شعراء يكتبون عن موضوع ( الصراحه )

الصراحة لوتقال بكل حزة راحه
والحقيقة عند من يجهل تراها مره

لاتجاملني على فعل الخطا وايضاحه
قولت انت اخطيت والمبصريشوف الجره

الشاعر كاتب بن عريفج العنزي
---------------------
بعض الصراحه دهورت للمخاليق
كم من صريح القول راحت حقوقه

لاتصارح الا اللي عريب المواثيق
دايم على علم المراجل نطوقه

الشاعر حامد محمد المسعودي
-----------------------
قول _الصراحه ياولد _تزعج الناس
والكل _مايرضئ _على _ما تقوله

كذّب _وجاملهم ترا _الوضع لا باس
لان _الصراحه _ماتوافق _ميوله

الشاعر فيصل فهد العتيبي
-----------------
لا يارفيقي مايصح إلا الصحيح
ماعرف أجامل في حياتي وأخبّي

ماقول لك تقدر وأنا أعرفك تطيح
وكلّن على نيّته يرزقه ربّي

الشاعر معجب الصقيري العنزي
---------------------
تراء الصراحه من سمات الرجاجيل
وتراء الصراحه منجيه خلك صريح

خلك علي وضح النقاء واحذر تعيل
واعرف من تصارح وحذرا لاتطيح

الشاعر فوزي عازم العنزي
-----------------
الكذب ماينفع الرجال...لو قاله
واﻻ الصراحه بهذا الوقت مطلوبه
مايعترف بالصراحه ناس محتاله
اﻻ صريح ن نطقها واحسن اسلوبه

الشاعر عبدالله سنيد الحربي
------------------
بعض الصر احه تجرح القلب ياذيب
ما كل مخلو قن تعطيه سر ك

قفل على صندوق سرك عن العيب
خلك حذر بعض المو اقف تغر ك

الشاعر ثاني رباح العنزي
------------------
الصراحه ميزت العقل والرجل الفهيم
تنبغي فـي وقتها لاضـرار ولا ضـرر

كان فيها خير صارح بها العقل الحكيم
وكان فيها شر جـامـل تـراهـا ماضر

الشاعر مساعد مزعل العنزي
----------------
قول الصراحه كنه السيف شامان
يظهر حقن عن الناس غايب
قول الصراحه زين في بعض الأحيان
واحيان يجلب للصريح المصايب

الشاعر عبد العزيز شلاش العنزي
--------------------
الرجل رجل الين ينقال...كذاب
يصبح بعدها مابراسه.....رجوله
اما الصراحه تفتح ابواب.وابواب
وحبل الصراحه صدق معروف طوله

الشاعر رجا شامان العنزي
-----------------
ترى الصراحه كل الاوقات تنجيك،
وشلك من العبد الضعيف وهقاويه،
تنجيك يالانسان،،،من عن. واليك
اتبع، خطا الهادي، وخلّك من التيه

الشاعر عبيد مطلق الجعفري
----------------
قل الصراحه ﻻجل تضرب بك امثال
ون سولفو قالو ترى فلان...صادق
تزعل ردي العرف لو كان...محتال
لاصح قولك ييبسن.... الحوادق

الشاعر محفوظ رغيان ابو شامه
-------------

الصراحه رمز نطق - وحسن قول
تنجي الجاني على وضح النقا

والتستر لو تحقق _ مايطول
يخلف الهقوات ويضد التقا

الشاعر يوسف قاعد العتيبي
------------------
قل الصراحه وتعرف عند الناس
لياجابو طاريك قالو افلان صريح

والصراحه راحه من كل هم راس
طيبتن لشخص يذكربها فلان صريح


الشاعر صالح مفلح مقعد الرشيدي
--------------
هات الصراحه ياصريح ،
وقض الليالي مستريح
واللي .... على باللك قله
لو يكثرون اهل النبيح

الصدق منجات النزيه
وان حطو الدعوى عليه
يلوذ باللهً ويحميه
للجل الصراحه ياصريح


الشاعر حمد علي الهاجري
----------------
الصراحه الصراحه بوقتها تفيد
الصريح
المجامل مايغير شي في صدق
الصراحه


المجامل مايزعل صاحب الوجه
الفليح
وصراحه ولمجامل تبهج الصدر
النشراحه


الشاعر سلمان شلاش القروعي العنزي
---------------
ترى الصراحة تزعج بتالي الوقت
تزعج قلوب ن لردى مستبيحة
حبل المجامل يا رفيقي موقت
خلك صريح اخيرلك من فضيحة

الشاعر سلطان نافع الرشيدي
--------------------


ترى. الصراحة خلق نابع من الدين
واللي. . كسبها. تاج عالي وشاحة

ون كان. تبغى. للصراحة. . براهين
روح الشمال وشوف كيف الصراحة

الشاعر متعب خصيوي الحربي

عبدالرحمن اليمني

عافاك الله على النقل الجميل

صح لسان الشعراء الكرام

كل التقدير

اخي الكريم
يعطيك العافيه وتسلم الايادي

طرح رائع وانتقاء اروع لاهنت
ننتظر مزيداً من جديدك المميز
دمت بحفظ الرحمن
✿❄ أميرة الورد كانت هنا ❄✿

اخي عبدالرحمن

يعطيك العافيه وتسلم الايادي

طرح رائع وانتقاء اروع لاهنت

ننتظر مزيداً من جديدك المميز

عوااافي

صحت السنة كل الشعراء

وتسلم عبدالرحمن على هذا النقل الجميل


لك شكري

الله يعافيك على الطرح الراقي ,,
كل الشكر لك
تحياتي

يسعد أيامك على الطرح
حفظك المولى وأدامك

تسلم يمناك على طرحك
طاب لي اختيارك الموفق

تسلم اياديك على الطرح
عافاك الله

ودي لك

عافاك على النقل المميز
سلمت ودمت