قصيده جزله الشاعر الحميدي مونس العنزي

البارحه بالقلب هم ٍ يعانيه =
هم ٍ يزود لوعتي وأختناقي.

لوكان ماودك على الناس
تبديه=

يفوح من تحت الضلوع الدقاقي.
وشي ٍ قبل تبديه ينعاف تاليه

=وشي ٍ يسوقك للطنا والفراقي.

وأمر ٍ يكدر خاطر الي حكا فيه=

وامر ٍ يضيم الروح والفكر شاقي.
وابي اتجنب هاجس الليل وانهيه=

واسج لعل يتحرر وثاقي.

والشعر حبك وسبك وادراك راعيه=

يبنيه ماتصعب عليه المراقي.
واليوم عناني واناجيت اعنيه=
لوكان مابالقاف جبر ٍ لساقي.

بعض العرب مانلحقه بالمشاريه=
باقي عن علوم الرجاجيل باقي.
وبعض العرب لويطلب الروح لـ افديه=
واحطله صدري عن الرمح واقي.

وكم واحد ٍ يقبل وانا امشي واخليه=

من خوف لايصبح قرين بصداقي .

وكم واحد ٍ يقفي ولاعاد نرجيه =

ولا نتلاقا غير يوم التلاقي.

ورجل ٍ غيابه ماتسده بنيخيه=

ماهو ردى لاكن به الطيب فاقي.

الماء يفيض وترتوي من سواقيه=

والعين ياجفت تجف السواقي.

والبيت لامن ضيقه صدر راعيه=

الأرض ماضاقت لوالصدر ضاقي.

اسج مع روض ٍ تعله مناشيه=

مطوق ٍ فيه الخضار الزراقي.

لوحاول الرسام يرسم مباديه=

تلقى خيال الآدمي شي راقي.

جلسة فضا تبهج خفوقك وتغنيه=

عن شوفة انصاف الرجال البواقي

لاكن عقول الناس ماتقبل التيه=

ولاتحب النمنمه والنفاقي.

ياقلها لاكن عليها المشاريه

ياطير العبرود روس وطواقي

الشاعر الحميدي مونس العنزي