قصيدة الشاعر معجب الصقيري (( النايفه))

يضمر لي من الردى ويوم الردى باني
من عقله انه اذا صوت لي انهجله

ماني مطبع جمل لو كان لاخواني
ان ماشريته كذا والقيد في رجله

ولاني مخايل بحر لو شوفه اغراني
مادام فيني سطر متربعن دجله

لا يحسبنه ذبحني يوم خلاني
انا رقيت الجبل بعزوم مرتجله

خله بقاع الضلع بالمنزل الداني
مادام عينه على مطلاعها وجله

منزالي النايفه من فوق يلقاني
وكلٍ يشوف المكان الي يخارجله

انا لا شفت الرجل اقفى على شاني
ابسط حقوقه علي بالصوت مازعجله

خله بقاع الردى يحوس وحداني
قل للعرج ياولد لا تلعب الحجله

انا خوي الذي لا رحت ناداني
يمشي ورا خطوتي وخطاه معتجله

خل الكدش للكدش لا صار ميداني
مادام عين الرجا من شوفته خجله

ان مات موت الاصايل والزمن جاني
وان عاش ياقف إلين الله يفرجله

مادام عيا الزمن يحقن بمحقاني
روّح يامال الشحم لاتلتفت لجله

^^^^^^^^^^
الشاعر معجب الصقيري

صح لسااان معجب الصقيري

على هذه القصيده الجزله بجزالة شاااعرهاا

ومشكور اخي عبد الرحمن اليمني

عوااافي للجميع

صح لسان الشاعر معجب الصفيري على النص المميز

لاهنت اخوي عبدالرحمن على النقل


تقديري

يعطيك العافية على الطرح المميز
وًٍدًٍيًٍ......لًًًٍٍٍكًًًٍ......

طرح وافي وجميل
عوافي