مشاركة شعراء من قبيلة اليمنه في حفل جزاع ناجم النومسي بالقصيم

قصيدة الشاعر /سليم سالم اليمني العنزي
بحفل الشيخ /
جزاع بن ناجم النومسي

يا نعيم الشعر مادري ياسفيره
ياصديق النفس يالحر النداوي
يكفي ان الشعر منكم نستعيره
يامثير الشعر فيني بالغناوي
بعد ماقلت احضرو بين العشيره
ابشر بعزك من العد الرهاوي
شاعرك يكتب جديده من ضميره
ماتعذر به ظروفه و الخطاوي
عند ربعن سطرو للعز سيره
يوم كلن يعتزي وقت العزاوي
يومها بالقل والدنيا صغيره
هم طبيب الجرح ياعجز المداوي
باليدين وبالسلاح وبالذخيره
ماكسبوها زور والا بالرجاوي
ارحبو يالابتن تبقئ كبيره
وارحبو يالابتن عز وهقاوي
وارحبي يارايتن دايم ستيره
وارحبو ياعز من جاكم فداوي
اشهد ان النومسي جارن وجيره
ماتضايق ياعتزو فعل ونخاوي
بالقليل اللي يكفي عن كثيره
باليمين ولا خذوها بالدعاوي
ياعلاج البين واليمنئ الكسيره
ياحزام الجنب يالبشت الحساوي
يا كعام الضد و النفس الشريره
يامعاند نومسي وين انت غاوي
ان جهلت العلم لازم تستنيره
ماتعيش بخير ياقلب الشقاوي
سطري ياصفحة الخير المنيره
واشرقي يانجمة الفخر السماوي
ان زعلنا ضربت سيوفن شطيره
وان رضينا ذيبنا طربان عاوي
مانبيع المجد ولانرضئ نعيره
طيبين و صوتنا يرجح و داوي
اجتمعنا للفرح سر و سريره
حفلكم بادي وبراقها سناوي
حافظين الود من يوم المغيره
مايعلق مجدنا هزل العراوي
قلتها باسمي وانا ربعي شهيره
يمنه سم العدا للكبد كاوي
بالختام وقفلت القول الاخيره
مايذم الطيبين الا الدناوي


🌹🌹🌹🌹🌹🌹🌹
قصيدة الشاعر/ ماجد محمد اليمني العنزي
بحفل الشيخ /
جزاع بن ناجم النومسي

بسم ربً كريم وعزنا بالدين
ولابه بالوجود اعظم من الاسلام
جعلنا في محبة جمعنا شرهين
وثايق للوفا ترفع بها الأعلام
وانا في موقفي قدامكم ذا الحين
أحس أني وصلت لقمة الاحلام
اخايل في لقاكم والكلام يزين
يزين ان سارت بذكر الوفا الاقلام
ليا منا مدحنا نمدح الجزلين
هل الطولات وأهل العز والاقدام
لهم في حزت الوقفات عز يدين
وهم زبن الدخيل وعزة المنضام
وفاهم ينعرف لاقلو الوافين
وكرمهم ينذكر لاعدو الاكرام
وسايمهم منايح ماتزول تبين
بعين اللي يعرف اهل الوفام مانام
نعم دارين في ماضً لكم دارين
ولايجهل فعول الطيبين حسام
لكم اول مع التالي ولكم الحين
ولكم فعلاً ماهو يشرى ولاينسام
بني وايل حزام العسر قبل اللين
نواجدهم على الهيه تهيم هيام
مسيرتهم ماهي بالشهر والشهرين
ولاهي تنحسب لاعدو الاعوام
فخرهم في مواقفهم يدوم سنين
من اوسط نجد لين أقصى حدود الشام
وانا افخر لاوصلت بحلة الوافين
بني عمي حزامً مابعده حزام
وصلت بدعوة اللي يتعب الجزلين
نعيم اللي على كسب المواقف رام
وسلام الله عليكم والكلام يزين
ليا سارت بمدح اهل الوفا الاقلام

صح لسان شعراءنا الكرام وبيض الله وجيههم

لاهنت اخوي عبدالرحمن على النقل


تقديري

عبد الرحمن

الشكر كل شكر لك على جهودك المبذوله

كما نتمنى لك الصحه ودوام الاستمرار

تقديري واحترامي

اخي الكريم
يعطيك العافيه وتسلم الايادي
طرح رائع وانتقاء اروع لاهنت
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

الله يعافيك ويسلمك
اشكركم على مروركم العطر

الله يعطيهم العافية على المشاركة وصحت السنتهم
شكراً لك من الأعماق اخ عبدالرحمن

عافاك الله على طرحك القيم والراقي والمفيد
اسعدك الله ووفقك لما يحب ويرضى

لك ودي

صح لسان الشعراء وسلمت على النقل

طرح وافي تسلم الأيادي
عوافي

الف شكر على طرحك الراقي المميز
تحيه وتقدير لك