** ليل التعاليل **

احبايبي تعللتنا لكم اليله من ارشيف ابو عوض في الماضي
كما تعرفون ويعرف الكثير من اهل المعرفه
ان
الحب له سلومه ودساتيره لمن يفهمه بشكله الصحيح
عكس ماهو مفهوم عند البعض اللي شوهو صورته
ويقتنصونه اقتناص ويصطادونه الطرف الثاني اصطياد
وتطيح بعض الاطراف فرايس للاطراف الاخرى
ويسمونه حباوهو بعيد كل البعد عن الحب الحقيقي
المبني على النزاهه والنوايا الحسنه
بعيد عن الطمع
والهدف من الحب الشريف هو الاقتران المشروع
فمن النوع الاخير
كانت لي علاقه شريفه وفي مقصد شريف كما ذكرنا
والله العالم
مع شخصما
يدعى سين من الناس
فقال سين

ودي افرش طريقك بالزهر والورود = واسال الله ربي مايحرمك هوا ك
ياطويل العمر لايابعد هالوجود = انت منية هواي وراحتي في لقاك

فارديت بالاتي

اشهد انك لطيف اوافي(ن)بالعهود = ونت سيد العذارى وكامل(ن)مستواك
ونت خشف الجوازي يالغزال الشرود = من حبالك ماصادك يخطيك من رماك
كود خلك خليلك ياعيون العنود = اشهد انه مميز من يفوز بغلاك
انت سيد الكواعب ونت سر الوجود = غيرك البيض جمله ماشقني سواك
صفة الشعر الاشقر فوق ذيك الخدود = ولبسة الثوب الاحمر ياحبيبي زهاك
يوم اشوفك امامي والنواعس تنود = اشهد انه قليل(ن)في زمانك حلاك
ون نقص حب غيرك انت حبك يزود = لاتحسب العواذل غيرو في غلاك
كان ترجي هوانا ياضبي النفود = اسئل الله ربي مايخيب رجاك
واهني من سرابك والخلايق رقود = ضف عفشك وسافربك عقب ماشراك
انت داي ودوايه ونت طب الكبود = جل من صورك في خلقتك ياملاك
جعل ربي يفكك من عيون الحسود = مات قهر الحواسد من بنات اقصراك

بقلمي

ابو عوض

عاد لايقوم عويشق يمطط رقبته ويقول ابو عوض هواوي
تري هذه يوم زما مال اول

هلاوغلاا بخووي العزيز - ابو عوووض

صح لساانك على الابيات والقصه الارشيفيه

هههههههههههههههه

بالنسبه لي اصــــــادق على اقوالك كأشـــااهد بالحب العفيف المستغرب بهذا العصر

مير ياخوي خل سجــــلاات الارشيف مطبقه على مافيهــــــااا لاتنبش جرووح مندمله

وتوقض قلوبا التحفت غطاء اليأس بعوودة المااضي وذكريات زمنا قد ارتحل ولن يعود ابدا

وخلك مع تيار العولمه ومستحدثاات الموظه وشعر الحداثه وكتابة الخوااطر الرومنسيه

لاتصير سعوودي قديم تقعد بالسااحه لحاالك بدون جمهوور


تمنيااتي لك بالتوفيق

المشاركة الأصلية كتبت بواسطة عاشق الورد

هلاوغلاا بخووي العزيز - ابو عوووض
عزك مولاك وهلابك اكثر يالحبيب

صح لساانك على الابيات والقصه الارشيفيه

هههههههههههههههه
صح نبض قلبك اخوي عاشق الورد
بالنسبه لي اصــــــادق على اقوالك كأشـــااهد بالحب العفيف المستغرب بهذا العصر

مير ياخوي خل سجــــلاات الارشيف مطبقه على مافيهــــــااا لاتنبش جرووح مندمله

وتوقض قلوبا التحفت غطاء اليأس بعوودة المااضي وذكريات زمنا قد ارتحل ولن يعود ابدا
صح مافات لايمكن يرجع لكن يجب المحافضه على سلوكياته
الحسنه المفقوده الان

وخلك مع تيار العولمه ومستحدثاات الموظه وشعر الحداثه وكتابة الخوااطر الرومنسيه

العولمه ياطيب الاصل مابيه = نعتز في منهج ابوي وباكا
وقت(ن)مضى لاجيب ذكره وطاريه = عليه نزهين الشوارب تباكا
دنيا تلوعنا على غير تاجيه = عيت تسانع مع هواي وهواكا
ياشوق من راسه على الردف يكسيه = باع الخلايق كلها وشتراكا

لاتصير سعوودي قديم تقعد بالسااحه لحاالك بدون جمهوور

تمنيااتي لك بالتوفيق

اجلس لحالي ياصديقي وحيدي = اخير من جمهور مايرفع الراس
جني الحباري والكما والزبيدي = اخير لي من جنية الدر والماس
اترك وضيع الخلق خطو الهريدي = ورافق الطيب على كل نوماس
اتعب على اللي منه دوم استفيدي = شرواك يابن العم يامعدن الماس

بقلمي
ابو عوض

هلااوغلااا مليون وبحقك مايكفون

صح لسااانك الله لايهينك وماعليك زود يالغاالي

وانا يوم اتحرش بك ابي اثير مشااعرك وتطلع بعض المخزون المستخبي

هههههههههههه

والله والف نعم يابوعووض طالع الشك ورصيدك يشهدلك ولانت خفي نار على علم

بدون شهاادتي ،، ولايساورك الشك بكلامي على هالمتصفح تراها مجرد دعاابه

والعذر والسموحه ماني شااعر والا رديت عليك باللي يليق في مقامك

لانك تستاهل من يثني عليك والمدح باللي يستحق يعتبر واجب

لاعدمناك عسااك ذخر وسوالفك طريفه للي يفهمها ويثمنها

تمنياتي لك بالتوفيق دايما وابدا

ماشاء الله تبارك الرحمن >>> عمامك ياشويمخ عاملين عمايل من وراي
هالله الله طلعوا البلاوي اللي مخبينها عني انا وبناخي ههههههههههههههههههههههههه
واحد حبيب (( سين من الناس )) هاه يابو عوض >>>>>> ولك مانت هين
وعشووووووق مسوي فيها يعني اني حبيب قديم هههههههههههههههههههههههههههههههااي
شامخ جهز البل نبي نرحل ندور لنا عربان جداد على الموضه ياوليدي
نبي نتجدد مع العصر وش نبي بها الشياب اللي طايحه سنونهم خخخخخخخخخخخخخخ
<<< والله يدوب نفهم عليهم

صح لساانك ياخوي قصايد رووووعه بروعة حضورك
وتسلم يمينك >>>>>>> بعيد عن المزح واذا لزم الجد
حضورك له نوره وبهجته في ليل التعاليل
الف شكر لك ياخوي

عشووووق ياخوووي لزووم تدور لنا كم بيت تساجل بها ابو عوض
هههههههههههههههههههههه بيت السبع مايخلا من العضاام تلفت هيك والا هيك
لاعدمت وجودك اللي من جد اعجز عن شكره وعظيم كرمك تعجز الكلمات امامه

اشوف ابو عوض ونجم الشمال مسنترين عند الباب
عااد قلت استحي يابنت وجيبي لهم فطور
رحت يم السوق وسويت بها نشميه وجهزت الفطور



صباحكم إفطار شهي

وفضل من الله ونعمة

عسااه عوافي

الله يهديك يابو عوض الفطور قدامك لاتصارخ تزعج الجيران