مساكم الله بالخير
مشاركتي في فعاليات اليوم الوطني
التي ستقام بإذن الله في بالمدينة المنورة :
ديرتي لاجيت ابكتب والبحر وافر عطاه
حبك اللي بالخفوق يفوق كل حرف اكتبه
لان عشقي لك فضاء رحبٍ وسيعٍ في مداه
كنز غالي مايفرّط فيه منهو يكسبه
ديرة الإسلام وجهة من يأدون الصلاة
انبثق منك الهدى اللي خالق الكون أوجبه
دمتي وعزك سموه مانزل عن مستواه
تحت بيرق حاكمٍ أمنك وامانك مطلبه
خادم البيتين سلمان العزم عزٍّ وجاه
قايد الأمة به الأمة تغنّى معجبة
الزعيم اللي سنام المجد مبطي هو رقاه
حازم ٍ .. عسر المواقف موجها مايرهبه
حاكمٍ بالشرع منهج حكمه كتاب الإله
عادلٍ .. والميلة اللي تغضب الله تغضبه
لينٍ للي يلين ومن عكس بالاتجاه
رده لدربه ذليلٍ كاس سوّه يشربه
قدوته عبدالعزيز الله يطيب في ثراه
الزعيم اللي طوى صفحة كئيبة مرعبة
يومها سودا يشابه لونها لون العباة
احتمى وقال البياض لنجد لازم نجلبه
متكل بالله وساعي له ومنهو في رجاه
حقق الله مايريد ونوّله مايرغبه
واكتمل عقدك وصرحك مملكتنا هو بناه
وسير المركب وعجّٓز من نوى انه يعطبه
لين صرتي ظل ننعم كل ابونا في ذراه
خيرك الوافر علينا يتعب اللي يحسبه
ديرتي يحفظك ربٍ معتلي فوق بسماه
من كسى قلبه سواد وزود فضلك يتعبه
فواز المهنا
مرسله من الكويت واهداء الى المملكه العربيه السعوديه بمناسبة اليوم الوطني حفظ الله المملكه والكويت من كل مكروه
يالله تجعل عمرنا أعياد وأعياد
ومن دار اخو مريم لدار السعودي
جعل الكويت ومملكتنا للمجاد
من جد واحد من سلايل اسودي
شعب الكويت وشعبكم كلنا اسياد
والله يعمي كل حاقد حسودي
والدين واحد والعقيدة والاجداد
هذا الصحيح وداحرين الحقودي
ال الصباح اللي لنا فخر وعماد
وال السعود المجد وأمن الحدودي
يارب تحفظهم عريبين واجواد
من جود ربي في عطاهم نجودي
العدل فيهم ثابتٍ بين العباد
اهل الحسانِ واليتاما شهودي
وكعامة العايل اذا راد ما راد
انا اشهد انه خايبٍ ما يسودي
وصلاة ربي عد ما عد عداد
واعداد ما هبت هبوب ٍ ونودي
على رسولٍ زادنا بالتقى زاد
صفوة عباد الله سِيد محمودي
نواف ابراهيم الميهوبي العنزي
ياموطني شعبك يزف التباشير
ياقبلة الاسلام وارض الشريعه
بذرى ملكنا نحمد الله على الخير
امن وامان ونعمة الله وسيعه
بيوم الوطن جاشت علينا التعابير
فرحة وطن تعبيرها ماستطيعه
مليكنا ماشفنا منه اي تقصير
والشعب حب المملكه به طبيعه
شف المواطن ياوطن فرحته غير
من حد عرعر لاقصى حد الوديعه
#الشاعر_سعود_الطويلعي
|
الإهداءات
« آخـــر الـــمـــشـــاركــــات »
| 
|
العرض العادي
