ديوان الشاعر / منصور الرويلي

.

.

.

.

الاهداء للشاعر منصور الرويلي

:

منصور للجزله مسافات وابعاد = قايد شعر والقاف يتبع لسربك

رويل تفخر بك على كل الاشهاد = وعيال وايــــل كلها تفتخر بك

تمزج من الواقع مسيرات الاجداد = وتطوّع الحرف الحقيقي لدربك

.
شعر / عبدالله رجاء العنزي

.

.

.
.

عد ما المؤمن تضرع في ركوعه والسجود = للكريم اللي هدى الانسان للخير ودعاه
عد ما كف السخا من جود معطيها تجود = عد ما هذا الوطن بالخير تمطرنا سماه
السلام يساق وصدور الوفا نفحات عود = يامساء الخير ومساء التتويج والمجد ونداه
بارك الله بالمساعي وبارك الله بالجهود = وبارك الله في وجيه العز والحفل ومساه
كل عزن للوطن بعد خلاّق الوجود = في رجالن مانحنت غير في وقت الصلاه
الوطن في قمة المجد وأنتم يالاسود = سيفه اللي يحتمي كل شبرٍ من ثراه
للوطن برقابنا حق ومواثيق وعهود = والله أنّا بالشدايد ياهل العوجى فداه
دام (أبو متعب) على عرشه الشامخ يسود = رفرفي يارأية العز في عالي فضاه
في يمينه صارمٍ ماعرف غير الصمود = سيدي (سلمان) سور الوطن حامي أحماه
يا الله أنك تحمي الدار من كيد الحسود = في وجود (أخوان نوره) أمطوّعة العصاه
كل رجلن يقرأ الاحداث بأطراف الحدود = يأخذ العبره ولا يحتاج تنبيه ووصاه !
الربيع أطماع حساد وسياسة يهود ؟ = ضيّع الله كل شعبٍ هدم مجدن بناه
يا الله أنك تنصر الحق وتفك القيود = عن شعوبٍ ذاقت الضيم من رؤس الطغاه
يا رجالن دون هيبة كرمتها تذود = عزكم بأيمانكم والولاء معنى الحياه

.
.

صح لسسسسسسسسسسسسسسانك


مللللللللللليووووووووووووووون

.

دار فكري وأعتلى سرج الاصيله = مهرتن تليت بيديني رسنها
لاصهلت بالمعركه بنت الكحيله = من صهيل الخيل معروفٍ لحنها
مهرتي لا دكت الميدان خيله = طبت الجمع الغفير ولا شحنها
مهرتي تشريفها مارضى بديله = مالها الا الفارس اللي ذاد عنها
فارسٍ لامن قبس نار الفتيله = ماحترى عفو الصدور ولا هدنها
له حضور وله مقام وله قبيله = والمراجل من صغر سنه ضمنها
لارتكى للمعضله لوهي ثقيله = شالها والمتن مايهتز منها
الجزيله بالمواقف تستويله =ياصدورٍ طيبه الفايت غبنها
عاش من عينه على راس الطويله = والرديه لاسقى ربي وطنها
شمت عنها يوم عشاق الهزيله = بالهزيله طشها أبليس وفتنها
ماحسبت حساب يالرؤس الذليله = والاخوه دم وجهي ماطعنها
مايخون الزاد من نفسه نبيله = والجذور الفاسده يظهر عفنها
ليه نشره والردى اصلاً فصيله = عرقها ضخ الردى دم ورهنها
الردي يبقى ردي مافيه حيله = وكل نفسٍ مالها غير أمعّدنها
أن وقفت أخيل براق المخيله = امطرت لي والذخيره بمخزنها
وأن جلست أروم حد المستحيله = ونظرتي سبع الكواكب تحتظنها
عاش راسي للتسامح والفضيله = وأبتعد عن زمرة الغدر ووثنها
بالامانه عيت النفس الاصيله = وأحتميها لو غدى روحي ثمنها
إجمعو خيل الاماني كل ليله = والكرامه لحفوها في كفنها
ماجمعكم طيب .. تجمعكم فشيله = ياوجيهٍ دمها البارد دفنها
مايبرر غاية النذل الوسيله = خانه المبدى لو الكلمه وزنها
وأن بغيتوا زبدة الهرج ودليله = مهرة الخيال بيديني رسنها

.
.
.
.

:

.

طاب السكوت وجرح الايام ماطاب = وعانيت من جور الليال ونكدها
حزني كبير ونبض الاحساس منصاب=من صدمةٍ هزت ضلوعي رعدها
جرح المشاعر دمعةٍ وسط الاهداب = حبستها والعين طوّل سهدها
الحزن ماقدّر مشاريه وعتاب = لاحل في روحٍ تحطمّ عمدها
أبعد بجرحي عن سواليف مغتاب= اللي بعينه كل زله رصدها
أخيل برق الحزن في راس مرقاب = وأخذ نفس والروح بآخر جهدها
على كثر ماذكر من الناس غيّاب = طعم الاسى بغيابها إمر وأدها
الوقت في كل المواعيد كذاب = الا الطعون اللي تجي في وعدها
مامر صدري للفرح صوت ترحاب = ماتت وكفنت الفرح في لحدها
بين الجروح وغربة أحساس مرتاب= غيابها يرثي حضوري بعدها
ملامحي تحكي تفاصيل الاسباب = لازلت أعيش أحساس طفلٍ فقدها
صديت وأحزاني نياشين وأحراب = ونار المواجع كيف أطفّي وقدها
وقفت أعيد أيام في صفحة كتاب = صرخات روحٍ غاب عنها سندها
(أمي) بدعوتها مفاتيح وحجاب = عن كيد كل المغرضين وحسدها
أخت الوفا عزوة عريبين الانساب = يفدى قدمها من تجاهل عهدها
اللي رضاها غيث وأنفاسها أطياب = راحت وأنا روحي على كف يدها
غابت وشفت الوقت كشّر بالانياب = وجيوش همه وسط صدري حشدها
ضاق الفضاء والصبر بصدور الاقراب = طاح القناع وجرح نفسي لهدها
في ليلةٍ نامت بها عيون الاصحاب = يافجرها لا تصّحي اللي رقدها
أنا الغريب ورحلتي كلها أتعاب = لكن مسافة خطوتي من نشدها
عن صبري اللي فوق صدر الشقا ذاب = عن جرحي اللي بغربتي ماجحدها
كم كلمةٍ تحتاج ترتيب وأعراب = تركتها في زاوية مستندها
لن التجارب علمتني وأنا شاب = ماكل من يزرع فضيله حصدها
أنا رفعت الراس يوم الردي خاب=ورحلت عن شوف العفون وبلدها
وأنا عزاي بموقف الضيق ماهاب = نفسي تشوم ودعوة أمي سعدها
(أمي) عسى يكتب لها رب الارباب= أعظم من أجنان الحياة ورغدها
من رحمتك يارب تفتح لها أبواب = في جنةٍ يسقي ثمرها شهدها
يامن تضرع لك رجا كل طلاب = وناجاك خوف بكل سجده سجدها
أغفر لها ياغافرٍ ذنب من تاب = ياسامعٍ بالغيب دعوة ولدها

.
.

.

.

الشعر له معنى ويبنى على ساس=وشـعـرً فـقـد مـعــنـاه تـبـت يـديـنـه
مايطرب السامع ولا يرفع الراس = الشعـر . فـن . وذوق . ياعارفينه
نقشً على صم الصخر روح وأحساس=يطرب له العاشق ويجـذب حنينـه
واللي جهل عقد الجواهر والالماس=أخطت عقود الماس راحة يمينه
اليا كتب له بيت يبلش ويحتاس = ويضيع في زحمة دروب المدينه
للشعر معنـى مـاتحـدده الاقـواس=نـارً علـى راس العلـم موقدينه
يحفظ بقلب اللي يوده من الناس= ويبقى على مر الزمـن ناقلينـه
أن كان ماجبت المعاني بمقياس؟=لو تزهمه بالصوت ماقال وينه
وإنكان بعض الشعر يكتب بقرطـاس=بعض البشر شعره بطلة جبينه
الشعر له في مجلس العز نبراس=ومن أسسه ربي يجّمل سنينه
الشعر دار اللي لهم قلب حّساس=البـيـت وافــي والمعـانـي ثميـنـه
مـديـنـة ٍ مـاحـوطـوهـا بـحــــّراس=بقلوبـنـا للشـعـر اكبر مـديـنـه
مايقرب حدود البحر غير غطاس=اللي بصيد اللؤل جاب السمينه
البحر هاج وللخطر دقت أجراس=ولا هاجت أمواجه تِغرّق السفينه

.
.

مايوفي المرحـــوم جزل القصايد = ومكانته ماترجـــمـتـها قصيده

رمز السياسه ينحسب بالف قايد = وليدتن وابـــــوه قبله ولـيـده

تبكي على مـــوته جموع وبدايد = كلن من الفرقى حياته زهيده

في صفحــــــة التاريخ للمجد رايد = تعلموا منه الخصال الحمــيده

حكيم رأي وله فعـــــــــول وعوايد = ومواقفه محدن حصاها عديده

ملاذ شعبه في نهــار الشدايد = هو ذخرهم وقت الامور الشديده

له هيبة الضرغام والفـــــعل كايد = وله نظرةٍ عند الصعايب بـعـيـده

فعله مجرب مايبي له نشايد

= صادق شعوره بين روح وعقيده

المـوت حق وحكم الاقــدار سايد = فــقــيــدتـن ياكبرها من فقيده

نطلب له المعبود يوم الوعـــايد = سبحانه اللي يرتجـــــــــونه عبيده

الله يجيره من لهيب الوقـــايد = ويجـعـل مـقـره بالجـنـان الـسـعـيـده

.

.......

...................

مرحـوم يـارمـز الفـخـر والسيـاسـه
فقيدنـا اللـي نكـسـوا لجـلـه أعــلام
كـان الزعـامـه بـيـن فـكـر وفـــراسـه
الفيصلي عند المــــــــهمات ضرغـام
أصلاً وفـــــــــاته تـعـتبـر .. أنتكاسـه ؟
الله يـعـوض قـبــلـنـا ديـــن الإســـلام
يهــــــــــــز راس الموت ماهـز راسـه
أرخص حـيــــــاته للوطن نسل الاكرام
من هيبة الحكــمـــــــة على قو باسه
له سطــــــــــوةٍ تخضع لها كل الاقزام
الدين والاخــــــــلاص يشعـل حماسـه
على الفخر بين الفـــــــراسه والاحلام
البيت لامن طال من طـــــــيب ساسه
ومن بعد موته كـلـنـا دمــعـــة أيـــتــام
نطلب له المولى زعـــيـــــم السياسه
يـغـفـر اذنـوبـــــــــه عد من صلى وصام