مساجله بين فوزي عازم العنزي وحامد عناد العنزي وسلطان عبث العتيبي #غزليات

البرق خده والشفايف طعم توت
وتفاحتين الشام تشبه نهدها
لورحت شرق وغرب وديار بيروت
مالقى مثل شكله ولاحدن وجدها
جمالها مدمر مثل حرب جالوت
ام الدلع وام الفتن في بلدها
قلبي على حبه مبهذل ومكبوت
وعيني على فرقاه زايد رمدها
انتي معي وعقاب عينه على نوت
مانساك لو الام تنسى ولدها
حبك بقلبي داخل الصدر منحوت
يامملكة قلبي ودولة سعدها
لو بيني وبينه مسافات وخبوت
مسافتن قشراء ونحسب عددها
والموتر اللي معي ماهو ترا حوت
هيلكس والهيلكس ماقشر نكدها

الشاعر / فوزي عازم العنزي


يافوزي العازم.على مصدر الصوت.
جتك المعاني من خبيرن رصدها..
حي البيوت اللي تميز عن بيوت..
تتعب مجاريها وتتعب نقدها...
من شاعرن في نظم الابيات مبخوت..
يسبك ويحبك خيمته من عمدها...
من صغر سنه.ماتبع كل سربوت...
له ميزتن.بين الرجال اعتمدها..
شعره مع الشعار تقل نظم.ياقوت..
ماهو.من اللي اليا نواها هبدها..
والحب يابوليث.عذب ببخوت..
ونفسن يمنيها ونفسن طردها..
وابشربنا لايلحقك.هم وسكوت..
في ماتبي.وربك يحلل عقدها..
نفزع معك والشر غايب ومكبوت..
ماهمنا موج البحور وزبدها..
والمعذره كان الشعر صار مبهوت..
وكان المعاني غاب جيد سندها..

الشاعر
حامد عناد العنزي .







القلب من موجات والحب ريموت
والشوق لاناش الضماير لهدها

راع الهواء مايقبل الشرب والقوت
كبده يزيد من التوجد نكدها

الارض في عينه من الضيق تابوت
في غربتن فالخلق روحه وحدها

فوزي هواوي بالهواء يزعج الصوت
عينه بعد خله تزايد رمدها

للوصف صاغ الشعر لؤلؤ وياقوت
بيوتن علئ وصف الجميله نقدها

هيض قلوبن الهواء شاتها شوت
صدر هواها عقب عام ووردها

راع الهواء يموت ويعيش ويموت
لو ان روحه ماتفارق جسدها


الشاعر
/ سلطان عبث العتيبي

الله يعطيك العافية وشكراً على الطرح
سلم حرفك

يعطيك العافيه وتسلم يمينك
طرح رائع وانتقاء اروع لاهنت
ننتظر جديدك المميز
دمت بحفظ الله
اختك اميرة الورد كانت هنا @

طرح جميل بجمال حضوورك

عوااافي

صح لسان الشعراء الكرام

لاهنت ابو رشيد على النقل


تقديري

سلمت على الطرح
اسعدك الله ووفقك

الله يعطيك العافيه وتسلم يميك
الف شكر على الطرح الجميل

سلمت الأنامل على الأيراد
*ودي لك..

.أخوك جدعان العنزي

الله يعطيك العوافي
كل الشكر والتقدير