ديوان الشاعر/ فرج الدهمشي

العام هـذا راح ولَّـت ركايبـه = واقبل علينا عـام نرقب عجايبـه
عام جديد وعام بالامس قد رحل = واللّي مفارق او ملاقـي حبايبـه
ايامنـا تمضـي وحنـا نشوفهـا = تنقص وبعض الناس ماهي بتايبـه
يالادمي لازاد عمرك تـرى نقـص = الموت ماخلّى من النـاس سايبـه
كل عام وانت بخير يامن نصحتنـي = يالله عسى جملـة لياليـك طايبـه
كل عام وانت بخير يامن فزعةلـي = انا شهد امك يابن الاجواد جايبـه
كل عام وانت بخير يامـن تعزّنـي = واللّي كرهني جعل تكثـر ذهايبـه
كل عام والويلان ربعي وعزوتـي = في خير والمغرض يطيـح بنكايبـه
ربعي وساع البال ركّابـة الهجـن = ربعي كعام الضد في كـل هايبـه
ربعي جموع الجن في ساحة الوغـى = لاشـمـو البـارود نسنـس هبايبـه
ربعي هل الفزعات ربعي هل الوفاء = ربعي و ذخري بـالزمـان و نوايبـه
كل قوم الا ربعي وذخري عنزة = مقولت ٍماهي عن النـاس غايبـه
ماهو قصـور ٍبالقبايـل ومجدهـا = كـل ٍيهيم و يعتـزي فـي قرايبـه
نطيت في راس الرقيبه وانا فرج = وامعنت ناس ٍكل ماقلت خايبـه
ناس ٍتعاني من تضخـم بروسهـا = تفرزصديد ٍماعرف وش سبايبـه
حقدوحسد مع كره مزمن وملتهب = اعمى عيون ٍ بالوساويـس شايبـه
نطلب لهم من ربنا الشافي الشفاء = يالله تشفي المبتلي مـن صوايبـه
ونطلب لنا من ربنا الكافي العلـي=المنعـم اللّـي ما تـعـدد وهايبـه
يا ربـنـا لا تبتليـنـا وعـافـنـا=انت الرجاء للّي تنامـت نشايبـه
هذا وصلى الله على محمـد النبـي =عد الغشين اللّي لفا مـن سحايبـه

برد الشتاء لوكان حس بدفايا = وانتي معي ماعاد ثاني يجيني
يامرهفه بأحساس غيم بسمايا = اليا انحنى قوس المطر تكتبيني
في ثامن طيوف المطر من غلايا = لاجيت كلي بالغلا واعرفيني
انا (الشمال) بعشقها من هوايا = من طينة احساس الوفا واعشقيني
خلك معي والكون كله ورايا = هاذي يمينك خلها في يميني
مااطيع فيك بحكيهم والوشايا = قدرك هنا مابين رمشي وعيني
وليا نزلت في وسط قلبي معايا = عايش معي في روح وحده تبيني
مجنون عشق وشاعرن في وفايا = ياتاج راسي بالغلا واسمعيني

يكفيني انـي لابغيتـك لقيتـك = في نبض قلبي عايشٍ بالمشاعر
بديوان شعري صفحةٍ مانسيتك = يكفي وجودك يفتخر فيه شاعـر
يكفي حضورك في يـومٍ لقيتـك=تقرا لبصماتي وبوح الخواطـر

برد الشتاء لوكان حس بدفايا = وانتي معي ماعاد ثاني يجيني
يامرهفه بأحساس غيم بسمايا = اليا انحنى قوس المطر تكتبيني
في ثامن اطيوف المطر من غلايا = لاجيت كلي بالغلا واعرفيني
انا (الشمال) بعشقها من هوايا = من طينة احساس الوفا واعشقيني
دامك معي والكـون كلـه ورايـا=خلي يمينك غارقـه فـي يمينـي
مااطيع فيك بحكيهم والوشايا = قدرك هنا مابين رمشي وعيني
وليا نزلت في وسط قلبي معايا = عايش معي في روح وحده تبيني
مجنون عشق وشاعرٍ في وفايا = ياتاج راسي بالغلا واسمعيني

تدري وش اللّي يغبن الرجال وانفاسه تضيق..؟=(انك تشوف اقرب صديق لك يهاجمك اقلمه)!
وتدري وش اللّي يقهرك لاجاك بالسانٍ رقيق..؟=(يخفي لك الحقد الدفين)( وينطق المدح بفمه!)

شكرا لك
أخى العزيز فرج الدهمشي
على الأختيار الراقي للأبيات
ولك تحياتى وتقديري

المشاركة الأصلية كتبت بواسطة سارونه الصغيرونه

شكرا لك
أخى العزيز فرج الدهمشي
على الأختيار الراقي للأبيات
ولك تحياتى وتقديري

المبدعه سارونه الصغيرونه

الف شكر لك على اطلالتك اختي اسعدني كثير تسلمين

تحيتي وتقديري لك

مجلة فتل الألكترونيه


(عطر القصايد )


http://www.ftll.cc/news.php?action=view&id=3198


( ناعس الرمش )


http://www.ftll.cc/news.php?action=view&id=2506

ما شاء الله عليك اخوي فرج الدهمشي


مشكور على هذا الديوان الذي يحتوي على درر ثمينه


ولا غرابة في ذلك فأنت شاعر مبدع ومتمكن


استمتعت كثراً بهذه الروائع

باالتوفيق ان شاء الله

المشاركة الأصلية كتبت بواسطة بنت الكحيلا

ما شاء الله عليك اخوي فرج الدهمشي


مشكور على هذا الديوان الذي يحتوي على درر ثمينه


ولا غرابة في ذلك فأنت شاعر مبدع ومتمكن


استمتعت كثراً بهذه الروائع

باالتوفيق ان شاء الله

الشاعره القديره بنت الكحيلا



جزيل شكر لك على اطلالتك ومتابعتك شرف اختي اسعدني كثير تسلمين

تحيتي وتقديري لك

دمتي بخير

يامرحبا حييت يا منبع الجـود = يالقائد اللي شوفته يـوم محسوب
عودة ملك ماهي شعـارات ووعود = عودة حبيب الشعب بالخير مصحوب
عودة ملك دايم على شعبـه يجود = من طيب ساسه صار للشعب محبوب
عودة ملك بقلوبنا كان موجود = رغم الغياب اللي به الوصل محجوب
اللي بنى مجده على شامخ الطود = اللي بشوفه جمر الاشواق مشبوب
باسم الوطن نهديه باقات وورود = ونكتب قصايدنا هجيني ومسحوب
نبني صروح الحرف لاهبت النود = ونرسم ملامح صورته نبض وقلوب
الحب جنه والغلا نبضه يزود = شمس الوفا في شوفته مالها غروب
شعبك يحبك يابو متعب بلاحدود = وبيرق غلاك بقمة العـز منصوب
ياسيدي بوجودك الخوف مفقـود = سيف الشريعه بين غالب ومغلوب
ياالحاكم اللي لك مواثيق وعهـود = لا ضاعت الحيلات والحق مسلوب
انت الحكيم اللي بالافعال محسود = وانت الحليم اللي بالاسلوب مرغوب
انت الزعيم اللي على القمه يسود = وانت الكريم ليا غدى الطيب عذروب
وسلامتك يا سيدي منبع الجود = عسى الُولي يجعلك الآجر مكتوب