(( ديوان الشاعر / سلطان العاصي ))

ياصاحبي خذ الرساله وقله=اني على فرقاه مانيب ندمان
قله ترى في مامضى كنت خله=وكنت الحبيب اللي سكن قلبه ازمان
واليوم صار الحب للنفس عله=لاعاد تشفق له ولا هو بشفقان
كم مرةً سيفك بوجهه تسله=وكم مرةً اخطيت وتقول غلطان
كنت الغلا والشوق والحب كله=كنت النظر والله يانور الاعيان
اعميته ابحبك وحسبك على الله=واصبح جريحاً بالهوى كله احزان
هذي رساله منه هو قال قله=لا يفتكرني بتصل فيه ولهان
حتى الرسايل ارفض اتروح لله=وغيرت اسمه واصبح اليوم نكران
وياه طبنا يومن الطيب مله=وخلي بلا مله ولا مذهب احسان
وان جاب عذره مايجي في محله=فات الزمان اللي به العذر له شان
يرسم علي الحب دقه وجله=يحسب قلوب الناس لعبه بميدان
ما باقي بالذكرى سوى صورتن له= يعني ابساطه صورته بس عنوان
بكتب عليها هالقصيده وقله=قصة ضياع الحب ونسيان سلطان

رحلة عذابي والشــقا ورحـلة الخـوف= رحـــلـة طــويله خـلّـت الـقـلب يـتـعـب
حكم علي الوقـت وعيـوني اتـشـوف= افـارق الاحــبـاب والـبـعــد اصــعــب
حبـك تشـكّل داخـلي بـكـل الحــروف= بعــروق دمـي حــب يرســم ويـكـتـب
يابنت قومي اتركي الحزن والخوف= حزني وحـزنك في سـما الـقـلب يلعب
تلعب بـنا الايـام ونــصفـق باالكـفـوف= مـنها عزيز الدمع من الـعيــن يسـكب
غمّت علينا غـيمـةً كـلـها اظـــروف= تمــطـر عـلـيــنا هــم وافـراح تـسـلب
شمس المحبه يالحبيبه لها كسوف= واهون كسوف الشمس ساعه ويذهب
الله لنا يابنت ينــظــرنـا ويــشـوف= ادعــيــه دايــم بــالــرخا وقت مااتعب

لا زعلتي ياهوى روحي أضيع=تصبح الدنيا حزينه بنظري
يعتريني هم في قلبي فضيع=باديٍ من تحت رجلي لشعري
اضحكي لي خلي صدرك لي وسيع=لملميني وان زعلتي بعثري
احضنيني كنني طفلٍ رضيع=ودي عيني تنسى أيام اسهري
واحسبيني شمعةٍ لجلك تميع=في حلاتك في غلاتك واصبري:
انا احبك لو غدى ظرفي شنيع=باتحمل لجل عينك وابشري:
انتي وسط الجوف بالقلب الشجيع=وانتي وسط الروح حبك آسري
احلف بربي لحبك ماابيع=لو ملكت الكون حبك اشتري
انا احبك ومنزلك عندي رفيع=لايقاس ولايداس ويبهري
اضحكي لي خلي صدرك لي وسيع=ودي قلبي ينسى ايام اقهري

التحفتي هالغياب وخانتك بعض الظنون=وكل مافيني ينادي حبك وصبري دهر
أرتويتك عشق صافي لين وصلت الجنون=وماذبحني غير شكك واهلك عيوني سهر
يلعنك حب (ن)عرفت من المحال انه يكون=وتلعنه عيني وسهرها ويلعنه حتى القهر
ماكسبتي غير دمعه حارت بذيك العيون= ولا كسبتي غير دعوه جتك من قلبً طهر
ارحلي والذكرى اللي باقيه عندي تمون=من رسايل من قصايد بالسراير والجهر
لو رسمتي حب صادق واجب اني له اصون=وان رسمتي حب كاذب تهدمه فترة شهر
الله انه لايسامح كل من سبب طعون=والله انه لايسامح كل من موّت زهر

مبروك الف الف مبروك افتتاح الديوان

ديوان رائع وزاخر بالقصائد المميزه

سنعمل له بنر بأقرب وقت بأذن الله


ياهلا بأبو طارق وديوانه وقصائده


بالتوفيق ان شاء الله

صح لسانك ياسلطان الشعر

قصائد مميزة من شاعر مميز

لاهنت يابعدي..

هذا البنر يابو طارق وتم تركيبه مع الدواوين

صح السااااااااااانك يابوطارق على كل حرف كتبته

جزل يابوطارق ياعلم الله ماقولها مجامله


شاعر نستفيد منه الكثير

والف مبروك على الديوان تستاهل يابعد راسي

الشاعر القدير / سلطان العاصي

أهنيك على هذه القلم وهذه الدرر المتناثره هنا ..وحروف ومعاني أصيلة أجدت وأحكمت وأبدعت ..

أتشرف بالحضور هنا

تقديري لك يالوايلي

المشاركة الأصلية كتبت بواسطة سلطان العاصي

التحفتي هالغياب وخانتك بعض الظنون=وكل مافيني ينادي حبك وصبري دهر
أرتويتك عشق صافي لين وصلت الجنون=وماذبحني غير شكك واهلك عيوني سهر
يلعنك حب (ن)عرفت من المحال انه يكون=وتلعنه عيني وسهرها ويلعنه حتى القهر
ماكسبتي غير دمعه حارت بذيك العيون= ولا كسبتي غير دعوه جتك من قلبً طهر
ارحلي والذكرى اللي باقيه عندي تمون=من رسايل من قصايد بالسراير والجهر
لو رسمتي حب صادق واجب اني له اصون=وان رسمتي حب كاذب تهدمه فترة شهر
الله انه لايسامح كل من سبب طعون=والله انه لايسامح كل من موّت زهر

سلطان ......

اعجبتني كثيراً
صح لسانك يالغالي