الشاعرمحمد القاضي والقهـوه والـغـزل ..

هذه القصه تعود لـ الشاعر الكبير محمد العبدالله القاضي من أهل نجد
حل ضيفاًعند معازيب وطلبومنه نضم قصيدة دون التعرض للغزل بشعره لأن
كل شعره في الغزل واختاروا بأن تكون القصيدة في القهوه وغذا اكمل الأبيات
المطلوبه دون ذكر النساء والغزل يعطى (ناقة) وبدأ في قول القصيدهوأثناء ماهو
يقول الأبيات مرت مجموعة من النساء بالصدفة ومعهن فتاة غاية في الجمال فنسي الشرط أوتجاهله وبدأ يتغزل بالفتاة.


يقول محمد العبدالله القاضي عن القهوة والاواني التي تجهز بها القهوة :





يامل قلب كـل مـل ألتـم الشفـاق=من العام الأول به دواكيـك وخفـوق
كنه مـع الـدلال يجلـب بالأسـواق=وعامين عند امعزل الوسط ماسـوق
يجاهد اجنود في سواهيـج الأطـراق=ويكشف له أسرار كتمهـا بصنـدوق
لي عنلك تذكـار الأحبـاب مشتـاق=بالك وطاف بخاطرك طاري الشـوق
دنيت لي مـن غالـي البـن مـالاق=بالكف ناقيها عن العـرف منسـوق
احمس ثلاث يانديمـي علـى سـاق=ريحه على جمر الغضى يفضح السوق
ويـاك والنيـه وبالـك والأحــراق=واصحى تصير بحمسة البن مطفـوق
الى اصفر لونه ثم بشـت بالأعـراق=صفرا كما الياقوت يطرب لها المـوق
وعطت بريـح فاخـر فاضـح فـاق=ريحه كما العنبر بالأنفاس منشـوق
دقـه بنجـر يسمعـه كـل مشتـاق=راع الهوى يطرب لـي دق بخفـوق
ولقـم بدلـة مولـع كنهـا ســاق=مصبوبـة مربوبـة تقـل غرنـوق
خلها تفوح وراعي الكيـف يشتـاق=الى طفح لـه جوهـر صحلـه ذوق
أصفر أقمـوره كالزمـرد بالأشعـاق=وكباره الطافح كمـا صافـي المـوق
زله على وضح بها خمسـة أرنـاق=هيل ومسمـار بالأسبـاب مسحـوق
مع زعفران والشمطري ألى انسـاق=والعنبر الغالي على الطـاق مطبـوق
ألـى اجتمـع هـذا وهـذا بتيفـاق=صبه كفيت العوق عن كـل مخلـوق
افنجال صين(ن) زاهيا عند الأرمـاق=يغضي بكرسيه كما أغضاي غرنـوق
الى انطلق من ثعبتـه تقـل شبـراق=أو دم قلـب وامـزع منـه معلـوق







فعندما رأى الفتاة قال:

راعيه كنّـه شـاربٍ ريـق تريـاق=كاس الطرب وسرور من ذاق له ذوق

يحتاج من خمر السكارى الـى فـاق=طفلٍ تمز اشفـاه والعنـق مفهـوق

عبثٍ يعيـل بحبـةٍ مـا بعـد مـاق=وهو يزاهي باهـر البـدر بشعـوق

بين اشفتاه الى غنج حقـاق بـرّاق=عجلٍ رفيفه باطنها الفـرج بطبـوق
سطرٍ كتب من حبر عينه بـالاوراق=خديه صادين ونونيـن مـن فـوق
كنّ العرّق بخدودها جمـر الارنـاق=ينثر على الوجنات باللون معشـوق
الا ابتسـم شـعّ واشـرق بالافـاق=نوره يفوق البدر سحـرٍ ومنطـوق
بالعنق كنّ المسـك والـورق بـرّاق=شخصٍ بصدره وذا الشـاخ مدقـوق
يمشي برفقٍ خايفٍ مدمـج السـاق=يفصم حجولٍ ضامها الثقل من فـوق
الى حصل لك ساعةٍ وانـت مشتـاق=اقطف زهر مالاق والعمـر ملحـوق
فيلا حضر ماقلت عنـدي فـالارزاق=بيـد كريـمٍ كافـلٍ كـل مخـلـوق

وصلاة ربي عدد مـا بـارقٍ حـاق=على النبي الهاشمي خيـر مخلـوق





وسلامتكم

والف شكر لجهودك وتميزك الراقي
تسلم الايادي على النقل
يعطيك الف عافيه
تحيتي واحترامي لك

الله يسلمك من كل شر

اخوي فرج الدهمشي كل مااقرا لك مثل هالمواضيع

اشتاق للجلسه معك والاستفاده من سوالفك

تقبل احترامي

المشاركة الأصلية كتبت بواسطة شبيه اللول

والف شكر لجهودك وتميزك الراقي
تسلم الايادي على النقل
يعطيك الف عافيه
تحيتي واحترامي لك

الله يعافيك ويسلمك من كل شر والشكر موصول لكم على مرورك الرائع والعطر

دمتم بخير ...

المشاركة الأصلية كتبت بواسطة @ثــامــر شــمــر@

الله يسلمك من كل شر

اخوي فرج الدهمشي كل مااقرا لك مثل هالمواضيع

اشتاق للجلسه معك والاستفاده من سوالفك

تقبل احترامي

ثامر الشمري

الله يسلمك ويعافيك والشكر موصول لك على مرورك الرائع ..

تحياتي لك ,,

كل الشكر لكم جميعا على المرور الرائع

متميزه مواضيعك يافرج

تقبل مروري

المشاركة الأصلية كتبت بواسطة عبدالعزيزالطويلعي

متميزه مواضيعك يافرج

تقبل مروري

عبد العزيز الطويلعي

الله يسلمك والشكر موصول لك على مرورك الرائع

تحياتي

صــ ح لسانه ,, وتسلم يمينك فرج

ربي يعافيك ويخليك لعين ترجيك

دمت بحفظ الرحمن

ماننحرمش

المشاركة الأصلية كتبت بواسطة هنوف الجعفري

صــ ح لسانه ,, وتسلم يمينك فرج

ربي يعافيك ويخليك لعين ترجيك

دمت بحفظ الرحمن

ماننحرمش

هنوف الجعفري تسلمين على المرور الرائع