ذكرى وأشتياق \ديوان ابراهيم حرير العنزي

سيارتي خربت وأعرف أشبلاها = عدادها نـــازل عــن الصفربشــوي
خلص بها البترول ماهــو بمــاها = تشرب ولاعبـت أغـــربن ولاأروي
الصوت مزعج والدخن من قفاها = دخانها مثـل الحطب شبـــه ضـــــي
اتنـثره ما تحترم لقصـــــراها = قطى على مـن خلفها صار بالفـــــي
وترى الصراحه السبب من قناها =سارح مع الاموات لوكان هوحـــــي
ليا ركبها صار زايد غــــــــلاها =وليا مشــى قــــــام أيتعوذها ولـــــي
راح أيتعلل وبالمجالس نســــاها = لوكان تمشي مشيــــــها دايــم أردي
ولاوقفت زاد العنـــى من عناها = يمشي مع الشارع ويطوي الحجرطي
ومن أسترخص حاجته لاشراها = يدفع كثـــــر ماجابها ولادفــع شــي

يالي تذم الشعر

يالتذم الشعر افهم لمعناه = الشعر سجل له مكانه وعنوان
سجل حوادث صايرات وخلاه = حفر لها ببيوت الاشعار برهان
بين سوالف لذكرنا لطرياه = يعيد ماضيها على طول الازمان
الحق مهما حاول الشخص ماخفاه = راح ايتنقل بالقوافي والالحان
بين القبايل فعل الابطال طرياه = صار يتردد كل علم لهم زان
افعال رجال بينت به مزاياه = لو هو فقير صار له عندها شان
واللي يبي وصل الحبيب واغلاه = ومشتاق يسمع كلمة عنه يافلان
يكتب عن اشواقه بالاشعار واهداه = فيها المشاعر ماتقدر بالاثمان
عن شوف خله بيت بالحب سلاه = يوصف مزايا ناعم العود نعسان
خيالها بالقلب ماعاد ينساه = مرسوم قدامة يشوفه بالا عيان
وليا بغى فارس لفارس املاقاه = ارسل قصيدة بالتحدي وزعلان
بين المعارك يحتمل كل ماجاه = ويصد ضربات العدى عند ميدان
ميدان فيه السيف بالدم ارواه = يغير مثل الذيب لاخز قطعان
سجل بطولات وهو قاهر اعداه = ومفلا حلانه دوم امن ومنصان
وعن حب ارضه قال بالشعر غناه = يرفع بعالي الصوت بالدار طربان
وطن ربى في ظله وشرب من ماه= يعيش مخلص له من القلب والسان
ولياقرب حده عدو وتوطاه = يرمي عدوه بالحمم تقل بركان
يبي الامان بجاله ودوم ابحماه = وحب الوطن واجب علية من الايمان
ومن يفقد الغالي تحمل لبلواه = فرقى الحبايب مايفارق للذهان
من راح مايرجع وشي عرفناه = هذا الزمن بماضي الوقت خوان
ياما خذت منها الرجال المسماه = تاريخها بالمجد والعز عمران
اجيال راحت والعظم راح وافناه = تراب الارض انتهت مسيرة للانسان
كان الفرح فيها يداوي الماساه = لاجاه مولود تفائل وفرحان
يلعب معه و بغالي الروح يفداه = البيت زان لالعب فيه ورعان
وليانجحوا عم الفرح كامل اعضاه = وحين ارتبط مع زوجته كان رضيان
من عاش مسرور ترى المال ماغناه = بس القناعة مابغى الزود طمعان
والشعر به حكمة للاجيال تقراه = ناخذ بها عبرة على مر الازمان
به الفرح به الحزن والمعاناه = تقوم بالاشعارابيوت واركان
قصة ومن شافها ماتعداه = يشوف صورتها على الشعرتنبان
ناخذ بها درس عسانا استفدناه = وهذي الحياة دروس والجاهل ايهان

قصتي مع البته (لعب الورق )

خليت انا البته وريحت بالــــــــــــــي = بغيت اعسف النفس واترك هواها
نسيت ربعي الاهل والعيالــــــــــــي = وحقوقهم متقعسن في عطــــــــاها
لاعب نهار وساهر بالليالــــــــــــــي = مع شلة عـــــــــــــدو عينك معاها
من كثر ماتلعب تصاب ابعضالـــــي = وريئتك دخان الزقـــــــــاير ملاها
ماتسمع الا اللغو في صوت عالــــي = شــــــــلة جهل مدني مستــــــواها
مافرقوا بين الحـرام وحلالـــــــــي = فـــي شد خلق الله تسارع اخطاها
ولازانت الهرجه يا همملالـــــــــــي = ابطال في الصحراء اتقاتل اعداها
حسبتهم من صاحبين المعالــــــــــي = واثــري النفوس امئيس من اشفاها
صدقتهم واصدقتهم من اهبالــــــــي = ولاسجلوني مع فريــــــق اصدقاها
صاحبهم اللي يدفع الضعف مالــــي = دلو المصالح جــــودوا في ارشاها
ولاصادفت من ضيم بقعى ليالـــــي = ابحث عليها غايـــــــــــــبه ماالقاها
يارب ارحمني والطف بحالـــــــــي = والنفس الهمها وزد في تقـــاهــــــا
وصلاة ربي عد نجم ايلالــــــــــــي = على الرسول اللي الامــــــة هداها

قصتي مع البته (لعب الورق )

خليت انا البته وكثر التعالــــــــــــــــيل = بغيت اخفف من كثر الخطايـــــــة
لاهي عن التسبيح بالقال والقيـــــــــــل = كثرة اذنوبي وضيعتني ا خطايــــة
زادت اذنوبي وصرت للحمل ماشــيل = ذنبي وصل حده وزايد بلايـــــــــة
اصبحت ان مدمن على غير تحلــــيل = صعب اعلاجي مالقيت الــــــدواية
صارت اتصور لي بالاحلام بالليــــل = العب ودايم خاســـــــــــــر بالنهايـة
ا ن جيت اصنف حالتي يارجاجــــيل = احترت انا من أي البشر والبـــراية
ان قلت انا عالم فانا جاهل حيــــــــل = ماخذ ادروسي عن طريق الهــواية
ان قلت انا جيد لابالله ارفيـــــــــــــل = وان قلت ان صاحي وقعت ابغبايـة
وان قلت انا ذيب للمور حلحيــــــــل = بلشت ان في عيشتي وفي عشايـــة
وان قلت انا عادل عن الدرب ماميل = اكثر اوقاتي ماشي في عمايـــــــــة
وان قلت انا دين اسبح وتهليـــــــــل = احفظ قصيد وماتذكر بايـــــــــــــــة
قالوا امطوع بس هوايه وتمثيـــــــل = والله واعلم في خفي النـوايــــــــــــة
الملتزم لازم ايجنب عن السيــــــــل = يرفع اثيابه مقتنع مـــــــــــو دعاية
واستغفر الله عن ذنوب مظاليـــــــل = من فوق راسي زودت من شقايــــة
انت الغفور ورازق النمل والفـــــيل = نسالك حسن الخاتمة بالنهايـــــــــة

قصتي مع البته ( لعب الورق )3
الشدة اللي

الشدة اللي علقتني ابهــــــــــــــــواها = تمكنت مني وشدت اعقــــــدها
لفتني في حنانها مع ضناهــــــــــــــا = وجرتني في امهادها مع ولـدها
اصبحت اعيش بجوها وبسمـــــــاها = اسرح وامرح ملتزم في بلـــدها
احفظ مودتها ومنسى غـــلاهـــــــــا = وبنفسي كنت اظنها مابعــــــدها
ولاكنت افكر في عواقب بلاهـــــــا =اثري اعيوني زايد في رمــــدها
الشوكة اللي ماكسب من وطاهــــــا = عقب السعادة جاب نفسه لهـــدها
دور عليها ومن خلاله شراهـــــــــا = ورط لحـاله وفي يدينه قــــردها
وليــالقـــاله شــــــدة ماعدهــــــــا = قدام عينه بس تومـي ابيـــــــدها
ياحالي اللي مالقيت الــــــــــــدواها = وصار الجميع ابنظـرته ينتــقدها
لازم اخليها ومااركض وراهـــــــا = عز الله اني صـادق ومعتـــــمدها
اني لعسف النفس واترك هواهـــــا = وبعض المجالس انتحي وابتعدها
الحكمة اللي واضحة بمعناهـــــــــا = ترى الفتى لاعز نفسه يجــدهـــا

لكل عشرة نهايه

خليتها تاريخ خمسه وعـــــــــــشرين = وماعاد العب لاتحاول معــــــــايه
الشده اللي عذبتني من سنيـــــــــــــن = مـــــــــــرافقتني دوم تمشي ورايه
ان قلت حنا اليوم لازم مقيمــــــــــين = قـــــــــامت تبث اعلومها والدعايه
قالت ترى ربعك هم اللي معيـــــــين = عــن اللعب وحضوركم صار غايه
لكنت خالي جتك الافكار من ويـــــن = فــــــــــــيها النكد والهم بين الحنايه
استبدله في مجلس طيب زيــــــــــن = تــــــلقى السوالف والشعر والهوايه
لعب وتحدي بين ناس عنيديـــــــــن = والــــــــفوز صاير غايتي هو منايه
الوقت راح وماانتبهنا ولاهيـــــــــن = انـــــه مضى من اعمارنا من البدايه
نلعب ونسهر مادرينا الخطا ويـــــن = ولافـــــــــــــــيه واحد قال يلا كفايه
جاك الندم لاقمت واتواصل اللحيـن = وانــــــــــت بطريقك بين كل البلايه
الم ضمير وحزن والخاطر الشيـــن = ضيعــــت نفسك ماحفضت الوصايه
يالله يدعوك العبيد المسيكيـــــــــــن = انك تســــــــــــامحني وتغفر خطايه
انا اعترف بالذنب لاشك مخــــطين = يارب ارشدنا لــــــــــــطريق الهدايه
وخلاص اني تبت ماعاد تغريــــــن = وترى فراقك عيد لاح بـــــــــــسمايه
تفرقت ادروبنا وصارت اثنيــــــــن = ودعتها والكل عشره نهايـــــــــــــــه

هذه القصيدة اهديتها الى الاستاذ عبدالرحمن الغامدي عندما كان مدرسا في البحرين واهتم بالعيال اهتمام خاص لانهم من قبيلة عنزة بدون معرفة شخصية وقال انا سفيرهم في البحرين

للسفير الغامدي

للسفير الغامدي نـرفع تحيـة= كلها تقديـر وأنحمـل معاهـا
الخزامى والنفـل منـا هديـة= وريحة النعناع والزعتر هواها
للمعلم يـوم شالتـه الحميـة= عند ربعة ناض بالرجل وثناها
ربعنا الويلان ونعـم السميـة=تبعد العدوان ماتقرب أحماهـا
بالشجاعة ساجر ساق الشليـة=للرياض الخضر وأيورد أبماها
أحترام الجار لو سوى الخطية=مصبر للنفس لاخـر منتهاهـا
وبالكرم يعطون ماردوا عطيـة=الغبيني مايـرد اللـي عطاهـا
مصوت بالعشاء بايدن صخيـة=صوت أبن امهيد يدعوا في عشاها
العفف والستر وأعلـوم عذيـة = يوم مـر المرتعـد لاماشناهـا
وزع الحلال والقسمـة سويـة=قسم حق الضيف والباقي نساها
الحكم والشعر وأنفـوس أبيـة=قالوا الشيخات عالي مستواهـا
أبن وايل وين مايحمل هويـة=يفتخر في نجد وأيقدس ثراهـا

هذي القصيدة مهداه للدكتور بدر مناحي العنزي

لذكرلي الوايلي جيته سريـع =المشاعر تسبق وتسعي سعي
جايه عند الهدف لا ماتضيـع=جيت وشعور المحبه جت معي
محسبنا الوقت واربوعي جميع=لو ذبحنا البرد وانقص اصبعي
مرحبا مليون ياالرجل الشجيع=في ابعادك وانت بالواقع معي
جلستي بين الجماعه في ربيع=وكان جور الوقت مشى مدمعي
الرجال اللي غلاهم مايضيـع=والرجال اللي رضاهم مطمعي
لالفيت امعزب منـت ابمنيـع=تامر وتنهي الجهامه تشلعـي
والله انه شوفتك بـدر بديـع =نستمعلك ونستفيـد ونطمعـي
بطيبك المعهودوالخلق الرفيع=نبدي براي حشـى مايمنعـي

هذه القصيدة رثاء في المرحوم
فرحان خليف العنزي
( جاني خبر )

جاني الخبر وانا مع الربـع فرحـان =عكـر مـزاج النفـس جاهـا لهدهـا
ترجعني الذكرى مع الحـزن باحـزان =واعـز عينـي كـان طـول امدهـا
قالوا توفـى شمعـة الـدار فرحـان =حكـم القـدر فجـاة علينـا خمدهـا
متعافيٍ .. صاحي .. ولاهو بمرضان= يوم انتهـت وايـام خلـص عددهـا
نعم الصديق بكل معاني والاحسـان=رحوم طيّب والمكارم حصدهـا
صبـور صابـر ويتحمـل بليهـان = يصبـر علـى مشاغلـة مازهـدهـا
من حر ماله يبـذل الخيـر رضيـان =عوايل بعسـر الدهـر هـو سندهـا
نصوح ينصـح مستشيـرة وفهمـان =جماعتـه والكـل مـاقـط حسـدهـا
مارد من جاله على السمـع شرهـان =يجيـه بالحاجـة ولــو ماوجـدهـا
وليا نخيتـه قـال حاضـر مـن الان =ماياسلـك لوهـو تـاخـر سـددهـا
نرفعله الراية علـى الطيـب عرفـان =هـذي اقـوال اللـي بعينـه شهدهـا
مرحوم (ابو عادل) عسى الخير لك بان =تكشـف لـك الجنـة بداخـل لحدهـا
جنة بها مـن كـل الاثمـار بستـان =برحمـة المولـى لروحـك غمدهـا
وصلاة ربـي عـد ماكبـر انسـان =على النبـي اعـداد بـرق ورعدهـا

ياثلج ماعندك و لو ذرة أشعور = أصبر تصبر وأحتمل للحرارة
الصلب متحول مهشم ومكسور = أمر مسبق صادر من الادارة
واللي تحول بالامر صار مجبور = لوه عسل يشعر بحلقه مرارة
والظلم للانسان من صار مقهور = واذا نصحته ماتقبل أشارة
الصدق قوله بالعرب ليه محظور = والعدل شادوبه قديم أمارة
الزر بأزار الحقيقة غدى زور = والكذب فوز وبالذكى له شطارة
واللي أيقرب للسراحةوراء السور= قال السراحة دون يبدي مهارة
خارج أمخرج ماتخرج أبطابور = ماشاف خير وحاربته السفارة
والحق نور ومن يراء النور بالنور= قبلن ظلام الليل يرخي أستارة
الحق واضح مايبي أي دستور= منذ القديم ماجا بعصرالحضارة

حبيبي كيف اخونك وانا في اخر المشوار=و أنت الحبيب اللي مرافق كل مشاويري
حبيبي انت قدري وماقدرت أختا ر = أنا من عرفتك صار تغير كل تفكيري
لقيت الصورة اللي بقت في خاطري تذكار= تقيد كل فضاء عمري وفيها أيصير تحريري
اتردد في قراراتي وأخذ موقفي باصرار= اروض كامل افكار واقول الشاردة طيري
ادورلي على ديرة وأدور في ثراها دار = أشلع في زمن ماضي وأغير كل مساميري
اودع ماضي قفى وأنا اللي في مزارة زار = أنا مشتاق لعبونك وهاك اليوم تبريري
أبي أيام كنا يوم نلعب بالبراري أصغار = وابي احس في لذ طعامي بدون تحضيري
وأبي أشوف الامان بدون أمفاجئة وأنذار = ولاافكر في بالدنيا وأخلص كل طباشيري
ولاتخلص تخاطيط الحياة ولاافتهم وش صار= تعالي أ نكمل الرسمة ونقول القافلة سيري

ملكني الشعر من يوم الطفولة = وأنا الحر الذي مايوم مملوك
أترجم داخل احساسي وأقولة = وأحولبه مشاعر ورد لو شوك
وأصعد فوق للمعنى وأنولة = وفتحنا باب كان الباب مصكوك
ماألبس ماتفصح من أسمولة = أحكاك القدر لو حكيت محكوك
غني التاجر ماحمل له حمولة = اذا ماأرخى لها من صافي البوك
عرفنا افعال من علم الرجولة = أحترام العود تسمع كلمة اخوك
أكرام الضيف وصابه رسولة =مع العادات بالتطبيق مشبوك
وقول الصدق نوب صعب قولة = أتقوله واثقن لو كنت مربوك
طراف الصعب بالطيب أمحلولة = وحب الخشن بالخليان مفروك
ناخذ خوة وخوت عمولة = تفاهم أو تلاحم لازم أرضوك
أنحامي الدار بربعي والحمولة = سكناها بلا ميثاق وأصكوك
بني وايل لهم مجد وبطولة = أرجال فعلهم مافيه مشكوك
رقوا هام العلى ماهي سهولة = قبيلة كم بها فرسان وأملوك

هذه القصيدة وجهتها للشاعر سلطان بن ابراهيم التميمي
(يا صدوق المخايل)

ياصدوق المخايل وش اللي تخاليه=طير شلوى يسالك وش اللي جرى
حنا ماكل الرجال ترانا نسايله = غير مثلك وحولك الطيبين اعشرى
ايبين الرجال من صافي مثايله = لوما نعرفه ولاعنه اخبرىى
مابحثنا عن اوراق له افايله= ربك يعلم الحال هو اللي يرئى
الكلام الذهب ينسب للي قايله =فيه حكمه ومعنى بشعرك قرى
يوم يسمع الصوت اللي شايله=كننا عند رضي الشمري حضرى
طيب الاصل تبينبه عنه اصايله= ابدوي ماسكن وسط الضواحي والقرى
عايش البدوان سنين مضيات طايله = نشىء من عداتهم ملمعلهم ضرى
يذبح الخرفان للضيف اومن رحايله =افعالكم باطيب كل واحد درى
عند ربعه اتمشى في روابي حايله = يكرم الضيف والعاني وايحشم اقصرى
وبامعارك تشتهر وسط العرب فعايله = دايما تلقاه قدام مايرجع ورى
والعدو وبراس سيفه يصيب ونايله =قص راسه وادفنه تحت الثرى
وهذا الايام الصوره تشين ومايله= ضاعت الخوه والعادات والساري يسرى
تشتبك بين كل العرب قبايله =مايفيد الوسم او صبغ امغرى
قد الكفار في قصته فتايله = مسحب للثوب من حدره هرى
شفنا من هذا الزمن هوايله = وكل طب السوق يبيع وشرى
بالشوارع تبترم داما محايله =-مثل مقلوت دايم يحوم ويسهرى
منت مرتاح لاسالته اوبغيت اتهايله =لاقلت النصيحه ترك وبفكرك زرى
ايحسبها حق لوهي افكاره عايله =ضاعت الطاسه ولافيها اثمرى
وهذي الدنيا نزين وتمضى زايله= ويبقا علم الطيب دايم يذكرى

وقد رد علية ( صدوق المخايل )

ياطيـر شلـوى ياكريـم الخصـايـل=يامرحبابـك يـوم هلـيـت الاشـعـار
يالكهـف قلـه لـو صـدوق المخايـل=يجـيـك لازم ماتعـنـى بـالاسـفـار
ويسمـع الفدعـان زيــن المثـايـل=سلام بـه ريـح البختـري والازهـار
سـلام مخلـوطـن بنعـنـاع حـايـل=سـلام وارسلتـه علـى كـل الاخبـار

وقال الشاعر ابراهيـم حريـر العنـزي ردنا على قصيدة صـدوق المخايـل...

أترحـب الفدعـان وأعـيـال وايــل=لا سمعـت الطـيـب لا فـاهـا وزوار
وصلـت ربعـك ياصـدوق المخـايـل=وكـل دار فدعانـي لكـم ياخـوي دار
عـادات أهلنـا والـجـدود الأوائــل =شيوخنـا صوتـوا بالعشـاء أجهـار
يا مرحبـا بـك يـا عريـب السلايـل=هل الكـرم والطيـب فرسـان الأمهـار
والنعـم واللـة لـو مـن أي القبائـل=بانت أمثالـك والحكـم قلتهـا أشعـار
تهيـت عـنـدك جمـيـع المثـايـل=هذيتهن وأحضرت من شعـرك أحضـار
تحـدرن مـن فـوق شـلال سـايـل=مثل الجواهـر والذهـب أجـود عيـار
نفخـر بهـا بيـن الأهـل والعـوايـل=ولصـار ربعـي بالمجالـس وحضـار
وليـا جزتـهـم قشـكـم والرحـايـل=وبقيت أخوك ورحت حضـرت الأسفـار
نفـرش لدربـك بالزهـر والخمـايـل=تاطـأ عليهـا بالفخـر وأنـت مـرار
نستقبلـك بالطيـب والعـود شـايـل=بخور أجـود نـوع مـن عنـد عطـار
أهـلا وسهـلا يـا صـدوق المخايـل=وكل دار فدعانـي لكـم يـا خـوي دار