قصيده بالشيخ خلف كساب العنزي
مني لإبن كساب جزل التحيات
راعي الوفاء والطيب واف الخصايل
من العلا نسقتها عبر الأبيات
مني لإبن كساب معطي الجزايل
خلف خلف راعي العلوم الجزيلات
راع الكرم والطيب راعي الجمايل
أنا أشهد أنه شيخ ما هي دعايات
إبن نفج راعي الفعول الهوايل
طيب وشجاعه وزين مذهب ووقفات
سمح القبال زين النبأ والفعايل
رقى شموخ الطيب راعي المهمات
وتشهد على ما أقول كل القبايل
بلي وجهينه مع جموع الشرارات
وبني عطيه وشمر والحمايل
نجما سطع بين النجوم المطلات
بين الجبال الشامخه وسط حايل
من لابه نعما بهم عند الأزمات
فوق العبيه وفوق ذيك الأصايل
جعافره فوق المهار الأصيلات
بالشلف وحد السيف وأم الفتايل
يوم إنها وقت العصور القديمات
تشهد على ما أقول بيضاء نثايل
أخوان نمشه كاسبين البطولات
أهل الفعول الطايله والنفايل
وأخوان ذكر بالليالي العسيرات
شيوخ نسل شيوخ فعل وصمايل
شيوخ نسل شيوخ أهل المروات
نعما بهم جميع والشك زايل
وكل القبايل لهم فعول وعادات
يوم العصور الأوله والصوايل
الحمدلله عقب ما هي قوامات
توحدت شعوبها والعوايل
في ظل دوله بجميع المجالات
أمن وأمان ولا نبيله بدايل
وختامها على النبي بالصلوات
إعداد ما نشت مزون المخايل
للشاعر /
خلف بن نزال بن خلف
القرش الولدعي العنزي
|
الإهداءات
« آخـــر الـــمـــشـــاركــــات »
| 
|
$أميرة الورد كانت هنا $
العرض العادي
