تعال انفضها سيره

.



صباحكم / مسائكم شعر
تعال انفضها سيره










الى مني بغيت ارضيك واتأسف لقيتك حاد .............
.............. وطبعك موده اتغير ولاقي لك طُبُوع جداد


تبي ترحل ولا تسأل وانا تذبحني الحيره................
........... أنا ادري ان الخطا مسموح للعشاق دون عناد


ولا يحتاج نتعاتب ولا يحتاج تبريره......................
.............. وذا ودك تحاسبني أنا المخطي وانا الجلاد


وعفوك عن خطاي اليوم ابعلن عن محاذيره .............
................ ولكن لا تخليني مع العُشاق دون سياد


أخاف القلب يتعثر ولا يمديك تحذيره ................
........... من الي سبب الآم وزرع في قلبك الأحقاد


ولا يدري بإني لك أسير وصعب تحريره .............
................. وكلمني يحذرني بإنه في غرامي جاد


ويتكفل بعد كسري معاك حداه تجبيره ................
............. ومن يومٍ عرفتك كان واقف للخطا صياد


زرع في قلبك الطاهر فنون الشك والغيره ...........
........... وغيرلك مسار الشوق عن عيني وبُعدك زاد


والى منه تحداني وبين فيك تأثيره......................
................ وسخر كل تفكيرك مرايا تخطي الأبعاد


وغير رقم جوالك وقال نشوف لك غيره ..............
........... ويستعرض لك الأرقام رقم حمود ورقم عناد


ولكن ما هقيت انك تبي تطبق معاييره ................
........... وقيدك في يدي عَلَّم سلاسل قسوة الأصفاد


ونا استناك في ذكراك واتمناك يا ميره................
.......... وانا الي كنت من شانك أبا سافر وأهد بلاد


إذا ودك تسامحني بعفوك دون تأخيره ...............
.................. فعجل لا تلوعني على نارٍ بلا ميعاد


تعال نغير الواقع تعال نفضها سيره...................
.................. تعال ونحتفل بالعيد ونعيد مع الأعياد


ونحلم حلم يتحقق ونهجر هذي الديره ................
.............. ونبعد عن عيون الناس نتخفى ونبقى بعاد



ناجي الصقار




.

ناجي الصقار
يشرفني اكون اول من رد

صح لسانك مليون قصيده جدا رائعه

الله عليك يابو عمر

ابداع يستحق العوده اليه مرات ومرات

صح لسانك لين ترضى ودام لنا عطائك الرائع


دمت بخير

صح لسانك ودام تميزك وروعة حروفك
متصفح رائع وأكثر من رائع
بأنتظار المزيد من بوحك المميز والفريد

.

قصيده جميله ... مميزه ... رائعه ...
تنقلت بين سطورها فما وجدت الا الجزاله وقوة المعنى
صح لسانك عدد حروفها
دام تألقك

سلمت يمينك وصح لسانك ملايين
قصيده جمعت الجزاله والأبداع معاً

ودي

صح لسانك واعتلا شانك ..
ابداع في حروفك و الكلمآت تنسآق لك طوآعيه...
وَردَة بَيِضَآء لـِرُوَحَك

دُمَت بِخَيِرَ..~

الف صح لسانك ونبضك ودامت حروفك الجميله
استمتعت بمعزوفتك الرائعه والآداء المميز

صح لسانك شاعر جزل دائماً حظورك مميز

لله درك

بالتوفيق

حرف جميل ورائع
صح لسانك حد الرضى وبيض الله وجهك