مصيبه لو رسمت الحلم بالريشه وهو مفقود 🌴 الشاعر بدر الحارثي 🌴
مصيبه لو رسمت الحلم بالريشه وهو مفقود
على لوحتك يصبح ناتجك حبرٍ يغطيها
سريت بحلمي العابر على سكه امل موجود
تداعبني هواجيس الكلام وقمت اغنيها
حسبت الشوق يحسبها ويرسم للنهايه حدود
لقيت البر بي واسع وشاطي البحر تاليها
حسافه حلم ناديته بصوت العاشق المكمود
يعيش العمر واماله يدور من يناديها
نهايه حلم غنيته على عزف الحيا والجود
وخانتني تعابير الزمان وخاب هاقيها
عليه الله وامانه ياعسى دربه ماهو مسدود
تلقيه الحظوظ الهانيه اغلى امانيها
يسوقه طاري الذكرى مع هبه نسيم النود
وتسري بي على بيته سنينٍ عشت ماضيها
عسى الله يدمح خطاها بعد راحت وانا موجود
اداري دمعه عيوني بعد شحت خطاويها
الشاعر / بدر الحارثي
|
الإهداءات
« آخـــر الـــمـــشـــاركــــات »
| 
|
العرض العادي
