مجاراه الأبيات الشاعر سلطان الدوسري

ابيات المجاراه


من كن في صدره هواجيس وعلوم
يا عزتي له كان ما عين علاج

مثل الذي من خلف الأسوار محكوم
لا جاه فكاكه ولا جاه الأفراج

من بعد ربي فارج لكل مظلوم
اللي سجد له تالي الليل محتاج


سلطان خلف الدوسري

🌼🌼🌼🌼🌼🌼🌼🌼

يالعنبو حظ "ن" اخبره مع رخوم
فوق السماء مشعل قناديل وسراج

واللي كفو يبطي به الضيم مضيوم
ومافيه غير الصبر هو خير مخراج

وربك يابن زايد ترى يبدل هموم
ارفع يدينك للولي بتلقى افراج


ممدوح صفوق الدغماني



من ضاق باله مايجي عينه النوم
يسهر مع السهران بهموم وخلاج

مثل الظعيف اللي خذو حقه القوم
ولا المريض اللي بلا طب وعلاج

الله يفرجها على كل مظلوم
والله يرزق كل طيب ومحتاج


بندر عبدالعزيز العنزي



الصدر صندوق وبه السر مكتوم
وعزي لمنهو صدره من القبن لاج

كنه كما اللي من عنا الضيم ملطوم
همال عينه كنه جالس ورا سياج

يعيش يومه والالم فيه كل يوم
والهم في صدر بنى دور وابراج

يابوخلف كن الليالي بها قوم
شلة سيوفه ولابعد عاد مخراج

وجرح الليالي كل يومن مع النوم
يزور عقلي كنه واصفلي علاج

الله يستر وله علومنا علوم
ولاضاق صدرك وجه لربك وناج



هذال ابن عبيان



بيت الشعر واضح منقا ومختوم
بختم الجزاله مبدع بفن الاخراج
من حضرتك ياصاحبي دايم الدوم
تبهر بشعرك والمعاني والانتاج
(سلطان) لو الحظ طايح ومعدوم
وعليه لوحه تقول منعا ً للاحراج
الله يفرجها على كل مضيوم
رب ٍكريم ٍ عالم بكل مخراج
خالق عبيده فارض الحج والصوم
باعث نبيه لأمته بخير منهاج

فرحان الراشد