مجاراه. عن البداوه والحضاره

مجاراه بين الشاعر مبروك ناجي اليمني العنزي ومصنت سرور الشراري وراجي رديعان الفهيقي.

عمار يابيت الشعر والمضاهير
وعمار ياعود(ن)كبير(ن)وقاره
ياماتحملت المطروالمعاصير
بكسورك الي كنهن خشم قاره
في ثلثتك يلقى الذرى والمباهير
من جمرهن جاهن زيادة حراره
وصينية(ن)مافارقوها المسايير
يرمى عليهاالي عريض(ن)فقاره
واليوم عمدانك دقاق المواسير
تبقى أسير جدارجنب العماره
مابك حلا لو ركبولك دواكير
أنت بدوي ماتندمج بالحضاره
الدقدقه فكت جميع المسامير
وأنهارمآرب والسبب فعل فاره
من أول(ن صدرالشمالي يجي بير
واليوم صدره مايتحمل زراره
كلن تغير غير صوت العصافير
والنجم القطبي ثابت(ن في مداره
ياضاق صدرك واشغلتك التفاكير
اسجد لربك ركعتين أستخاره
الشاعر مبروك ناجي اليمني العنزي **


هموم قلبي عقب ماهن مصادير
وردن عليه ونوخن وسط داره
الكل منهن شب نار الدوافير
وقامت تصالى وسط جوفي حراره
كله سبب منهو يصوغ التعابير
اللي بعثلي بالرساله اثاره
بيت الشعر قفى ولاله مداوير
قفى مع المقفين اهل النعاره
اللي بكرمهم محسبو للمخاسير
طيب وكرم والطيب ماهو خساره
الوقت يامبروك وقتً غدا غير
وقتً تغير صار ليله نهاره
الليل كله راح سهر ومشاوير
صار النهار رقاد وسط العماره
بعض الشباب يقلدون الغنادير
لاشفت زوله قلت لاواخساره
اللبس ضيق والشعر فيه تشقير
صارت معالم خشته مستعاره
وبختامها مني تحيه وتقدير
لصاحب اللي حافضً حق جاره


الشاعر مصنت سرور الشراري
--------------------

راقبت انا البارح انجومً مشاهير
ياماطلع ضوح الفجر مع مساره

سبت رساله جت يالله عسى خير
قريت انا مضمونها والعباره

مضمونها بيت الشعر والمضاهير
شاعر ومرسل لا بوراشد قطاره

وهاضت هواجيس الشعر والتعابير
وكلً يصوغ القاف حسب اختياره

وقيفان شعري حضرً لي طوابير
طابور عسكر ملتزم بالاشاره

ياراكب الي يصخر البعد تصخير
هو منوت الي مبعداتً دياره

اسبق من الي يلحقً المعاشير
فرخ الحرار الي سريعً طياره

شاصً جديد ولاغسل عنه تغبير
جديد لوحاته بوسط الغماره

يدق سلفه عقب مايفضي القير
ولايمشي الا مصخه بالحراره

ويعطيه تغييره اليحتاج تغيير
من كف يمنى الي حكيمً قراره

من سرعة ساهر يدقه.بتصوير
وامن الطرق عمم عنه للاماره

وراحو وراه وعود عقب تدوير
وعادو عقب كسب التعب والخساره

فوقه اغلا من مايهاب المعاصير
سقاه وقته من حلاه ومراره

شروا ابونايف هو زبون المناعير
اللي نوى عوقه تنشق اغباره

الذيب ذيب ولاتعوقه خنازير
وقت الملاقا وسط عينه نماره

الفهيقي اللي وافياً بالاشابير
حرً وراسه زايدً به سطاره

ياخذ جوابي يوصله لشواعير
الي لهم بالشعر جوله وغاره

شعار ولاني قدكم ياهوامير
وترا السبب العولمه والحضاره


الشاعر/راجي ابن رديعان الفهيقي

عبدالرحمن اليمني

صح لسان الشعراء الكرام

عافاك الله على الطرح الجميل والمميز

تسلم اياديك وجزيل الشكر لك


كل التقدير

تسلم يمناك على النقل وصح لسانهم
الف شكر وتقدير لك

الله يعطيك العافيه وتسلم يميك
بيض الله وجهك على الطرح الجميل

الله يعافيك على الطرح الراقي ,,
كل الشكر لك
تحياتي

اخي الكريم يعطيك العافيه وتسلم الايادي

طرح رائع وانتقاء اروع لاهنت
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

يعطيك العافيةعلى طرحك القيم والجميل
وًٍدًٍيًٍ......لًًًٍٍٍكًًًٍ......

تسلم اياديك على الطرح
عافاك الله

ودي لك

الشكر كل شكر لك على جهودك المبذوله

كما نتمنى لك الصحه ودوام الاستمرار

تقديري واحترامي

صحة اللسنة الشعراء

وتسلم اخ عبدالرحمن على النقل الرائع

لك شكري