ديوان الشاعر / منصور الرويلي

.

.

يانور عتمة سمايه نورّي جوي = خدك ينـوّر عـلــّيه ليلي الداجي

.

الهم بين الحنايا العوج متلوي = والجرح ينزف الم شحيت بعلاجي

.

صبري سلاحي وأنا مازلت متقوي =أقوى على الصبر ماتقوى على أسياجي

.

كنت أول أقول بسـّوي ولا أسوي = وأجمع أوراق السنين بداخل أدراجي

.

توي نويتك بقلبي يالغضي توي = عزمّـت أنزلك وأرقى برجك العاجي

.

بسكن عروشك واعانق طاير الجوي = واطلع معه غيمتك وأنزل على أبراجي

.

بجيك ضامي وأبنهج منك متروي = بشفي خفوقي وأبطلق عقدة حجاجي

.

أسقي ورودك غلاي وينهمر نوي = على جفاف الفياض ودعوة الراجي

.

غيثً تبشر رعوده صحصح الدّوي = سحبه ترزم وبرقه يلعج العاجي

.

الى متى في عذاب الصد متلوّي = طولت صدك وانا للوصل محتاجي

.

ماني ضعيف آتحـّمـل بس من قوي = ومدامي أقوى ترى لك علمً مفاجي

.

.

تحت الاضواء مع الشاعر
(( منصور الرويلي ))
.
http://www.hwazn.com/vb/showthread.php?t=45409

.

أمـي فـخـرهـا مــرده ساسها العالي = جدي أبوها وأبوي أطيب قرايبها
اليا أنتخى بأسمها ياصاحبي خالي= شابت عـيون المصايب من مصايبها
لا ضاقت فجوج الـدهـر والليالي = حـرن جدوده ماغير الطيب عايبها
فقـيـدنا اللي بقـبره وكنه أقبالي = له هقـوةٍ بي عـسى الله مايخيبها
علمي به يقول بـعـدي أنـت أبـو عـيالي = علمك يجيني لو أني في ترايبها
مـيـقـن بأنـك رُجـل لا مايــورالي = منك المنايا تهاب ولا أنت هايبها
والله (ياسلطان) لـولا اللي على بالي = لا أطا على الموت وأعانق صعايبها
مير البلا يالسنافي ماني لحالي = سبع الوصايا بصدري قبر غايبها
بكره أذا الموت فال الله ولا فالي= من يقنع عيون ماشافت حبايبها
أصدق من أعـداي سـود أوجـيـّه عـذالي = أن قلت ماخـطـيتها ماقـلـت صايبها
ياجرحي اللي لقيتك تسرج أظلالي = فعايل أعداي ورتني غرايبها
لقيت دربي طويل وطال ترحالي = واللي حصل في حياتي من سبايبها
أمشي ورمشي بدمع الهم يبرالي = حتى غدا نزف شعري من ضرايبها
شيبّـت قلبي وعقلي شيـّب أهـبالي = والروح تنزف وفا في كف صايبها
وياويل حالي علّي .. وياشقا حالي؟ = لا صار أصغر جروحي كبر شايبها

.
.
.
.

بقايا رغبة العاشق تموت وتنتعش روحه = الى من ميت أحساسك قتل روح الغلا فيها
مثل قصة حياة أنسان سجين وتنزف جروحه = يشوف الكون بعيون ورجله قيد يطويها

الاهداء الى اسطورة الشمال

الشاعر المجيد

منصور بن نايف الرويلي

رويل

.



يقول ابو الرواد هو شاعر ٍمجيد
يتعب على معنى الشعر قّيم ٍ مفيد

يطرق بحور الشعر ويخضّع الورق
وان لعّب القيفان يكتب لما يريد

يصبها صب الذهب في قصيدته
عشان تملا راس من يفهم القصيد

من فضل ربي ما احب المبالغه
لكن ركابي في مناخ الشعر تزيد

انا غزيت الشعر في عقر دارهم
ورقيت من روس القوافي جبل وحيد

وسمّت شعري بوسم يصعب تخيّله
ورقيّت نفسي من مقدم إلى عميد

وان جيت للميدان اكسب نهايته
وان جيت يهل الكون انا دايما ً ضديد

من قصة العرنوس أشبع مسلتي
أفرس بهالمخلاب لا من نويت اصيد

لي الفخر لا جيت امدح جماعتي
ارويل اهل الرمح ومزبرط الحديد

ارويل اهل الطيب والجود والندى
ارويل اهل الشور يعطونك السديد

ارويل اهل الحرب حرّابة العدا
شيّالة الحمل المثقّل لو انه عتيد

لا شرقوا كل القبايل تهابهم
ولا شملوا هم يحصدون الرقاب حصيد

مركاضهم يشبع به الذيب والنسر
ومنزالهم يقري من الجوع ما يكيد

اللآبه اللي فوق الامهار ركبهم
ذباحة الشيخان عتاقة العبيد

قصيرهم يلقى المعزه وجارهم
يامن على الشوفات من غرة البعيد

ارويل يامن تنشد الناس عنهم
حلوين مرين ٍ عن الحق ما تحيد

كل الروله مثل الحصون المسوره
مناير ٍ منابر ٍ ما بهم جحيد

العليا اليا جيت تحضن جنابهم
امجادهم تبقى وتاريخهم تليد

اللي لهم قامات وتناطح العلا
يوم القبايل صيتها غاديا ً هميد

حماية المركب وخضابة القنا
إمطيرين الرووووس بمصقّل ٍ شديد

اللي لهم تاريخ بيّن مع الورى
حرايبا ً تطحن وكم طيّحت عقيد

ارويل اهل الخيل والهيل والشحم
ومكارم ٍ عجلا والصحون ما تميد

محماسهم يصلى على صالي الجمر
وماو ٍ يجظّور كل وقت ٍ وله رجيد

وصفر الدلال امسوطرات ٍ على الغضا
مجالس اهل الكيف للطيبين رصيد

مدام هالعليا بهم يُضرب المثل
ركب عنزه يرقى على الشاهق المديد

وما دام وايل حي يبشر بهقوته
فنجال دم ٍ نشربه والزمن يعيد









.

للشاعر عناد الرواد الرويلي

.

للشاعر / فهد المجلاد

.

يالشاعر اللي نلت درع التميز= تستاهله يامدرسة شعر الابداع
انشـــهد انك ماخذيته تحيــز=الشعر لك يخضع ويركع وينصاع
(منصور) والله من عرفتك مميز=كثير بالساحه يشوفك ويرتاع
رسمت لحروفك على كل حيز=وسقت الجمال أصناف وأشكال وأنواع

.

.

يعلم الله يابيض الوجه ماعندي جديد = غير ذكرك لا نسيتك على بالي طرا
وأنت مانت الشيخ زايد ولانته بالوليد = بس تسوى في عيوني مشايخ وومرا

.
.

من نسى في زحمـة الدنيـا صديقـه=قـلـت لــه عـنـدي صـديـقٍ مانسـانـي
لــو يـطـول الـوقـت ويـطــوّل طـريـقـه=أدري أنــه لــو يـطـول البـعـد جـانــي
بيـنـي وبيـنـه عـلـى العـشـره وثـيـقـه=أن بــديــتـــه بــالـــوفـــا والا بــــدانــــي
صـرت عنـده بالغـلا حسبـة شقيـقـه=وهو بعد غالي ومن حسبة أخواني

.

يارب جنبني عن الظلم والجور = أنا دخيلك عن حياة الغبينه