قلبي يبيك وكبريائي يبيني( علي فرحان الخمشي)

قلبي يبيك وكبريائي يبيني
واخترت قلبي رغم عن كبريائي

مابي بعد طول العنا دمع عيني
يفضح خفايا رغبتي وانتمائي

وثقت فيك وقلت ماعاد فيني
الجرح طال وزاد عمره عطائي

يا أول انسان احتونه سنيني!
يا أجمل احساس الغرام البدائي!

يامنتهى احساس الغلا !ياحنيني!
يا أجمل حروف الغرام بهجائي!

ياهاجسٍ بالشعر دوم يغشيني!
يا اجمل ابيايتي !والفي! وبائي!

ياعذب طواريقي !وياسمى انيني!
ياجمل كلامً عاطفي و انتقائي!

يانور عيني! يالنضر! ياضنيني!
يا أرض عشقي! يامنارة سمائي!

ياذكرياتي! يامغبة سنيني!
ياجمل اوقاتي! يالصبح! يامسائي

يالهفتي !يابسمتي! يا أنيني!
ياجمل حكايه تنتهي باستيائي!

والله ماجيتك ابي سد ديني
جيتك وانا احسب كل همك رضائي

وفيت لاكن مابقى في يديني
الا اني اصبر واحتسب يارجائي

وزعجت باخر صوت بينك وبيني
ابغى العداله كان يسمع ندائي

انا ترى ماخطيت لاتضلميني
كل الحكايه جيت لك من غبائي



علي فرحان الخمشي

عبدالرحمن اليمني

طرح جميل وحضوورك واختيارك الاجمل

جهوود تستحق الشكر عليها

عواافي

صح لسان شاعرنا علي فرحان الخمشي

لاهنت اخوي عبدالرحمن على النقل الرائع


تقديري

أخي الكريم
يعطيك العافيه وتسلم الايادي
طرح رائع وانتقاء اروع لاهنت
ننتظر مزيداً من جديدك المميز
دمت بحفظ الله
$أميرة الورد كانت هنا $

تسلم اياديك على الطرح
عافاك الله

ودي لك

صح لسان الشاعر

وتسلم اخي عبدالرحمن على النقل الرائع

لك كل التقدير