من مفاخر عنزه الوايليه

من يريد الطيب يسـعـى بالـقـوايل صوبه=ولايحـوز الطيب رجـل ماسـعـى باسبابه
ومن غـدى هـمـه شماغه او خـياطة ثوبه=وكشخة المـوتر وريحة غـتـرته واطـيابه
ما لـقـى باب الـمـدوح ولامـشــى بدروبه=وصعب تدخل جـوف بيت مافتحت ابوابه
لاتحـسـبـون الـمـراجـل بالـخـلا مجـلـوبه=هي حلال لـمـن تحـمـل بالرجال اتعابه
مثل من يـبـرك جـمـلـهـم يشـتكي عرقوبه=من قـيـوده بالـمـعـارك واصبحت مهزابه
ومثل من نادى الجياعا بالـدجـى مـنـدوبه=ارسل الخـادم يـنـادي فوق روس هضابه
ومن نـقـد دلـة شـيـوخ بالـعـرب مرهـوبه=واثــق مـاخــاف سـيـف والعطب بنصابه
ومثل شيخن في سميراء حمسته محسوبه=اربعـيـن بـيــوم واحـد مـن لـفـى حـيى به
ومن رضي يدخـل دخـيـل لابته بلشوا بـه=وعسكر الاتـراك يجـمـع بالحـروب ذيابه
ومن حـمى رجل عظامه ترتجف مرعـوبه=وادخـلـه لو كان جرمه في سليل اصلابه
ومن سـمـع طـفـل يصيح وفاقدن مشروبه=وعاد صوب الخصم ثاير مثل سبع الغابه
ومن عطى جاه النـشـاما بالـعـرب ماجوبه=وطـلق الريم الفـريـعه عـقـب كتب كتابه
ومن شرى اللي صاح ينخى في مية منجوبه=والـفـرس مـعـهـا وفكـه يوم غـيره هابه
ومن فـقـد خمسة رجـال ولا شكى لـو نوبـه=كاتـم جـرح الـلـيـالـي خايـف يحـكـى به
ومن سمع صيحة هنوف والعدى حاطوا به=وجاه مثل الذيب الاشهب والعطب بانيابه
ومن جـدع درزن شـيـوخ وغارته مشـبـوبه=وكل شـيـخ ثار عـنـده بالـرهـايف صابه
ومن يدافـع عـن خصيـم لابـتــه شـطــوا به=شـاعـر نادى كلـيـب وجـاه نـبــح كـلابه
ومن حـمـى للـجـار شـاتـه قبل وقت غروبه=فوق خـيــل قـادهـا اللي بالـفخـر عيا به
ومن صـبــر للـجـار يكـتـم عـلـتـه وعـيـوبه=وساقوا الـمـدى لخـصـمـه مايبـون عتابه
وقال شـيـخـة شعر وايل والعرب غـنـوا به=وطـق في لوح القوافي وسط نجـد اطنابه
ومن ركب من فوق الاسود في لهيب حروبه=مـظـهــر روحـه لـرجل يرتجي مضرابه
ومن سمع ضرب الكحـيـلـه للـوطـى بعكوبه=وشال سـيـفـه للـمـعــارك والرمد بأهدابه
ومن تهـاب الخـيـل صـوتـه كـنها مـسـبـوبـه=كيف حـتى الخيل تحسب للعـقاب حسابه
ومن جزاء الـلـي زال شكـه بالمها الرعبوبه=واشـتـرى له ذود قــوم هــو خـذاه نهـابه
ومن ترك شـيـخ الـدعـوج بفـيـضـة معشوبه=لاجل يوفي نذر ديـن(ن)بالمـعـاند جابه
ومن عفى عن راس رجل عسكره حاطوا به=وقـال اخـونا راح عـمـره بالـنـقى وآدابه
ومثل شـيـخ وسـط ربـعـه فـي نـداه اعجـوبه=كالمـنـيحه في صخاه وشغـلـهم يسعى به
ومن عطى اللي شل ذوده عـقب ماراحـوا به=الفـحـل خـوف يتخـالـط بالفحـول انسابه
ومن غـدى مـدعـاة نـجـد الـيـا حـدود الجوبه=لكـل رجـل قـام يـدعـي بالـعــداء لـركابه
ومن كسى التاجـر بفروه عن جـمـيـد جـنـوبه=ساق قـيـمـتـهـا وصارت بالشـتـاء جلبابه
ومن قضت من كثر رميه بـندق(ن)مصبوبه=وهـي حـديـد من لهيـب النار غصب ذابه
ومن هـزم سـتـيــن رجـلــن بالـفـخـر منسوبه=وهو غدير الموت طيرن طار من مركابه
ومن حمـى الخـالـه بسـيـفـه والـعـرب منهوبه=ومن تخاف السلب منهن بالعجل تلجى به
ومن سرت فيه المـثـايل في جـمـيــع شـعــوبه=والعـطـيــه لا عـطــاهــا ماتـعــود لـبـابه
ومن ستر بـيـت الـمـعـزب عـقـب ماضافوا به=مايـبـي يحـرج كـريـم فــي لـيـال غـيـابه
شاب قـافـي مابلـغـت الـنـصـف مـن مكـسـوبه=واعـذروا تقـصـيــر رجـل قـالها بأحبابه
صعب نحصي طـيـب قـوم روحـهــم مـجـلـوبه=كان طار عن الـعــذارى والحريم حجابه
من يريد الطـيـب سـار بخـطـة(ن)ساروا به=او يـنــام ولا يـعــانــد بالـكــرام اربـابـه
طيب وايل لــه حــروف بالــذهـب مكـتـــوبـه=لابـة(ن)ياوي والـلـه ياعـرب مـن لابـه

من يريد الطيب يسـعـى بالـقـوايل صوبه=ولايحـوز الطيب رجـل ماسـعـى باسبابه
ومن غـدى هـمـه شماغه او خـياطة ثوبه=وكشخة المـوتر وريحة غـتـرته واطـيابه
ما لـقـى باب الـمـدوح ولامـشــى بدروبه=وصعب تدخل جـوف بيت مافتحت ابوابه
لاتحـسـبـون الـمـراجـل بالـخـلا مجـلـوبه=هي حلال لـمـن تحـمـل بالرجال اتعابه
مثل من يـبـرك جـمـلـهـم يشـتكي عرقوبه=من قـيـوده بالـمـعـارك واصبحت مهزابه
1- سبب تسمية الدهامشه من عنزه محددة الجمل 0

ومثل من نادى الجياعا بالـدجـى مـنـدوبه=ارسل الخـادم يـنـادي فوق روس هضابه
2- ابن مهيد مصوت بالعشاء وهو شهير في الجزيره العربيه 0

ومن نـقـد دلـة شـيـوخ بالـعـرب مرهـوبه=واثــق مـاخــاف سـيـف والعطب بنصابه
3- علوش بن ظويهر اللي نقد دلة ابن رشيد بمجلسه وطلع كلامه صحيح 0

ومثل شيخن في سميراء حمسته محسوبه=اربعـيـن بـيــوم واحـد مـن لـفـى حـيى به
4- ابن جلعود من اجواد اهل الجبل صاحب قصيدة القهوه الشهيره وقيل انه حمس
اربعين حمسه من الفجر للظهر 0

ومن رضي يدخـل دخـيـل لابته بلشوا بـه=وعسكر الاتـراك يجـمـع بالحـروب ذيابه
5- محمد بن سمير اللي اجار على الاتراك وادخل دخيله 0

ومن حـمى رجل عظامه ترتجف مرعـوبه=وادخـلـه لو كان جرمه في سليل اصلابه
6- عمران البجيدي اللي ادخل اللي ذبح ولده يوم زبن للبيت بوجهه 0

ومن سـمـع طـفـل يصيح وفاقدن مشروبه=وعاد صوب الخصم ثاير مثل سبع الغابه
7- حسن المرتعد ( مسكت الورع ) الذي قلب الهزيمه الى نصر في روضة التنهات
عندما سمع بكاء الطفل 0

ومن عطى جاه النـشـاما بالـعـرب ماجوبه=وطـلق الريم الفـريـعه عـقـب كتب كتابه
8- هذي حكاها لي عبدالله الغالب امير جبه يوم راح لاحد العنوز غرب حائل زوره لكي يزوج
بنته لعشيقها وقال كان ابن عم البنت جالس فقام والدها وتحدث مع ابن اخيه ورجعوا
ووافقوا لكنهم اشترطوا الزواج بعد اربعة اشهر واتضح ان ذلك لقضاء العده لكونهم كتبوا
كتابها على ابن عمها الذي وافق على طلاقها اكراما لزورة الرجال 0

ومن شرى اللي صاح ينخى في مية منجوبه=والـفـرس مـعـهـا وفكـه يوم غـيره هابه
9- حمد بن عيده عندما فك اسر طلب الطليعه من شمر لكونه نخاه بوسط الرجال فاشتراه
بجميع نياقه وفرسه 0
ومن فـقـد خمسة رجـال ولا شكى لـو نوبـه=كاتـم جـرح الـلـيـالـي خايـف يحـكـى به
10- جديع بن قبلان الذي فقد خمسه في معركه واحده وبقي صامدا لم ينهار 0

ومن سمع صيحة هنوف والعدى حاطوا به=وجاه مثل الذيب الاشهب والعطب بانيابه
11- الدريعي بن شعلان يوم صيحة حصه بنت بن هذال الشهيره0

ومن جـدع درزن شـيـوخ وغارته مشـبـوبه=وكل شـيـخ ثار عـنـده بالـرهـايف صابه
12- خلف الاذن الشعلان ابالشيوخ00

ومن يدافـع عـن خصيـم لابـتــه شـطــوا به=شـاعـر نادى كلـيـب وجـاه نـبــح كـلابه
13- لبيد المتينه العياشي الذي دافع عن الظلماوي عندما سبوه حسدا وغيره 0

ومن حـمـى للـجـار شـاتـه قبل وقت غروبه=فوق خـيــل قـادهـا اللي بالـفخـر عيا به
14- سالفة المطارفه وشياه جارهم الشمري 0

ومن صـبــر للـجـار يكـتـم عـلـتـه وعـيـوبه=وساقوا الـمـدى لخـصـمـه مايبـون عتابه
وقال شـيـخـة شعر وايل والعرب غـنـوا به=وطـق في لوح القوافي وسط نجـد اطنابه
15- قصة النجدي مع ولد جاره الضفيري وسبب قصيدة الشيخه0

ومن ركب من فوق الاسود في لهيب حروبه=مـظـهــر روحـه لـرجل يرتجي مضرابه
ومن سمع ضرب الكحـيـلـه للـوطـى بعكوبه=وشال سـيـفـه للـمـعــارك والرمد بأهدابه
16- الشيخ جديع بن هذال الذي يركب الحصان الاسود ليكن ظاهرا لمن اراد مقابلته0

ومن تهـاب الخـيـل صـوتـه كـنها مـسـبـوبـه=كيف حـتى الخيل تحسب للعـقاب حسابه
ومن جزاء الـلـي زال شكـه بالمها الرعبوبه=واشـتـرى له ذود قــوم هــو خـذاه نهـابه
17- الفارس عقاب العواجي الشهير 0

ومن ترك شـيـخ الـدعـوج بفـيـضـة معشوبه=لاجل يوفي نذر ديـن(ن)بالمـعـاند جابه
18- الشيخ سعران الذي طلب من عنزه عدم التعرض للشيخ عبكلي شيخ الشلقان لكونه
تجادل معه في مجلس ونذر عبكلي بساعة غضب انه سيربع بوسط ديرة سعران وكان منفعلا 0
وعندما شاهده سعران قد قدم لوحده بحلاله بدون جماعته الشلقان علم انه لايريد تعريضهم للخطر
بوسط عنزه فقال سعران اتركوا ابوالكاسب يوفي نذره هذا طير شلوى 0

ومن عفى عن راس رجل عسكره حاطوا به=وقـال اخـونا راح عـمـره بالـنـقى وآدابه
19- هذا من الدهامشه وكان اخوه اغار مع اربعه من رفاقه على خشمان بن رثعان الشلاقي الذي
كان عمره 18 سنه وحصل رمي بينهم وبينه فوقع احد الغاره ثم جاءت الشرطه العراقيه وحبست
الجميع وعند المحاكمه حضر اخ القتيل للمحكمه وشاهد القاتل صغيرا في السن قال للقاضي:
اطلقوا الجذع هذا يروح لامه واخوي الله اللي قتله وعليكم الله وامانه انه حر لوجه الله 0

ومثل شـيـخ وسـط ربـعـه فـي نـداه اعجـوبه=كالمـنـيحه في صخاه وشغـلـهم يسعى به
ومن عطى اللي شل ذوده عـقب ماراحـوا به=الفـحـل خـوف يتخـالـط بالفحـول انسابه
20- الشيخ ممدوح بن شعلان الذي قيل فيه:
شيخ الشيوخ اللي لربعه منيحه000ماهو من اللي شيخته بس للروح

ومن غـدى مـدعـاة نـجـد الـيـا حـدود الجوبه=لكـل رجـل قـام يـدعـي بالـعــداء لـركابه
ومن كسى التاجـر بفروه عن جـمـيـد جـنـوبه=ساق قـيـمـتـهـا وصارت بالشـتـاء جلبابه
21- الشيخ ساجر الرفدي راع البويضا كان الناس اذا تضايقوا من حلالهم قالوا ياملا الرفدي0

ومن قضت من كثر رميه بـندق(ن)مصبوبه=وهـي حـديـد من لهيـب النار غصب ذابه
ومن هـزم سـتـيــن رجـلــن بالـفـخـر منسوبه=وهو غدير الموت طيرن طار من مركابه
22- رشيد النومسي البواردي الشهير وهو المقصود بقصيدة الهربيد مع الشيوخ الاربعين0

ومن حمـى الخـالـه بسـيـفـه والـعـرب منهوبه=ومن تخاف السلب منهن بالعجل تلجى به
ومن سرت فيه المـثـايل في جـمـيــع شـعــوبه=والعـطـيــه لا عـطــاهــا ماتـعــود لـبـابه
23- زيد البجيدي وقصته معروفه عندما دافع عن بيت خالاته المتزوجات من شمر اثناء غاره
لعنزه عليهم 0

ومن ستر بـيـت الـمـعـزب عـقـب ماضافوا به=مايـبـي يحـرج كـريـم فــي لـيـال غـيـابه
شاب قـافـي مابلـغـت الـنـصـف مـن مكـسـوبه=واعـذروا تقـصـيــر رجـل قـالها بأحبابه
24- الشيخ صياح المرتعد مع مطير الحمزي وهي قصه شهيره0

صعب نحصي طـيـب قـوم روحـهــم مـجـلـوبه=كان طار عن الـعــذارى والحريم حجابه
من يريد الطـيـب سـار بخـطـة(ن)ساروا به=او يـنــام ولا يـعــانــد بالـكــرام اربـابـه
طيب وايل لــه حــروف بالــذهـب مكـتـــوبـه=لابـة(ن)ياوي والـلـه ياعـرب مـن لابـه

الغالي فواز الغسلان

ماعليكم زود يالغالي ودمت عزيز يابو فهد

اقف احترام لشخصك الكريم ولمشاعرك النبيله ولفكرك ولحرفك النيّر

دائماً يابو فهد لاتتكلم الا بمكارم الأخلاق وهذا والله من طيب معدنك وكرم اخلاقك

صح لسانك مليار وتكرار ولا هنت

تحيتي وتقديري

الله الله عليك يا أبو فهد تعتبر موسوعه تاريخيه لقبيلة عنزة ..

فعلا مفاخر لكل قبيلة عنزه وفخر لكل عنزي ما ذكرت من شيوخ وفرسان ..

صح لسانك ولا هان منطوقك وبيض الله وجهك

دمت ودام نزف قلمك ولا تحرمنا

تقديري

الراوي والشاعر والاعلامي المعروف الاستاذ/ فواز الغسلان

فواز تحنى لهامات اجلال واحترام لك ايها العملاق

تعلم أنني قرأت قصيدتك عفواً معلقتك قبل اكثر من عام ولا يزال الحديث حولها مستمر!
ولن ينتهى ,

حتى إنا اسمينها في مابيننا بـ ( بالمعلقه الغسلانيه بالمفاخر الوايليه )

ماهو لأنها تمتدح مفاخر قومي بحسب بل لنها أتت بالشعر والفخر وكانت جديره بأنها تتوج بمسمى معلقه من أعلى المنابر

لم يذكر تاريخ الشعر اعظم من فخر عمرو بن كلثوم بمعلقته الشهيره والامير ابي فراس الحمداني لأن افتخارهم جاء بالمباشره وسهل فهمه

اما أنت أتت مع مدخل لا يدخله إلا أنت !!

وضعت لنا المفاتيح وتركتنا على مشارف الاشياء وأخفيتها

فجعلتنا نتسائل ونبحث ونقرأ لفك الرموز تلك العصماء

وكأنك تقول من أراد يقرأ قصيدتي يتثقف بلاطلاع على تاريخ هذه القبيله الكبير والعظيم اولاً

فواز الغسلان

لن أثني على قصيدتك كثيرا لأنها فاقت مفاهيم الثناء والمديح

تكلمت عنها كثير مع عدت شخصيات من داخل القبيله وخارجها ومحاور الحديث فيها كثيره وكبيره

ومع هذا كله : كانت لي ملاحظه صغيره احتفظت فيها بداخلي

وطالما تشرف المكان بحظورك معنا ربما افصح لك عنها فيما بعد


جل احترامي وتقديري لك ياابن غسلان

الشاعروالراوي المعروف فوازالغسلان

كما عرفنا عنك وتعودنا

جزاله وحكمة وقوة شاعريه

صح لسانك وعلا شانك

قمه القصائد التاريخيه

ومن سرت فيه المثايل في جميـع شعوبـه
والعطيـه لا عطـاهـا ماتـعـود لبـابـه
عطية غبيني
الغبين << لجده حمدان

ومن كسى التاجر بفروه عن جميد جنوبـه
ساق قيمتهـا وصـارت بالشتـاء جلبابـه
كساية التاجر
الغبين


ومثل من نادى الجياعـا بالدجـى مندوبـه
ارسل الخادم ينـادي فـوق روس هضابـه
الف شكر على هالرائعه
والمهمه لكل عنزي

حياك الله وأبقاك ياشاعرنا

صح لسانك ملايين .. صح لسانك وعلا شأنك

جميل أن نرى هذا الكرم الغير مستغرب ... جميل أن نرى هذا الموروث

الطيب من طيب ناسه.. لله درك على ماقدمت لنا


دمت في حفظ الباري

أبو فهد صح لسانك ودمت بخير وعافية

الحقيقة مهما قلت لن أوفيك حقك على ما تقوم به من جهد في سبيل اظهار مكارم الاخلاق

وقصص الماضي التي ترفع الراس والتي نحن في أمس الحاجة لها الآن في ظل التغييرات التي

احدثتها الحياة المدنية.

أبو فهد أرجو أن تقبل شكري وتقديري وأسأل الله العلي القدير أن يحفظك ويديم عليك نعمة الصحة والعافية

تحياتي

مروري فقط للاستمتاع في معاني هذه المعلقه ..

أما تعليقي عليها فـ سمعته مني يابو فهد منذ إن كان وليدة الموقف هذه القصيده

دمت للشعر والأدب يابو فهد

صح لسان ابوفهد ويستاهلون اولاد وايل