ديوان الشاعر مساعد مزعل العنزي

1 سـلام تسـليمٍ مثـل وبـل الـمـطر
تسليـم وافـي مـن وفا . شخصٍ بداه
2مثل المـطر لاهـل مـن فوق الزهر
والزهـر من بعـد المطـر يظهر شذاه
3فـي حفل ابـو عادل ومنهو به حضر
تسليمةٍ منـي علـى الحـفل .. اوعلاه
4يامحمـد الفـارس عـزيز .. ولك قدر
عنـدي وعنـد الناس ..صـعبٍ ..منتهاه
5لك ولـخـوانك شيمةٍ ..تكـفـي بشر
يقـولها اللـي قـال قـوله .. وحـتماه
6اهل الكرم واهل الشكاله والسطر
وانتـم اسيادٍ بالفـخر .. مثل القـضاه
7انتـم ولاهنتم .. بـكم عـز ..اونصـر
ومنهو جهل بالوقت سيفٍ في اخباه
8اعـروق عـودن مـن بعيدين النظر
تقصـر .. يدين اعـداه مـاتقصر يداه
9اقــولها وانا ..علـى ...عـز اوفـخر
علـمٍ مـثل نجـم الجدي بعلى سماه
10مـن لابةٍ تاريـخـها نقـش بحـجر
ومن ثقلها زادت على اجبال السراه
11الشمس يكسب من حسانيها القمر
والبحر شال الباخره من فوق ماه
12عمق البحر وسط البحر تلقى الدرر
وسعر الدرر غالي وتكسب من وراه
13معروفةٍ من بين بدوان اوحضر
يلقى النجاه اللي لبس طوق النجاه
14موج البحر ياللي جهل موج البحر
مـوج البحـر يغلـب ولاحـيٍ ...قواه
15هي لابتي عزي ..الياجار الدهـر
ربعي سند ضهري ولي جاه اوجاه
16ارهي بها كاني على شاط النهر
توصف بنهر النيل مـن قمة ..صفاه
17شاعر وانا عندي حقيقه ماااختصر
والضـلم مـابه فـوز مثلي مارضاه
18وكـل القبايل والنعـم لــوتنذكر
يصعب علـى القايل يوصف مالقاه
19فـيها فـعـولـن نادره مـاتنحصر
توفي ..لك المكيال بالوقت اوقساه
20وترا السعيد اللي الياهل الشهر
صــامـه لجـل ربه ولايرجـي سواه
21يعيش يـومــه بين .تسبيح اوذكر
ويستغـفر الله .بين ..تسبيح اوصـلاه
22اللي اليا سمع المـنادي ماانتظر
حافض علـى فـرضه ولاعمره نساه
23متـجـردٍ مـن حـب دنياه اوقـصر
يقصر عن اللي يغضب الله ماوطاه
24حب الااله اب وسط قلبه مستقر
ذا محتـوا ..قـلبه ..وغـيره ...مـاحواه
25زود زاهابه وحتسب طول السفر
واللي مشابالدرب ماااخبرمن وراه
26من طـولها رحله بكى منها عمر
حتى انوسـم خـديه من. كثرة ابكاه
27هـذاعـمر ومـزكـيه سيد البشر
والله رفـع ..قـدره ..وبالهيبه حـباه
28دنيا ..ممـر ..ولالنا ...فيه ...مـقر
دنيا شقـى والـوقـت دايرتن رحاه
29تشبه كمامزنن اعجـوبه للبصـر
يطحـن به الـرعـاد .والبارق قـفاه
30كلن يـوده مـن علـى داره يمر
بل البشر ..والا ..الشجر والا عساه
31يسـري علـى دربه ..ولاعنه خبر
ذي حـالـة الـدنيا علـى كـل اتجاه
32تمت وصلى الله على خير البشر
مني عليه ازكى سلام ازكى صلاه

مساعد مزعل اليمني الجعفري العنزي

سـلام ياااهـل الحفـل واللي به حضر
تسليـم ..وافـي ...للـرجـال ..الطيبين
للغانمين ...اللـي ..لهـم ..عنـدي ..قدر
ولهم ...مـكانه ..بين ..كـل ..العـالـمين
من دون تنشد ...علمهم .. بين ...البشر
ذاع الخبر من بين سمع وشوف عين
مراحمه ...لاقلت ..في ...طيب ..اوسطر
وان قلت اشويهر قلت لك سورٍحصين
وان ..قلـت ...لك ..جعافره ..مثل البحر
مــايقـدره ... ياغـير رب ...المشرقين
واقـولها....وانا ....ايمني ...عـلمٍ ظـهر
المحـزمـي ربعـي ..كـريمين اليمين
وكـل ...القبايل ....والنعم ...لـو تنذكر
مـاينـجـحد ...فعل .الرجـال الغانمين
والمسعـد ... اللي لانسا الغافل ذكر
استغـفـر اوسـبح وصـلى ...ركعتين
اللـي .....الياسمع .....المنـادي للفجر
حسب حسابه ..مع صفوف المومنين
مـاغـرته ..دنياه ...مـع ..طول .العمر
رزقـه كفاف اولا سعـى عنده يقين
مضاق صـدره لـو طغى .جور الفقر
مـايسـأل ... الا الله ..خير ..الرازقين
ويالله.. .. ياعـلام ...مـكنون ...الصـدر
وياخـالق ... المخلوق من ماءٍ مـهين
تنصـر ..لنا .. غزه. .على روس الكفر
وتنصـر ... لنا السنه....بدار الرافدين
وتحفـظ هـل ..التوحيد ..بديار الفخر
دار ...السعوديه .... بلاد ....المسلمين
دارٍ بها ... محـمد ...وابو ..بكر اوعمر
هي .. قبلة.. .العالم بنور المسجدين
نحـبهم .. بالله.... . حب ...ابـلا .حصـر
كل ... الصحابه.. ..والعباد ... التابعين
وصلـو ... على.. .شفيعنا يوم الحشر
الهادي ... المبعوث.. .خير المرسلين
اللهم ..صــلِ ..علـى ... خير ..البشر
نبينا.. .المبعوث ....بالحـق .... المبين
مساعد مزعل العنزي

تعذبت في بعدك تولعت في قربك
علا ما تحد المنجرح لين جبت اقصاه
تحارب بخرسن تتعب اللي نوى حربك
ومن طاح من عينك كفيل الكفن بدواه
يسابق سهم عينك لباسٍ تخصربك
وكنك فريد بدنيتك ماعليك اشباه
ولوكنت مويا ماحصل للبشر شربك
يحطون لك سورٍ وجيشٍ ماااحد يقواه
لك الله ياشخصٍ تعثر على دربك
وجفت مواريده ونو المطر ماجاه
اليامن نوى يترك مسيره تعذربك
يحسب التعب راحه لجل حيه وفرقاه
يزين الكبر في طابعك لاتنكربك
رضيبه حبيبك بس مرات مايرضاه
وكبرك على غيري جمالك ولا اخسربك
وكبرك عليه ضيّع القول عن مرماه
وهذي خواطر هاجسي حين يبحربك
وحليت في طلتك في بحره وميناه
مساعد مزعل

صح لساانك

من راااائع الى اروووووع داام ابدااع

عواااافي

هلا وغلا بعاشق الورد ارحب تراحيب المطر في متصفحي منوره طال عمرك

(البال)
لاعـاد تنشد عـن سبب ضيـقة البال
ولاتكشـف استار النفـوس .العليله
تبـين لك .. دمـعه من .عيـون رجال
دمـعه لها ..غـايه .. .تبـرر وسيله
العكس في تال الزمن مضرب امثال
ومتـغيرات الـوقـت ..مـاهـي قليله
في شوف عيني في خيالي ولازال
عـهـدٍ .. تجـرد مـن ..نهـاره مقيله
عـين الحـقيقه جـردت كل الازوال
وراحـت مـقامـات ..الجبال الثقيله
ان كان عـهد المال فالحال بالمال
لاصـار ... طيّـب ..مـايمـد القـليله
والمـال مـايرفـع ..ردييّن الافعال
عـمـر الـردي مـامد .مـده جزيله
مقاسها الافعال ماهي بالاشكال
والا خـفايا ..القـلـب ..ربك وكيله
ازوال . .بالدنيا .تماشي لها ازوال
والفـرق فيها .. بالفعـول..الجليله
فكره جـزيله يوم مرة ...على البال
مضمـونها مضمـون ..برق المخيله
من هاجسٍ هايض ..ترانيمه اجزال
قافه جـزيل .. ولايجيب ...الهـزيله
العـز بالسجـده .والايام ...تـرحال
والـزود ..زود الـدين ..مـاله بديله
والعمـر ...لـو زانت .لياليه ماطال
لو داومت له .. يوم.. ماهي طويله
مساعد مزعل

(عهد الصداقه)

عهد الصداقه ثمين وعندنا مايضيع
محفوظ حفظ الامانه عند من شالها
وان كان ضاعت تراها من ردات الوديع
مـايحتفظ بالـودايع غير رجـالها
ومايقطع احبالهاالاالنذل شرالصنيع
اللي يمـوت الجـزيله مابعد نالها
اللي على غرة الغافل حريص وسريع
يحرص على غرة الغافل ويختالها
يحوف نفسه لو انه زبدةٍ مايميع
سواني الخير يقطعها من احبالها
والا الرجال الكريمه مثل ذكر الربيع
الطيـبه .. دلـها والعـز .. مـنزالها
اللي بسوق المراجل تشتري ماتبيع
يتعب على الطيبه من شانها جالها
رجلٍ كريم اوشجيع ولردي مايطيع
يعرف مطانيخها ويثمن اقوالها
يختار سيفه من سيوفن تلامع لميع
ماينشد اللي قصر يمناه ماطالها
لن الرجاجيل فيها فرق ماهي جميع
تظهر لك افعالها ماتخفي اشكالها
العقل مايدرك اللي في خيال الرضيع
حاجه حفظها ولايدري ولاقالها
لو كان يفرح على التعبير مايستطيع
له بسمةٍ شقت الدنيا على فالها
واحنا بدنيا بديعه بدع ربٍ بديع
عالم خفايا النفوس ومحصي اعمالها
سبحان ربٍ قدير وخالقٍ مستطيع
عالم خفايا نفوسٍ تجهل بحالها
وصلاة ربي على اللي للخلايق شفيع
واعداد ماهلة المزنه بهمالها
مساعد مزعل العنزي

النـاس اللـي مـلتويتن نياتها
ابعـد تـرامن قربهامـاتستفيد
نـاسٍ .. بنيـتها تـشبع ..ذاتـها
سلامتـك مـنهم تعده يوم عيد
وترا الفرايض لوتفوت اوقاتها
معـاد تقبل لك صـلاه .ولاتفيد
صدرالسفينه ماحسب موجاتها
وسط البحور اللي غياهبا يزيد
تبحـر مـن المينا الـى .ميناتها
عبر البحر .مسارها .مابه جديد
كذا الزمن والناس في عاداتها
الي.شقى.في.دنيته.والي.سعيد
والي من.بين.الناس.خـذهاهاتها
يشيلها يحـطها .مـثل ..البـريد
ومنهو يسـويها جـزاه .اسواتها
واللي خلق ماهو بظلام العبيد
لو الرعاء سادت على ساداتها
ماطولت.ترجع.ويبقى.السيدسيْد
الخـيل مابارت علـى .كبـواتها
كبـوه ولكـن بعـد كبوتها تعيد
خذ لك تجارب والذكي مافاتها
العمر فاني والبصريرجع حديد
وياكاتب .البلّده .طـفت .لمباتها
والبير نش ويبست خضرالجريد
لو تعمل الركّع علـى .قدراتها
لو حصلت لقمه تـراها .ماتزيد
تدخل تحت ظل النخل هاماتها
لثنينها. ثالـث .وقــربه .البعيد
عهد الاسود اللي على غاباتها
اللي تظد الفرْس مايبكي اوليد
الفرس .شنت للعـرب .غاراتها
والامر بيدين اللوا والا العميد
وركـز يابـو خالد وليه .هـاتها
يافارس.الفريس.ماب.الرجل.قيد
فارس ترد القوم عن هقواتها
فارس.ولد.فارس ولك.جدٍ عقيد
من روس قومٍ ترفع اشعاراتها
يوم المزارج تقطع احبال الوريد
ومانـي كبير ولا صـغيرٍ فاتها
ارسم لهارسم ابتسامه يوم عيد
مانـي بتاجر عارفٍ سـوماتها
ولاني بليدٍ يحترم فكر البليد
اهل المكارم قمت من قوماتها
واهل.الردى.من بيننا سورٍحديد
ويامزيّن الاعمار فـي جداتها
اطيب.من.الماسه.ومن.عقدالفريد
ويامـقشـر الاعمار بنهايتها
الا الذي من طاعة الله مستزيد
في جبهته سيم الصلاح اسماتها
والله يفعل في عباده مايريد
مساعد مزعل العنزي

سـلام تسـليمة ...وفـا ...كـلـها نور
تسليمةٍ .....حلت ....بعرش الزعامه
تسليمةٍ .....فيها ...معزه ....ومقدور
الله جعل .....عزه .... بها واستقامه
تلفي على اللي عنده الراي والشور
فايز .. ...ابن شعلان ...عالي مقامه
لكم ...بصفحات الزمن دور وسطور
تاريخكم ....في عالي ...المجد هامه
انتم شعالين ....عنزه ....دوركم دور
لكم على سطح .....البسيطه علامه
ياما ..... ردعتو كل طاغي ومغرور
واسدل على رواق الشمالي سلامه
ويافايز صدري ضايقٍ من له اشهور
والجسم .. ...ازرت لاتشيله ..عضامه
نبغى النقل ياراعي الجود مشكور
فزعتْك مثل الشمس تجلى الظلامه
الشاعر مساعد مزعل اليمني

اهداء للعقيد الركن فايز متعب الشعلان
والله ان الكبيره مالها الا الرجال
وماهو بيّات رجالٍ لها يستطيع
غير فايز لها واعطيك عندي مثال
له ولهله فعولٍ طيبات الصنيع
مقْدم عيال وايل مثل صم الجبال
لو تضيْع الجبال الراسيه ماتضيع
يارموز الشمال وياجبال الشمال
ويارجالٍ نسبها للردى مايطيع
ويابن شعلان يافايز جزيل الخصال
وياكريم المحيا والجناب الرفيع
كل ماذاع صيتك والنعم لك يقال
قيل هذا من اسيوفٍ تلامع لميع
ماارتفع عهد ابن شعلان من شان مال
شيخته من عصورٍ عهْدها مايضيع
ماهي شيخه حديثه نالها بالريال
شيخته مع رياله كان راحت جميع
شكّل الثلج ضلع وصاربين الطوال
مير لابيّنت شمس الحقيقه يميع
شي ماله من اول عهد جرفٍ هيال
طول عهده قصير وفي ذهابه سريع
بين طول المقال وبين قصر المقال
استميحك عذر يالشيخ جزل الصنيع
الشاعر مساعد مزعل