والمرجله ( الشاعر سعود فهد الحريري)
عين الحقيقه مالها قيد وخطام
تمشي طليقه ماتشوفه تقوله
والناس من خلقة لها طبع ونظام
وكل ً على ماقيل يشعب ذلوله
والمرجله ماهي بكشخه بمرسام
اللبس مازود رجال وحموله
والمرجله ماهي حكاوي بالأعلام
كم لحيت ً شابت وهي ماتطوله
المرجله تزداد عام ً بأثر عام
عند الرجال اللي تميز فعوله
المرجله بنك ً محطم للأرقام
يتعب عليها ما يدور عموله
عيوا عليها اهل الشكاله بالحسام
زحولة ً ياحيها من زحوله
واليوم في ظل الكرامه والسلام
الله يديم الخير ويكثر هطوله
الشاعر / سعود فهد الحريري
قانون الويلان
|
الإهداءات
« آخـــر الـــمـــشـــاركــــات »
| 
|
العرض الشجري