ديوان الشاعر/الأطرق بن بدر الهذال

مجاراة لقصيدة الطفوله


ذكرتني بايامي وايام ............. لولة
ياما لعبنا لعبة تطرب ............ البال
يوم المدارس ما عرفنا ....... فصوله
ندرس مع التلعة ونقرا مع .... الجال
وان مرنا بعض العرب مع ...... ذلولة
قامت توريني ترى ذاك .. ..... رجال
نضحك ولا نفهم ونعاين ...... رحوله
ولو شافنا يضحك على اساس جهال
يا ما اتركوها عندنا واسمحوا .... له
حتى ولو نامت مع العم .. ...والخال
وساعة تغطت حرموا شوف ... زوله
يا كذبهم شيباننا يا بن ......... هذال
كيف اخدعونا في زمان ..... الطفولة
ولا ارحمونا عقبها بكل ....... الاحوال
هم السبب في عشقنا مع ...... رسوله
وهم السبب في موتنا وقطع . الآمال
والياشكينا حبنا ما اربعوا ........... له
قالوا تعقل هرجتك كلها ......... اهبال
سوالفك ما هي سوالف ...... .. رجولة
سوالف الورعان وتضرب ..... بالامثال

صح السانك يا بو سلطان . لقد جددت الذكريات مع براءة العذيات ، طبت وطابت قيفانك العذبة ايها العذب لاهنت



الشاعر / القارظ العنزي

الله يكبر مقدارك ويعلي شانك يا بو سلطان كما رفعتني ومجاراتي الى مكانتك السنية واضفت مجاراتي المتواضعة ببنانك الندية الى ديوان شعرك الراقي ، وهذا شرف وفضل منك تفضلت به علينا لاعدمناك ، ربي يحفظك ويرعاك .

المشاركة الأصلية كتبت بواسطة القارظ العنزي

الله يكبر مقدارك ويعلي شانك يا بو سلطان كما رفعتني ومجاراتي الى مكانتك السنية واضفت مجاراتي المتواضعة ببنانك الندية الى ديوان شعرك الراقي ، وهذا شرف وفضل منك تفضلت به علينا لاعدمناك ، ربي يحفظك ويرعاك .

العفو يالغالي

مجاراتك ووجودك بالمضايف وتواصلك الدائم

كل هذا يزيدني شرف يابو فيصل


تسلم وتدوم يالغالي

السلام عليكم ورحمة الله وبركاته

مشاركة متواضعه في حملة ( تكاتف المضيان ) اهل الصبحا


الله يـديـم الـعــزوه الـوايــلـيـه
عـزوة فخـر بين القبايـل لها شـان


يمشي الزمـان ولا تموت الحميه
في دمهم تبقى على مـر الأزمان


مشيت من صوب الرياض العذيه
متوجـه لـربعي كريمين الأيمــان


نخـيتهم مـن شــان حـل القضيـه
ربعي هل الفزعه سلايل مضيـان


اهـل الحـمـيّا والعـزوم القـويــه
وأهل المواقف والتراحم والإحسان


واهل الكرم واهل اليدين السخيه
تاريخهم سجل من المجد عنوان


تـكـفـون نبغى فـزعـةٍ حـاتميـه
فـزعـه بهـا عواد يفرح ونومــان


ضاقت عليهم يالنشاما الفضيه
وضاعت عوايلهم اناثي وورعـان


والمسألـه ماهي عليكم عصيـه
تبغـالهـا وقـفـة مطـانيخ واخـوان


وانتم اهـلهـا لا انتخيتو سـويه
تكـفـون ياساس الفخـر يالمضيان


الاطرق بن بدر الهذال
5 / 4 / 2016 م

المنشد / عادل الجامعي

الشاعر / راضي حبيني السلمي

اهداء الى الاطرق الهذال

جـــو الــفــرح يـنـثــر زهــــوره وفــلــه
في حفـل الاطـرق والوفـا عانـق النـور

الــعــز لابـوسـلـطـان والــظــل ظــلــه
يسمـا رفيـع الشـان عـن كــل مثـبـور

الــي مسـجـل كــل طـيـب بسـجـلـه
نسل الشيوخ مطوعـت كـل مسطـور

عـيــال ابـــن هــــذال والـشـاهــد الله
فـخـر القبيـلـه كـلـهـا شـــي مـخـبـور

جـبــلّــة ٍ مـتــحــدره مـــــن جــبــلــه
كــم طـوعـوا بسيوفـهـم راس منـعـور

للمـجـد عـــرش ومثـلـهـم يستـحـلـه
وتاريخـهـم ماتجمـعـه عـــدة سـطــور

اهـــل الـوفــا والـطـيـب دقـــه وجـلــه
زبــن الـدخـيـل مـزبـنـة كـــل مـقـهـور

اهـــل الـبـيــوت الـنـايـفـات الـمـطـلـه
تاريخـهـم بالطـيـب مـبـطـي ومـذكــور

والشيـخ الأطـرق جـدده فــي محـلـه
مبنـي علـى سـاسـاً رفيـعـاً ومعـمـور

يـانــاس ابوسـلـطـان مــاحــدً يـمـلــه
مثـل القـراح مـن الشخالـيـل مـحـدور

هــــذاك ابـوسـلـطـان كــلــن يــدلـــه
اليابـقـيـت الـفـعـل والــعــز والــشــور

حـنـا المـواقـف وانـتــم الـشــور كـلــه
عنـدك خبرهـا يـوم طـاروا بـهـا صـقـور

وحنـا الـوفـا والشـيـخ نفـسـي تجـلـه
يستاهـل التقديـر وبـنـتٍ مــن الـحـور

الشـيـخ الاطــرق كالنـجـوم المـطـلـه
اللـي علـى البيـداء تشـع الفضـاء نـور

الـمـجــد والـنـومــاس والــعــز كــلـــه
راع الحمـيـا محـكـم الـــراي والـشــور

شيخـن ولـد شيخـن وسيفـه يسـلـه
وقــت الشـدايـد لانعـمـا كــل مـغــرور

واطـلـق شـنـب لــوزاد لشـيـخ غـلــه
جينـا وبنـي وايـل تجيلـه علـى الـفـور

يقـصـر ولــو خـــط الـقـلـم بالسـجـلـه
عـن وصفهـم يقـصـر يـلـو مــده بـحـور

وكــانــوا ولا زالــــوا جـبـالــن مـضـلــه
مـــن يـــد مـمــرورن تـــورث لـمـمـرور

يـاطـارعـن قـحــص الامـهــار الاجــلــه
رجـالـهـم يـحـسـب ثمـانـيـن صــابــور

سيفـن بـوجـه ايـامـك الـسـود سـلـه
يـضـوي لــه الـتـاريـخ ديـجــور ديـجــور

رجـل جمـع مـن علـم الاحسـان جلـه
قــول سلـيـم والـفـعـل مـابــه قـصــور

يشهـد لـه المولـى ومــن هــو يجـلـه
مثلـه يـمـد الـعـون لــو كــان معـسـور

راع الـحـمـيــا والــمــراجــل اجــبــلــه
امورثـه مــن جــد جــده عـلـى الــدور

انشـهـد ان الطـيـب مسـتـرسـلٍ لـــه
ماكـادتـه لـــو عـولـقـة داخـــل الـــزور

يـــوم الـقـصـايـد روحــــت مسـتـهـلـه
اسرعت ابمسك مع هل الشعر طابور

والله لــقــدم اعـــــذب الـشــعــر والله
دام القصـايـد تـرجـمـة واقـــع شـعــور

مـبـروك يـــا شـيـخـاً بقـلـبـي مـحـلـه
جعـل الـفـرح دايــم عـلـى دارك يــدور

الـشـيـخ ابـــن هـــذال كــــلً يـجـلــه
مـزبـان مضـهـود لجـابـه عـــن الـجــور

الـيـا نـصــوه اهـــل الـيـديـن المـقـلـه
يقضـي حوايجـهـم ولاهــاب مخـسـور

فـعـلـه وكـــاد ولا يــبــي لــــه ادلــــه
مـن غيـر قاصـر والـعـرب مـابـه قـصـور

والبـيـت مايبـنـى عـلـى غـيــر اخـلــه
والاطــرق الـهـذال مبـنـي لــه قـصـور

مـجـلـس ابوسـلـطـان ومـحــدٍ يـمـلـه
مجلـس كـرم فيـه اشقـر البـن مديـور

والـعـود الازرق وصـاحـبـه واقـــف لـــه
بــيــن الحضوروعنبـرالـطـيـب مـنــثــور

مــن ســاس قــوم ٍماتـعـرف الـمـذلـه
حـمـايـة الـمـظـهـور فـكـاكــة الــخــور

شـيــوخ وايــــل بالـسـنـيـن الـمـقـلـه
زبـن الدخيـل الـي نصاهـم مـن الجـور

بجـوارهـم يـلـقـى ذرى و مـزبــن ٍلـــه
يــعــود طــلابــه مـحــطــم ومـقــهــور

وقفـاتـهـم تـشـفــي قــلــوبً مـغـلــه
تاريخهـم فـي معجـم الكتـب منـشـور

والــيــا لان الــهــذال لـلـمـجـد حــلــه
متوارثـن الطـيـب مــن مـاضـي الــدور

الـيـا مـدحـت امــدح ومـدحـي محـلـه
امـدح شيوخـاً فيـهـم الطـيـب مـذكـور

اشــيــوخ تــرقــى قــمــةً مسـتـقـلـه
رزوا لـهــم بـيــرق يـرفــرف ومـنـشـور

عـهــداً علـيـنـا والـعـهـد مــــا نـخـلــه
ناقـف معـه فـي ليلـة العـرس بحضـور

ونــــدح لـه..ونـشـاركـه فــرحــةً لــــه
وجزل القصايد تنقصـد بـه علـى الفـور



مشاركة من شعراء المضايف بمناسبة زواجي
24 / 8 / 2011 م


http://mdyf.net/vb/showthread.php?t=34611

هذه القصيدة سبق وأرسلها أحد الإخوه رساله عبر الجوال ولم يذكر صاحبها وقد كتبت أبيات رد ثم ارسلها لنا الأخ سليمان بن مطر ضمن القروب وأتضح أنها من شعر الشيخ الأطرق بن بدر المهلهل الهذال قالها لما سمع كلام من رجل يعرض بقبيلة عنزه عندما لم يكون لهم أبل مزاين فأجابه الأطرق بهذه القصيده :

يـا صاحبـي كـنـا ونـبـقـى حـلاحـيـل *** للمـجـد نـرقـى فـوق قـمة جـبـلـهـا
أفـهـم عـدل لا تـأول الوضـع تأويـل *** والكلمه العـوجا مـن المـزح شلـهـا
يـوم أنهـا بالسيف والـرمح والخيـل *** نـملـك مـزايـيـن الأبـل مـع فـحلهـا
نغير في وسط الضحى ووسط الليـل *** ونجيبها غصب عـلى خشوم أهلها
ويــلان حـنـا فـعـلـنــا لــه دوالــيــل *** ونـردم عـلى كبـد المعادي اعـللهـا
وأن زعـردت أم العـيـون المضاليـل *** وقامت تنـاظـر كيـف ردت فـعـلـهـا
نشوش من زود السطـر كالمهابيـل *** والمـوت أحـلا عـنـدنـا مـن عسلهـا
مـتورثـيـن المجـد جـيـل بـثـر جـيـل *** فـتـخـان الأيـدي كـاسبـيـن نـفـلهــا
ويـلان حنـا أهـل الكـرم والمعاميـل *** عـاداتـنـا مـا غـيـرتـهـا افـلـلـهـــــا
لضيوفـنـا نـذبـح مـن القـرح الحيـل *** وقصيـرنـا مـا يـشتـكـي من ملـلهـا
والحـمـد لـلـه يـوم صارت تساهيـل *** جـاهـا الـزعيـم بـديـن ربـي شملهـا
يـكـفي يـمثلـنـا مـن النـفس حلحيـل *** مشعـل أخـو نـوره بـجـوده كفـلهــا
مـادام صارت بالـذهـب والتهـاويـل *** وأحيـت عـليـنـا عـنصـريـة جهـلهـا
ماعـاد نبـغـي مـن وراهـا محاصيل *** وقـلـوبـنـا لـلـخـيـر ربـي عـدلـهــــا
نعطي الفقيراليا شكى العوز والويل *** نـجـود والـرمـلا عـطـانـا وصـلهــا
وضعـيفنـا نـرفى خمالـه عن الميـل *** أخـيـر مـن دفـع الـفـلـوس بجمـلهـا
ونـذلـل ظـروف المساجـيـن تـذليـل *** ونـعـتـق ارقـاب دافـع الـلـه أجـلهـا
يـا صاحبي نـقـدر وفـينـا لهـا حيـل *** ونملـك ملايـيـن الـفـلـوس وهـلـلهـا
وإذا رغـبـنـا بـالليـالـي الـمـقـابـيـل *** تـشوف ويـلان السعـد وش عـملهـا
قـلـتـه وأنـا مـا ودي القـال والقـيـل *** حسبي عـلى الـلي حيل كبدي دبلها

وقال عبدالله بن دهيمش بن عبار هذه القصيدة مجاراة لقصيدة الشيخ الأطرق بن بدر المهلهل المنديل الهذال :

يعـيش أخـو بتـلا من أحـفـاد منـديـل *** نسـل الـذي روس المـعـالـي نـزلـهـا
الـقـرم أبـن بـدر عـريـب الأخــاويـل *** عـوج الهـروج التايحـه مـا حـمـلهـا
قـاس العـلوم وحلـل الـهـرج تـحلـيـل *** ولا يكتـرث بالـلي السوالـف نـقـلهـا
كـلام الأطـرق صدق مـابـه تجـاهيـل *** وبالحـلـم نـفسه مـا تسارع زعـلـهـا
الـطـيـر يالـمنـعــور مـا كـدّر الـنـيـل *** والـنـاس تـفخـر في محاسن عـملهـا
غـوش عـنزه ريف البداة الهواشيل *** كـان اخـتفى محصول نـاتـج سبـلهـا
عـاداتـهـم صـد العـصـاه المـغـالـيـل *** لا نـقـضـت هـنـف العـذارى اقـذلـهـا
مـضالـهـم يـوم المـراجـل مـفـاعـيـل *** كـم مـن حـليـلـه فـجـعـوهـا بـرجلهـا
يـوم الجنـب عـنـد أمـهـات المخاليـل *** أولاد وايـل فـعـلـهـا مـا فـشـلـهــــــا
قـطعـانهم تـرتـع مـن سلـوك للهـيـل *** وحـتى حـمى الحويـان تفـلا بدغلهـا
مـن غـربي الـحـره اليـا ديـرة ثميـل *** بـاجوا جميع حـزومـهـا مـع سهـلهـا
المـجـد يـدرك بالسيـوف المصاقـيـل *** والطيـب مـا هـو فـي مـزاييـن بـلهـا
كسب المـراجـل بالـرمـاح المنـابـيـل *** الـلـي مـنـاعـيـر الـرجـال أيـهـبـلـهـا
مبـطـي فـخـرنـا بالسنيـن المسامـيـل *** عـادات أهـلـنـا مـا نـدوّر بــدلــهــــا
يـامـا بـوايـل مـن نـوادر مـشـاكـيــل *** مـا زايـنـوا بـالـنـوق فـي محـتـفـلهـا
منهـم عـقاب الخيل من خلفت شعيـل *** مـا يـنـطـح كـان الـشـوارب فـتـلـهـا
ومشعـان أبـن هـذال يـوم المصاويـل *** يـامـا صـوابـيـر الـمـعـادي عـزلـهـا
وأبـن بـكـر مشعـان ذيـب الرجـاجيـل *** الـغـافـلـه مـا يـوم قـالـوا عـقـلـهـــا
وبرجس غديرالموت فوق المشاويل *** الـيـا عـثـا بـالـقـوم يـرمـي بـطـلـهـا
وجملت ضنـا عـنـاز ماهـم مساهـيـل *** مـن جـالـهـم مـظيـوم يـدلـه ويـلـهـا


https://www.bnabar.com/vb/showthread.php?t=9869

من قصائدي القديمه


اهداء الى اخوي العزيز فهد الطرقي المجلاد ابو مشاري
مؤسس شبكة مجالس قبيلة عنزة

ياكاسـب البيضـا مـن افـعـال يـمناك
يافـهـد ابن مـجــلاد يـابـن الحـمـايل

ياسعد عين اللي على الطيب خاواك
يسـعــد ليا قــلّـت عــلـيه المـحــايل

المـجـد ساسـك مـن قـديمٍ ويزهــاك
طـبعٍ ورثـتـه مــن جــدودٍ اوايـــــل

الطـايلـه تزهـى لـمــثلك وشـــرواك
وطـيبك يعـرفــونه جـمــيع القـبايل

بنيت صـرحٍ شـامـخٍ فــوق الأفـلاك
وجمعــت اهـل الطيب وعـيال وايل

دوم التواضـع يابن مـجـــلاد مـبداك
وتعـاملك نلـقـاه بأحـلـى الـوسـايـل

لله درّك. مــدري شــلــون نجــزاك
مـهـما فـعــلـنا مـانـسـد الجـمــايل

عـسى المنايا يابو مـشاري اتعـدّاك
ويـدوم عــزّك ياعــريب الســــلايل

وعـسى السعد دايم حـليفـك بدنياك
وياقـاك ربـي مـن جـمـيع الهــوايل

صغت القوافي واقبل القاف لاجـاك
فـيه الأخــوّة صـادقـــه بالــدلايـــل


الاطرق بن بدر الهذال

2009 م

من قديمي المتواضع


مهما حصل منك الجفا قلت مقبول
اصبر وانا دمعي على الخد سايــل

فيك الرجاء يابنت الأجواد مأمـول
وعن غير حبك مابغيت البدايـــــل

يالغاليه في غيبتك صرت مشغـول
ضايق وودي مـنك لوهو رسـايـــل

لاتتركيني يابعد زولــــي الـــــزول
حيثك اصيل ومن بنات الحـمــــايل

صارالفرح في دنيتي شي مجهول
وصارت همومي في غيابك هـوايل

ودي بوصلك ياحياتي على طـــول
لاتقطعينه في جــمــــــيع الوسـايل

يالغاليه في قربك همــومي تـــزول
يامــنيتي مــن بيـن كـل الأصـــايل

يادنيتي معك الفرح دوم موصــول
وغلاك في قلبي مسوي عــمـــايل

معقول ياعمري! تجاهلك معــقــول!
وانتي تشوفين الـــغلا والدلايــــل

كانه تغلّي يامنى الروح مقــــــبول
ياخوف قلبي يطلع الحـــظ مــأيــــل

شيهانتي: روفي ترى الحال مسلول
لاتذبحي حــرٍ مـــن عــيال وايــــــل



الاطرق بن بدر الهذال

2008 م

ياسلااام عليك
حضرة المدير
روووعه وربي
هي قصيده
تجدد نشاط الروح سائر اليوم
لو كانت قديمه لكن
تجددها الحزالة
طيب انظم لنا شي من جديدك
صح لسانك ملايين
شاعرنا القدير
الاطرق بن بدر الهذال
دمت بخير