ليله الميقاف صعب وموقف الشاعر صعيب

الليله الميقاف صعب وموقف الشاعر صعيب
والخيل في يد الشجاع اللي يقود عنانها

لو حل في قلبي حزن واستاحش الكون الرحيب
يبقى انتظاري للأمل يشع نور أركانها

قولو سلام الله على الويلان مزبان الحريب
الآبة اللي طيبها بالناس علآ شأنها

أن طبت من طيب عنزه وان خبت ما ظني اخيب
دامي من اللي ألزمت للحق في جيرانها

اليوم لعيون عنزي ناقف على ضلعن منيب
لأجل السبيعي نتحد ونشيل ضعف اوزانها

وان طاحت البورصة تحت اعرف ماهو شين غريب
ما دام به دم عنزي / بتطيح كل أثمانها

صكات بقعاء تعتدل لا قامو الجمع المهيب
أخت النشاما انتخت / فزو لها يا اخوانها

يا أحفاد اسياد الزمن سالم معه عمر وكليب
يشهد لهم اهل القرى وش حل في سكانها

تشهد طمية والفرات وذي قار تشهد والنخيب
الموت عند الوايلي ولا تنوخذ وديانها

ما طاحت الدمعة على خد عنزيه من نحيب
إلا ورد الثأر يمنع ما بقى باحزانها

واليوم يا جموع عنزه فزو ترى الموقف صعيب
من قبل حزات الزعل تضحك* لا اجل شيطانها


عبدالله الطلوحي

صح لسان الشاعر عبدالله الطلوحي وان شاء الله تنفرج كربة عبدالرحمن

لاهنت على النقل المميز


فائق التقدير

اخي الكريم عبد الرحمن
يعطيك العافيه وتسلم الايادي
طرح رائع وانتقاء اروع لاهنت ونعم بالويلان جميع
وان شاء الله فرج الله قريب اقرب من لمح البصر
ننتظر مزيداً من جديدك المميز
دمت بحفظ الله
$أميرة الورد كانت هنا $

تسلم اخي عبدالرحمن

طرح جميل وحضورك الاجمل

عوااافي