مجاراه الابيات الشاعر / لافي سالم البقمي

👏👏 ابيات المجاراه 👏👏

هذا زماناً يخلط الشر بالخير
أكبر عدو يلبس ملابس صديقك

قل ل الردي لاطولن المشاوير
عرق الرخامة لازم انه يعيقك

والماس غالي مايقارن بقصدير
لو كان ياقصدير شوّق بريقك

الشاعر لافي سالم البقمي

🌹🌹🌹🌹🌹🌹🌹🌹

الله تحسبه للفخر يمسك السير
يطلع طريقه مايوافق طريقك

يسطي وسطواته سلم منّها الغير
وفالموقف الغصّاب مابلّ ريقك

الشاعر منصور مشعل العدواني

🌹🌹🌹🌹🌹🌹🌹🌹

ان كان معك فلوس عمرك تباشير
وان قلت فلوسك طغى فيك ضيقك

صديق الصادق تراها الدنانير
من دونها محدن يبيك ويطيقك

الشاعر / فهد جازي الحربي

🌹🌹🌹🌹🌹🌹🌹
هاذا الزمان الي يحير التفاكير
يالادمي وسطه تضيع طريقك

عدوك الي فيك ساق التباشير
يجيك يضحك معك كنه رفيقك

الشاعر / معجب فهد القوس

🌹🌹🌹🌹🌹🌹🌹🌹🌹🌹


10/5/1436
المصدر / قروب ديوان الشعراء

تسلم يمناك على النقل وصح لسان الشعراء
الف شكر وتقدير لك

عوافي على الموضوع الجميل

أيضا

ياصحبي لا تبعد ابك التفاكير
تراء الفكر لازاد تجهل طريقك
كل البشر ماهي سوى باالمضاهير
ومن حاص عن دربه يعادي فريقك
ويصبح تحت حد السيوف البواتير
هذي جزاته لوطلع من شقيقك

الشاعر /عابد البجالي

عبدالرحمن اليمني

الله يعطيك العافيه على نقل المجاريات الرائعه

صح لسان شعرائنا الكرام


كل الشكر والتقدير لك ولهم

الله يعطيك العافيه وتسلم يميك
بيض الله وجهك على الطرح الجميل

الله يعافيك على الطرح الراقي ,,
كل الشكر لك
تحياتي

اخي الكريم يعطيك العافيه وتسلم الايادي

طرح رائع وانتقاء اروع لاهنت
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

يعطيك العافيةعلى طرحك القيم والجميل
وًٍدًٍيًٍ......لًًًٍٍٍكًًًٍ......

تسلم اياديك على الطرح
عافاك الله

ودي لك