة هل العوجا أحباب الرعيه
حنالهم درعن يصدون الاضداد
كف الملك حنا علي كل هيه
حنا بني وايل شريفين الاجداد
عبرالزمن أخلاص مافيه زيه
لدوله اللي مابها كفر وحقاد
للمسلم العابد ظلالن وفيه
ولا العدو ماعنه سائل ونشاد
نسقيه كاس المر لارحم حيه
فهد العراك ������������������������
المملكه تبقى عزيزه بسلمان
ويوم الوطن عيد علينا شموله

أنتي أبلاد العز ياخيرالاوطان
مانتي عن ديانات ربي خموله

مكه وطيبه فيك يادار الايمان

مهبط وحي ربي ومسجد رسوله

وفيك المساجد ترفع اصوات الاذان
ولا طبها المسيح يقرع أطبوله

هذي بلاد العز من عبر الازمان
يامنبع الاسلام ومهد البطوله

عبدالرزاق المطرفي

������������������������

عاد عيدك يالسعوديه ملاذ المسلمين
عاد عيدك والبيارق خضر وحنالك سند

مرخصين ارواحنا لك على مر السنين
وكلنا فدوه لمكه والمدينه بحال ولد

الشاعر سلطان الزعل الفالح

سلامي يا خادم البيتين يا حزم نحيه
حامي حما دارنا وقت الملاقا نعتزي به
بسم الوطن عاش ابوفهد عسى ربي يخليه
وتدوم فرحة وطنا كل عام نحتفي به

الشاعر مهدي الوادعي
ابو نواف

ياهل التوحيد وكتاب النبي والسنّه
الجراثيم أبعدوها مانبي جرثومه

حتى لوكانت بعيده من هنا لاكنّه
معديه والريح لامن جابته مسمومه

قدكسرناخشم ابوهم يوم خيله عنّه
واختلف عنده مسيرالجيش والمنظومه

يرمي سهومه عليناواعتقاده بنّه
في هدفهالاكن اللي اذبحته سهومه

وبعدماشاف الهزيمه يوم حربه شنّه
وانكشف تخطيطه الغادر وكل علومه

وده يقبل مواطي من وطاه أغدنّه
يرحمه من شان عينه تهتني في نومه

يالمجوسي مادريت ان العرب منجنّه
لاتسوم الدار حتى لو تزود بسومه

لانبيع الدار بيع ولاعطا ولامنّه
كل قرمً دون داره يطلع من هدومه

جاك سلمان السعد من فوق جوك كنّه
غيمةً هلت حياها فوقكم مرحومه

خيّمة في يومً اسود راعديه دنّه
واختفى ضو القمر من حولكم ونجومه

قادها بمر الولي منهو يحب الجنّه
وامطرت مثل الحجر بالايه المعلومه

احتزم برجاله اللي ماتخيب ظنّه
واعتلو فوق البحر والبر فوق رجومه

وفي حدود المملكه صاروسوات العنّه
ماتعداه الجراذي والخشاش وقومه

جابك المولى كريم الوجه راعي المنّه
وطردك سلمان طردة كلب ينبح دومه

لاسلام ولاكلام ولاتفاوض منّه
ولاتفاهم في خططكم بينت مرسومه

مادريت موحد بلاد الجزيره إنّه
وحده بالسيف الاملح والصبروعزومه

والله ان تبطي مريض وفي ظلوعك ونّه
تجعلك منها طريح فراش ماله قومه


لشاعر جبل _بن غازي الشمري

صحت السنت الشعراء وانتظروا المزيد

لله المعبودحقه بالعباده
وللملك حق الولا ثم لوطنا
قام ابو تركي على صهوة جواده
عن صدى صرخة دياره ماتثنا
غيرته تجري بدمه في بلاده
قال يحيا العدل بالله استعنا
عادملكه وملك جده في شداده
بالشريعه حقق احلامه ولنا
وحد الدار العزيزه باجتهاده
ليم اطراف البلد ثم احتضنا
لين شيدها على عز وركاده
صانع التاريخ هو حامي وطنا
ثم سلمها صناديد القياده
الوطن باحضانهم بعزه تهنا
دام عز ملوكنا فخر ورياده
ارتفعنا في ذراهم ماطمنا
في وجود الليث هورمز السياده
عزها بوجود ابو فهد يبنا
قادها فوق الفضا يرقا سناده
مع ولي العهد للقمه وصلنا
مملكتنا سايده ماهي مساده
كم عدو من حسد نفسه تمنا
الوطن دونه تشرفنا الشهاده
ندفع الارواح دونه مانتونا
كلنا رهن الاشاره للقياده
من خرج عن صفنا ماهو بمنا
الوطن نغليه من حشمة وداده
هو شذا الارواح خيراته غذنا
نستلذ بطعم حره مع براده
كل ذرة من ترابه دم منا
من يحاول في وطنا بالنكاده
نلبسه ثوب الجنان ويستجنا
من زرع للشر يجني من حصاده
ندمغه بالحق والله ماشحنا

صنت الغضوري