ديوان الشاعر/ فرج الدهمشي

يامرحبا باللّي لفونا مداهيل= منهم صديق ٍوالقرابة مع الجار
يامرحبا ترحيبة البدو بالسيل = لاصار ربعي بالمجالي وحضار
حنا أضيوف ٍعندكم يارجاجيل =وأنتم معازيب ٍ وأنتم هل الدار
رافق وخلك مع رجال ٍ حلاحيل =وأبعد عن اللّي رفقتة تجلب العار
هذا زمان غير الجيل بالجيل =والقبلي الشرقي معاه الهواء دار
وشف الحقيقة أصبحت هرج تمثيل =والثلج جانا من هواها لهب نار
والقول واضح مايبي أي تحليل =واللي سكن وسط البحر يآمن أغبار
والسالفة تثقل اذا صار تطويل = قلنا أختصار ونحسب المتر بشبار
وصلاة ربي عدّ مزن ٍ هماليل =على رسول الجود هو خير الأخيار

المشاركة الأصلية كتبت بواسطة ريــمــا

فاضلي الشاعر القدير
فرج الدهمشي
.
.
للحظة وقفت على أبواب ديوانك
ارتشف من ينابيع أشعارك
فوجدتك
تهمسُ من ثغر الفتنة .. لـأصل ذروة النشوة
تسكب مطر الوجد ..في الروح لــأظمأ
تبحر بليل الحزن .. لــأغرق بين شطآن بوحك
حرفك يكتسى فخامـــة
لله درك يا قــدير
ابهجت نهاري
ودي

الأخت / ريما


أشكر لك مرورك الرائع والعذب

دمتم بخير ..

المشاركة الأصلية كتبت بواسطة إبراهيم الحسان

فرج الدهمشي


لجمال الشعر معك حكاية طويلة لاتنتهي أبدًا


فأنت من أجمل الشعراء الذين يصورون المشاعر حية ً على الهواء !


وطبعًا شهادتي فيك مجروحة



دمت بنبضك الجميل والأنيق


تقديري



إبراهيم الحسان

أخوي الشاعر القدير / أبراهيم الحسان


شكرا لك على أشراقة مرورك العذبه

بيض الله وجهك وتحياتي وتقديري

الله يحفظك

مساءالفل والجوري مساءالنور والبلور= مساءٍ يشبه عيونك مساء الشعر والوانه
الا مني تذكرتك اغوص ابحور ويّا بحور = واحس بلهفة المشتاق والعبرات حيرانه
فديت المبسم المعسول محلى بالشهد مخمور = احسه في خيالي من حلاته نقط الّسانه
سهرت الليل افكر به وقلبي صوبها مجرور = جلست الليل وعيوني عليها دوم ولهانه
انا مشتاق ياقلبي يابنت ٍ تشبهين الحور = اذوب ان شفت معسولك واغني جملة الحانه
انا لعيونها اصبر و اصابر لو لحقني جور= احبه لو يبي عمري ابيع العمر من شانه
ترى صفحة حياتي لك الله ما لحقها زور = اموت ولا رضيت الـذل ياعمـري وحقرانـه
ترى من شافني صرّح يقول اني انا مسحور = وهو مسكين مايدري بقلبي وشهي احزانه
احبك يا اجمل احلامي احبك ياشبيه النور = احبك يابعد عمري وحبك باني اوطانه

ترحيبيه متواضعه الشاعر القدير / زايد الدغماني

حي الله من جانا امسيـر=مـن سكاكـا جانـا متهيـر
الدغمـانـي رجــل ٍ خـيـر=عسـاهـا أيـامـه سـعـيـده
بالقيصومـة لـك جماعـه=يامرحبـا بـك كـل ساعـه
مرحـب بـراع الشجـاعـه=دايـــم أرائـهــم ســديــده
أرويـلـي وعقـالـه مـايـل=هو راعي العليا من وايل
مــن قـبـل لـهــم فـعـايـل=نظـرتـهـم دايـــم بـعـيـده
ونعـم بشيـوخ الشعلانـي=أكـرام اليـا جاهـم عـانـي
النوري هوعالي الشانـي=وأورنـس الذيـب الوليـده
هــــم قـرايـبـنـا فـخـرنــا=مـاشــي عـنـهـم ذخـرنــا
لامــن دعـونـا حـضـرنـا=جيـنـا مــن أديـارٍعـديـده
وأختم كلامـي أبترحيبـك=أنـــرحـــب يـامـعـزيـبــك
أن طبنا والله مـن طيبـك=وهــذا خـتــام القـصـيـده

الشاعر / زايد الدغماني

فرج فرج جعلك سالـم=اعـزك والله العـالـم
شاعر ردك دايم والـم=جعـل حياتـك مديـده
افخر ببوتـك لاجنـي=شعرك كنـه يحتظنـي
طرقك دقيق(ن) وفنـي=وافنون الشعر تجيـده
يافرج عـزالله وافـي=ترحب با الضيف الافي
اخون عزيز(ن)وسنافي=وخصالك دايم حميـده
وان جيت ابمدح افعولك=مايقدر حرفي يطولـك
ماظن يلحق قولي قولك=لكن قلبي شوفك عيـده

يا ذابل الشفه اللّي هرجها خدري=يا ناعس الرمش في نظره وسلهامه
الخد يزها جماله وجهك البدري = والقد يزها وصوفه فارع القامه
أن جيت مقبل تناثر ليلك الغدري=ضافي جديلك على الساقين وأقدامه
ترمي بسهم العيون وكان ما تدري = قلبي صويبك وهذي طعنة أسهامه
الليل بعيونك النجلا حفر قبري =من أول أحلام عمري لآخر أيامه
الوقت لاشفت زولك مر بي بدري=كن الدقايق توازي ماضي أعوامه
الشعر ما يوصفك لو أنتثر حبري = على الورق يا (.....) جفّت أقلامه
لكن عزايه أحبك وأقبلي عذري=القلب سيف المحبه ناوي أعدامه
لو مات حبك ياحبي ما نزل قدري=أشوم بأسمي وراسي رافع الهامه
ما يكسر القلب غير البعد يا جبري=ولا ينزف الجرح الا غربة أوهامه
وشلون أبنسي غرام ٍ نبضه بصدري؟=ياهاجس البوح والأحساس وهيامه؟
ويا ذابل الشفه اللّي هرجها خدري=يفداك حرف ٍ رسمتي بصمة أبهامه

ربعي بني وايل خيار الرجاجيل=مافيهم اللّي بالمواقـف يّجنبك
تاريخهم بالعـز جيلٍ بثر جيل=وافعالهم من قاصي الأرض تجذبك
عيال وايل بالوفا تعّدل الميل=وفزعاتهم بالطيب بالعيـن ترهبك
وقفاتهـم مابين موجز وتفصيل=نعم الرجال اللّي بالأفعال تعجبك
أهل الكرم ..عز الرجال المشاكيل=لا قلتها مافيه رجل ٍ يحاسبك
فريّس لا ركبواعلى ضمّرالخيل=في ساعـة ٍ مافيه رجل ٍيعيّبك
منا (مصوّت بالعـشاء)بالمداهـيل=تاريخ مجد وبالأصاله يناسبك
الوايلي لامن نصيته تساهيل=كل العلوم الغانمه فيه تعجبك
الوايلي لا ثار حّول كما السيل=وليا حضرفي مجلسٍ مايعذربك
الوايلي صيته كما نجمة سهيل=نوماس طيب وبالمواقف يناسبك
مدة يمين الحاتمي كالهماليل=تروي الكبود الضاميه ماتحاسبك
ماهو قصورٍ بالرجال الحلاحيل=أهل المبادي والكرم من مكاسبك
وكل القبايل والنعم يارجاجيل=وأبن الحموله بالمواجيب يطربك

(مصوت بالعشاء) بتشديد الواو, مشتقة من الصوت وصوت عند العامة نادى بصوت مرتفع,

ويدل هذا اللقب على الكرم والجود .

يطلق هذا اللقب على الشيخ /بن مهيد

شيخ الفدعان من قبيلة عـنزة

يروى أن في يوم من الآيام قام أحد موالي الملك عبدالعزيز لينادي بالطعام في مضيف ثليم

فناداه الملك عبدالعزيز وقال له : لا تنادي بالطعام لآنه سبقنا عليه ابن مهيد

رحمهم الله وأسكنهم جناة النعيم.

أخوي فرج الدهمشي صح لسانك ياخوي تقبل مروري

الشاعر فرج الدهمشي

ابيات الى الشاعر القدير صالح الضويحي

من شفت اسمك صدري احسه يضيق =من زحمت الأبيات قدام بابه
كل ٍ يبي صالح قبل نشفة الريق =كل بيت في مدحه حسب له حسابه

ماابغا انظم أبيات القصيده على شان=ينقال شاعر والليالي توافيق
أكبر فخر للمدح ينظم بقيفان=ياالحر يالنادر بليّا مسابيق
الطيب ورث جدود يرجع لويلان=متعاهدين لأثنين مده مطاليق
كم ليلةٍ والنار شبت لضيفان=والدلّه اللّي تقدع بحالي الريق
شفتك كما سهيل اليماني اليّا بان=غيم ٍسقى قاع المحل حزة الضيق
مثلك أصيل الخيل يصهل كحيلان=سيفٍ يصحي عاثر الحظ ويفيق
يابن الضويحي مامدحتك على شان=ينقال شاعر والليالي توافيق

رد الشاعر القدير / صالح الضويحي

نبض الوفاء يسقي يباس المعاليق=لافاض من صدرا عزيزا جنابه
صوتٍ تجاوز مغلقات الصناديق=كله وفاء والطيب قدر ومهابه

جزل الكلام اللي على كف ميزان=غيثٍ هما واسقى يباس المعاليق
وفاه نبض احساس والشِعر وجدان=صوتٍ على عزفه تــزين الطواريق
يالدهمشي لاهان قدرك ولاهان=راسٍ حفظ عهد الوفاء والمواثيق
ماقدّر الطيّب سوى طـيّب الشـان=اللي يشوف بعين الانصاف ويويق
مني سلام اعداد هـتان الأمزان=بأسم المكارم كان فنجالها سيق
ومنى سلام اعداد مابالفخر بان=صيت الشجاع بساعةٍ تنشف الريق
عليك ياساس الوفاء سر واعلان=ياتاج راسي ياحفيد المطاليق

.. كل عام وأنتم بخير ..

	للشعر ميدان(ن)وحكمه وفاقه=مع صبر(ن)وقوه وعزم وطاقه واللّي مايملك ذا السلاح أدرنه = معذور دامه يشتكي من ساقه وأنا معي مهره ولاهي مهره = الأولـه دايـم مـع السباقه تاخذ من الفرسان شوط(ن)اول = اتجس نبض العالم الدراقه واليا احتمت من دونها الخياله =وصـاح الصياح واعتزو(براقه) تأتيك مطنوخة وتطوي البيدا =اتشوش لاسمعت طرا العلاقه راحو هل الاشواط يصفق كفه =يذم نفسه وقافلات اخلاقه وهذي ترا نعمه ونعمً بالله =أميز(ن)عبده مـن البواقه واللّـي نكـر فعـل الكريـم الوالـي=عسـا يديـه اتشـل ومـعـه ايعـاقـه وهذي بنيه من بنات أفكاري=نـقـيـتها للـعـالـم الذواقه المهره اللّي نومست فارسها=كـريمـه ولسبق هي شواقه ومحد(ن)عسفها وحمدلله ودعي =شامت عن الفرسان والمنساقه