قصيدة الشاعر عيسى مفرح الشملاني (مهايطات)

شطرٍ لابن مشعان قاله ولا زال
يردده من هو للاشعار ذايق
(ماطاح من عيني رجل طاحوا رجال)
وفي مهمه اللجات ضاعت رفايق
مهايطات ومخفي الحق دجال
واللي عرف معنى الصحيح امتضايق
والخوف كل الخوف من قيل أو قال
اللي جعل بدروبنا كل عايق
ودي اسولف واصفق الهم بالجال
لعلها تطفي فتيل الحرايق
مادامني قادر على كتب الامثال
وعندي على ماقلت عدة وثايق
احد علومه عند دله وفنجال
تجيه رايق وإن بعد رحت رايق
واحدٍ تجي في مجلسه بعض الاقوال
إفلان سوى ويش وفلان بايق
سبحان من هو فارقٍ كل الاشكال
الواحد المعبود رب الخلايق
القلب به سجات وهمومه ثقال
ولاني لها من عسر الايام طايق
وين انت ياللي تبري الحال بالحال
كيف الوسيله والتقي بك دقايق
تشوف في صدري عظيمات الاهوال
وتشوف في عيني كلام وحقايق
انا دخيلك من عنا الوقت لاطال
وانا دخيلك من جروحٍ عتايق
والحمد لله كل ماصب همال
والحمد لله دام فينا رفايق

عيسى مفرح الشملاني ( طريا الحيا)

يعطيك العاافيه مجهووود رااائع

تستحق الشكر عليه

لااهنت

يعطيك العافيه وتسلم الايادي
طرح رائع وانتقاء اروع لاهنت
ننتظر مزيداً من جديدك المميز
دمت بحفظ الله
$أميرة الورد كانت هنا $

صح لسان شاعرها الرائع

لاهنت اخوي عبدالرحمن على النقل


تقديري

تسلم اياديك على جمال الطرح
عافاك الله

ودي لك

سلمت اناملك على الطرح الجميل
كل الشكر والتقدير

يعطيك العافية على طرحك الجميل

وًٍدًٍيًٍ......لًًًٍٍٍكًًًٍ......