قصيده ( بيطار النظم ) بالشاعر محمد مسفر العتيبي

اقدم لكم قصيده الشاعر *بيطار النظم* اتمنى انها تحوز على رضاكم واستحسانكم


الفعول الطيبه ماهي غريبه
بالكريم اللي على درب الرجالي

حي والله وقفتً بأجزل عتيبه
الكرام اللي وفاهم دوم عالي

جيت لمحمد كريمً واعتزيبه
ابن مسفر وقفته للمر حالي

ان وصلته وانت رجلً تنتخيبه
تاخذ اللي تطلبه والضيق زالي

الفعول النادره والا العجيبه
عادات اللي لأجزل الطولات طالي

طيبن لاعدو اهل الطيب طيبه
معتلن بالطيب وفعوله جزالي

من رجالً بالوفا دايم عريبه
نسل روق وشامخينن كالجبالي

ياوفا ياعز ياقدرً وهيبه
ياشموخ العز يابيت المعالي

من يروم الطايله تبقى نصيبه
مثل سيلً حدر الوادي وسالي

وقفتك تبقى وسط صدري قريبه
غير اوصيها واعلمها عيالي

وحي والله وقفتً بأجزل عتيبه
الكرام اللي وفاهم دوم عالي



الشاعر / ماجد محمد العنزي
** بيطار النظم **

يعطيك العافيه وتسلم يمينك
طرح رائع وانتقاء اروع لاهنت
ننتظر جديدك المميز
دمت بحفظ الله
اختك اميرة الورد كانت هنا @

طرح جميل بجمال حضوورك

عوااافي

صح لسان شاعرنا ونعم بالمادح والممدوح

تسلم ابو رشيد على النقل الرائع


تقديري

سلمت على الطرح
اسعدك الله ووفقك

الله يعطيك العافيه وتسلم يميك
الف شكر على الطرح الجميل

سلمت الأنامل على الأيراد
*ودي لك..

.أخوك جدعان العنزي

الله يعطيك العوافي
كل الشكر والتقدير