طاروق ناري** بين الشاعر / مضواح بن شتوي و الشاعر / مهدي بن مسفر الحبابي
💢💢💢💎💎💎💢💢💢
سلام والمعنى على سبعة رموز
امٍ وابـــو. وأربع بنات فاتنات
وايضاً ولد وأكثر طبوعه ماتجوز
يسوّي اللي ما تسويه البنات
مضواح بن شتوي
💎💎💐💐💎💎💐💐💎💎
يا مرحبا يا اللي تدور للبروز
والعايله فالكرت واللي فات فات
ضنك يفوز اخوك ولا ما يفوز
واحذر يابو نايف تهد المنجزات
مهدي بن مسفر الحبابي
💎💎💐💐💎💎💐💐💎💎
دام البقاا ياهل الكدالك والبنوز
ياربعنا ياهل الذهب والماركات
اللي عصاء الشايب ولاطاع العجوز
ماني معزّي فيه لما قيل مات
مضواح بن شتوي
💎💎💐💐💎💎💐💐💎💎
امس العصر فالحوش وتلم الخبوز
واليوم تسكن فالقصور الشامخات
اذا ضغطتك يمكن يطق الفيوز
واكشف اعلومك ثم اتبين الخافيات
مهدي بن مسفر الحبابي
💎💎💐💐💎💎💐💐💎💎
مانته تعرف القزوعي ولا تهوز
ماغير عينك في البنات المترفات
ياهل المكلٌا زادكم صار امحجّوز
ماعاد في صنعا وصعده عود قات
مضواح بن شتوي
💎💎💐💐💎💎💐💐💎💎
ما دام ذا قولك فموقعك محجوز
معاد عقب اليوم فيه مجاملات
لو كان متغطرس وفيدك جوز موز
بكره لما جيتك تضيق بك الجهات
مهدي بن مسفر الحبابي
💎💎💐💐💎💎💐💐💎💎
انا اخبر ان الطلح مايثمر بلوز
يمكن تغيره الليالي المقبلات
صدام عرقه بين شمر والعنوز
وأصبح مقامه في الجبال النايفات
مضواح بن شتوي
💎💎💐💐💎💎💐💐💎💎
وضعت لغز السالفه وتقول شوز
وكل ٍ يحلل فالرموز المبهمات
صدام راح وباقي الشله تنوز
وانت اتعرفني زين ذا العلم الثبات
مهدي بن مسفر الحبابي
💎💎💐💐💎💎💐💐💎💎
اللي وضع كبده على جال القزوز
ماهي بتبرد لو شرب نهر الفرات
تبغي تسجل لك هدف وتشوت بوز
ما أحدٍ. مثل ماجد يهز مدرجات
مضواح بن شتوي
💎💎💐💐💎💎💐💐💎💎
الرمح في كبد المعادين امغروز
والوضع في فكرك حصل فيه انفلات
ماجد يقود المنتخب ويقود روز
ومدرجات استاذكم راحت وجات
مهدي بن مسفر الحبابي
💎💎💐💐💎💎💐💐💎💎
|
الإهداءات
« آخـــر الـــمـــشـــاركــــات »
| 
|
العرض العادي
