ضيوفنا الشاعر معجب الصقيري و عيد الشراري

في لقاء ودي بين شاعرين لهما في قلبي الحب والمنتنان. حيث كان محور حديثها عن التسعينات الجديده وحيث كان كلاهما عن وزير التعليم د/عزام الدخيل
فحيث بدأ الشاعر معجب الصقيري بقصيدة جميله وبالمثل رد الشاعر عيد الشراري بقصيده مدويه إليكم ما قاله الشاعرين
بمناسبة تعيين وزير التربيه والتعليم الدكتور عزام الدخيل كتب الشاعر معجب الصقيري👇


ياعيد كانك ماسمعت القرارات
عوّد على التلفاز وتقرا التفاصيل

من عقب مامات الملك والسعد مات
زفوّه شعبه بالبكاء والمواويل

جابو لنا من فضل رب السموات
سلمان وجه الخير يوم البهاذيل

غيّر وبدّل بالوطن والوزارات
وكلٍ في خدمة موطنه يعدل الميل

والسالفه ياصاحبي عقب ماجات
حطّو لنا ( عزّام ) راع المعاميل

وزيرنا ياعيد مطنوخ كشتات
عرق بدوي يالذيب وراعي تعاليل

لو شفت وجهه بالصور والقنوات
الله يديم الخير بين الرجاجيل

واجب علينا نعزمه مثل ما فات
دامه يحب البر والنار والخيل

ودع أهلك ولا سألك الشرارات
قل عشقنا ياربعنا يقطع الحيل

انا بدوي ماعيش من غير سجات
ولا ضاق صدري قلت ماطولك ياليل

من يوم طاح الثلج حول القريات
ياربعنا ماعاد فيها تساهيل

ضاقت تبوك الورد وعفت الدوامات
من يوم لاحت بالسما نجمة سهيل

أحط ابو نوره على ( امر المعانات )
وارجع اغني يالا دانه وياليل

الهم كافر ياولد عندي إثبات
حطّم هواجيسي مثل غزوة الفيل

كن الحزن من فوق سبع المجرات
يقود سرب الطير والطير أبابيل

ومن حط راسي عند خشم الكسافات
احط راسه من ورا عقدة الذيل

ودي اغيب ولو درا لي عرب سات
تعبت من صوت الوراعين والويل

ومادام ربي جاب ( عزام ) بالذات
لا والله إلا زان ضبط المعاميل

في روضةٍ خضرا مثل روض تنهات
والجو غايم والمطر له هماليل

يازين شب النار عقب المسافات
لا عانقت ريح النفل ريحة الهيل

نبغى نعيش الوقت يالذيب طنخات
ومن وين ماشفنا المطر نتبع السيل

دنيا دنيّه ما عليها حسافات
كم واحدٍ من قبلنا ضاع بالكيل

ياعيد عجل وإقظ حاجتك بسكات
العمر واحد والليالي مقابيل

مادام فيها راتبين ووناسات
اضرب على الكايد وخل المهابيل

نبغى نتونس والزمن فيه صكات
يكفيك درس الطير في موت هابيل


ورد عليه الشاعر عيد معاند الشراري بهذه القصيده👇


تكللت أفكار شعرك بالابيات
وجاني دوي ابياتها هدني حيل

وقريت بعض الفاتحه بالتحيات
بيت ٍ يخايلني وبيت ٍ له أخيل

ولا عدت أميز بين لون الإشارات
كن النظر صابه عن الشعر تضليل

جتني مع الموجه عيون ابتلاءات
احتاج لي من سورة الناس ترتيل

وببدأ أغير في اتجاه المسارات
واحول الموجه على الشعر تحويل

اهلا ً يابن وايل زبون الثقيلات
عز الخوي لاصار في دنيته ميل

سلام يا معجب ومرحب سلامات
جيتك مشي مليون في سرعة الميل

اصعد صعود الطائره بالفضاءات
واذلل الصعبات بالفعل تذليل

وارسي كما ترسي جبال السراوات
لو هو ثقيل الحمل لأجلك انا اشيل

واجيك مثل البرق وقت المهمات
رهن الاشاره جاهز ٍ دون تأجيل

جهزت خمس جيوب فيها منارات
من خوتي ذيابه رجال ٍ مداهيل

حدد متى تبغى وأي اتجاهات
أمرك منفذ مايتحمل لتعطيل

نطلع مع البران ونرتل آيات
ونذكر نبي الله وابنه اسماعيل

اللي بنى الكعبه وثبت أساسات
قبلة هل الاسلام جيل ٍ ورى جيل

وبدال ابونوره انمول بشيلات
ونفصل الموال بالشعر تفصيل

عزام جانا وكل فعله عطاءات
بانت مواريها بقرارات تفعيل

اول بشارهـ حطها في المهمات
نقل المعلم مابه اليوم تأويل

الوضع مايحتاج كثرة نقاشات
واضح ولايبغى دراسه وتحليل

وقت الربيع نحلها جو مكشات
نذبح له الخرفان وانخلي الحيل

نطلع عن أجواء العمل والإدارات
الوضع واضح مايبي زود تعليل

وختامها صلو كثير الصلوات
على الذي نزل له الوحي جبريل

ونهاية اللقاء اسئل الله لكم ولهم التوفيق والنجاح

صح لسان الشعراء المبدعين

لاهنت اخوي عبدالرحمن على الإيراد المميز

صحت السنتكم

قصاايد جزله من شعار جزلين

شكرا للاخ عبدالرحمن على نقل القصايد

تقديري للجميع

صح لسان الشعراء على ابداعهم

ربي يعطيك العافيه اخي على نقلك الجميل

استسمحك بنقل الموضوع لمضيف الشعر المنقول

تقديري لك ..~

اخي الكريم

يعطيك العافيه وتسلم الايادي

طرح رائع وانتقاء اروع لاهنت
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

صحت النتهم

وتسلم عبدالرحمن على هذا النقل الجميل

لك شكري

الله يعافيك على الطرح الراقي ,,
كل الشكر لك
تحياتي

يسعد أيامك على الطرح
حفظك المولى وأدامك

تسلم يمناك على طرحك
طاب لي اختيارك الموفق

تسلم اياديك على الطرح
عافاك الله

ودي لك