((يوم الوطن))
يوم الوطن فيه المواطن محتفل لاجل الوطن
لاجل الوطن حتى المعاني تحتفل ببياتها
هذا وطنا اللي منحنا الخير ويدينه عطن
بعد الله افضاله علينا تنذكر خيراتها
هذا وطنا اللي ربينا فيه واشواكه قطن
صحراه أجمل من جمال احلى البلاد بذاتها
يبقى الغلا له والولاء لملوكنا ملوك الوطن
ابناء المؤسس هم حماة الدار هم اثباتها
عبدالعزيز اللي يديه بهامة الاعداء سطن
موحد ارجا المملكه توحيد بعد اشتاتها
واليوم في حكم المليك اللي من الحكمه فطن
ابوفهد حزم وعزم هان العدا وطغاتها
عز الوطن ابوفهد يديه باالاعداء بطشن
بالطايرات اللي على عدواننا غاراتها
ومجنزراتن فوق من يبغى يحاربنا وطن
وابطال دون ارض الوطن تركض على مماتها
الله يديم العز وافراح الوطن واهل الوطن
والمملكه في خير دايم رافعه راياتها
عبدالله سعود الفياض العنزي
|
الإهداءات
« آخـــر الـــمـــشـــاركــــات »
| 
|
العرض العادي
