جدار الزمن ماذا تكتبون عليه ؟؟؟

صافح وسامح واترك القال والقيل
خلك نظيف القلب والحقد خله
وابعد عن اللي ماوراهم محاصيل
اهل المعاصي والدروب المخله

مالك و مال الهرج والقال والقيل
و فلان فيه و فيه ما غير تبلس
اليوم فيه تسب و تحط و تشيل
بالامس تمدح فيه في كل مجلس

عيش مابين التجبر والرضوخ
وخلك ابعد شخص عن كلمة افا
وقفت النخله تعلمك الشموخ
ووقفت الطيب تعلمك الوفا

البخل بصمة عرف في وجه راعيه
والجود يبقى صاحبه رافع الراس
مات البخيل وضاع مال ن تعب فيه
ومات الكريم وعاش ذكره مع الناس

إنسان عادي بس نفسي عزيزه
ما ذلها لو كنت ميت من الجوع
في الشهامه والشجاعه غريزه
احب طبع الخير و الشر ممنوع

لا تترك اللي خوته تجلب الطيب
أحرص على قربه لو الفقر غطاه
واحذر من اللي خوته تجلب العيب
لوكثر ماله و اعتلى سور مبناه

لاتحسب الأرزاق تاتي بحيله
لاجات بالحيله غدت مثل ماجات
ومن لا يقدر جيتك لا تجي له
واخذ الحذر من بايق العهد بالذات

خلك مثل نجم السماء مرتفع فوق
اليا بغتك الناس ترفع نظرها
ارفع مقام النفس عن كل مخلوق
من لاكسب روؤس المعالي خسرها

صحيح غالي بس كابرت وياي
مفروض عالجنا الخطا واتعضنا
عزمت لفراقك وعزمت فرقاي
ومن سبة عنادك خسرنا بعضنا

لا يغرك رفيقك لو بوجهك ضحك
ما يبين الرفيق إلابوقت اللزوم
الجمايل تبين والمواقف محك
من ردي العزوم ومن قوي العزوم