ديوان الشاعر / منصور الرويلي

بدر المشاعر لا شّرق ضوح نـوره=على سماء صفحة غلايه من النور
أرسم من حروف القوافي سطـوره=وأحرق بها رغيـف حـبً بتنـور
رغيف حبً .. وأقتسمنـا حظـوره=لك ماتيسير منه ؟ ولي منه ميسور
حرفً جمع كل العصوره بعصـوره=من الفراق المـر ماهـو بمعـذور
ياصاحبي كـل الـدروب مخبـوره=وانا الخبير وصاحب العلم والشـور
الحرف كّون داخل النفـس ثـوره=وثارت غريزة عزتي قبـل لاثـور
اليوم بّيـن مـن صباحـه دبـوره=نفحات ظلمً هّملـت قلـب مقهـور
تجاهلـت كـل المعابـر عـبـوره=وعبر على سلك الاحاسيس وشعور
واخذ على صفحة سما الحـب دوره=وحدد مواقعها مـن البـر للـدور
بكا قهر من قـل لحظـة سـروره=دايم حزين وبعض الاحيان مسرور
والبدر لامنه شرّق ضـوح نـوره=تشرق سماء صفحة غلايه من النور

.
.

يالشاعر المبدع هلابك وحياك = حي القصيد وحي جرة الحونك
صوغ القوافي عادتك لا عدمناك = يشبهك شعـرك ويتلّون بلونك
.
حياك ربي .. ياعسى اللاش يفداك = ياقـــدوة اللي بالـدجى يحترونك
شفهم هنا والا أنت وسط السماء هناك = والله لا طاروا فلا ياصلـونك
.
شعـر : عادل الكويكبي
.

.

.

غنوا على صوت الفرح رقصة الموت = وشيطان شعري شاش مع لعبة الزار
ماكنها الا عرضة بحرب جالوت = لمع السيوف وهيبة المجد والثار
راس الحمياء بالسطر يبني أبيوت = ويهدم منارات العداء فوق الاشرار
يوم أقفت خيول الصناديد بالصوت = دقت أجراس المعركة والعلم نار
وقامت بيوت المجد والعز مثبوت = وهلت زغاريد الفرح بين الاخيار
يوم أقبل الضرغام فزت له بشوت = وكلن يرحب فيه والصدق مدرار
وهلت مزون الخير يوم أقبلت نوت = من زينها كل المزايين تحتار
بنت الذي ماينقض العهد بالموت = ولّي عهد المملكة واف الاشبار
بنت المها تدعي المعازيم بكروت = ولعيونها كل الوفيين حّضار
حفيدة اللي بالوفا يرتدي كوت = كوت الوفا مافيه مثله ولا صار
في ليلةٍ هيّضت ماكان مكبوت = دمعة فرح منها أنطفى واهج النار
فرحة مشاعر تجمع عقاب مع نوت = كفٍ يصافح كف بعهود وأصرار
قالوا هلا . قلنا هلا . والصدى صوت =والعود الازرق فاح بوجيه الاحرار
على الوفا والطيب بالصدر منحوت = سلم الجدود اللي تفاخر بالاذكار
أسمى التهاني كنها سحر هاروت = من صدقها تذهل عقل كل بيطار
(سلطان) عانقها بالاحساس مبهوت = حلم الخيال يعانق أجزال الاشعار
قالت (منيره) ؟ قالوا الناس ياقوت = مهرة عريب الجد هو مكرم الجار
على يمين الفارس وشوفته قوت =بشموخها هيبة طويلين الاعمار
أغلا من الالماس وأعذب من التوت = وأثقل من جبال التهامه وسنجار
ندعي لهم منجي رسوله من الحوت = يحميهم الله من صواديف الاقدار

.
.
.
.

يا أورنس . يابن مهيد . يالزير . ياعقاب=تكفـون أفيقـوا حالـة الربـع حـالـه
أبيوتكـم مـن دون عمـدان وأطـنـاب=صـارت علينـا بآخـر الوقـت عالـه
وأفعالكـم صـارت تواريـخ بكـتـاب=ترزح تحـت سطـوة شيـوخ العمالـه
أهـل البشـوت أمخيبّـت كـل طـلاّب=رمـاد نـارن عاصـف الريـح شالـه

.

.

الجُملة اللي عندنا مالها أعراب = من حطها بين الجواب وسؤاله
صرخة مشاعر هزت عقول الالباب=دوّى صداها تحت سيف العداله
مرت على كل الاسامي والالقاب = ماحركت فيهم شعور الرجاله
صوتٍ تهقوى في طويلين الاشناب = وكل الهقاوي تحتظر في خياله
صوتٍ صداه يزلزل جبال وأهضاب = مر وتعدى كن محدن دراله
والله لو نادى : لابن غانم ذياب = الا يقوم من اللحد ويعناله
حضروا وهم في واقع الامر غياب= لا بارك الله .. بالردى والنذاله
يا أورنس . يابن مهيد . يالزير . ياعقاب=تكفون أفيقوا حالة الربع حاله
أبيوتكم من دون عمدان وأطناب = صارت علينا بآخر الوقت عاله
وأفعالكم صارت تواريخ بكتاب = ترزح تحت سطوة شيوخ العماله
أهل البشوت أمخيبّت كل طلاّب= رماد نارن عاصف الريح شاله
(الشيخ) كان الوقت كشرّ بالانياب=يهون حمل الكايده لا أرتكاله
للغانمه والطيب هو عز الانساب = اللي لفعل الطيب يرخص حلاله
على الفخر والعز ماصك الابواب = فعله قبل قوله شموخ وبساله
اليا أنتخوا به بالصعيبات ماهاب = واليا أعتزى كلن يطوّح أعقاله
صدره قبل بيته مشرّع للاقراب = شيخ المراجل والوفا والشكاله
من لا وقف بالضيق مافك الانشاب= لو يفتخر بأسمه وصيته وماله
ومن لا تثيره غيرة الدم .. ماثاب = لو تستفزه مايفيدك جدآله
اللي يحسّب للخساير والاتعاب = ماجاب مجد ولا تخفّى خماله
واللي ينومس عزوته عند الاجناب = عريب ساس وشامخاتٍ أخصاله
مسّيلمه لو كان ماكان كذاب = صِدق كلامه وآمانوا بالرساله
من يفعل المعروف لو غاب ماغاب= ياحي معروفه .. وياحي فاله
وصوت الاسير اللي رمت فيه الاسباب= ساقه مليك المُلك جلا جلاله
ساقه لمن للصعب مايحسب حساب= شيخٍ زهد بالمال وأطلق أحباله
لله ؟ مايرجي مدايح ولا أعجاب = يرجي رضا اللي كل حيٍ يسأله
فزع لـ ..(سامح) وأنفتح للفرج باب=ماكنه الا وأحدن من أعياله
يافاعل المعروف .. فكاك الارقاب= فعلن ماهو فعلك ماهو جماله

.
.

ياللي طعنت بهرجتك قلب منصور=تحسبك متسّلح سيوفٍ شطيره
هرجة قفا قيلت وجتني على الفور= وصلت قبل يرسم هدفه ومسيره
طاروا بها الواشين نقالت الزور= ســّود الوجـيه أهل النفوس الحقيره
من عاش بالحيلات لابد معثور = والصدق مبدى للعقول البصيره
شلة ضياع وحاسده كل مشهور = مثل النساء مابين حقدٍ وغيره
ذولا ضعوف نفوس من ماضي عصور = ماهم كفو لأهل الوجــّيه السفيره
يلعنكِ شله مابها رجل مسطور = كلٍ تنـكـّـر بالخفا مثل غيره !
اليا حضرت الكل يصمت ومصغور = لابيات شعرٍ كالجواهر منيره
ولا جيتهم كلٍ يهّــلي ومسرور = ويبدي مشاريه الغلا والسريره
تمثيل فنانٍ قدر يتقن الدور = لجل الهدف خان بمبأدي ضميره !
بان الصباح اللي فضح كل ديجور = وأثر الخفايا كلبوها مريره
والناقص اللي قالها قاصر شبور = عزالله انه بالمواقف عثيره
لو ألتفت له طاح بيّدي مأسور = ولاّ يفكنـه يدينً قصيره !
لا سامعٍ رأيه ولا معطيٍ شور = وعند اللقاء كلاً يقرر مصيره
مايدري أن الصدق والحق من نور = وللظلم عند الله عواقب خطيره
والصاحب اللي في غيابك له حضور = يارب من سود الليالي تجيره

.
.

السلام عليكم ورحمة الله وبركاتة
أخوي العزيز الشاعر/منصور الرويلي
لقد تصفحة ديوانك فوجدته درر متناثرة لله درك يبو نايف
أطمع بقراءة المزيد ويسعدني أن أزور هذا المتصفح بأستمرار
صح لسانك مدد
دمت بود

من وين ماجـيـلك مثل كلمة التــــــوت )
( اقراك يامـنـصـــور من وين ماجــــيت

شعـــــــرك يلامس هاجس الكل ويفــــوت
ويبقا على الهاجس ويبـرع على الصــوت

.................................................. ..............

ابو نايف
شهادتي فيكـ مجروحه ونت طالع الشك
تقبل مروري
.
.
.
.
الوافي صعفق الرسلاني
بيّض الله وجهك
والله يديمك يابعـدي
دوم وافي يابن وايـل
تحياتي وتقديري
,

.\\\

تعال سولف لي عسى قلبي أفـداك=يا لّبى قلبك .. يا حـلاوة اسلوبـك
أحيـان أشوفـك وآتخيلـك والقـاك=وأقرأ الشمال بزاويه مـن جنوبـك
وأحيان أموت من الظمأ وأشتهي ماك=وتصب ماك بكـوب مـاذوق كوبـك
أسهـرك ليـل وتحتوينـي زوايـاك=وآتوه في شرقك وأضيـع بغروبـك
هنا تواسينـي وأنـا ميـت هنـاك=دوبك علـى قلـبٍ مصافيـك دوبـك
سماك رحبه بس ضاقت بي أرجاك=غيمـك تعدانـي وهبـت هبـوبـك
تشـب نـارك بالحشـاء وآتمـنـاك=وجنـون شعـري بالغـلا سلموبـك
وأنا لازلت مّسلـم الامـر لرضـاك=حتـى عيوبـك معجّبتنـي عيوبـك
جيت أرسم البسمه بضحكة محيـاك=وآهيم بك لا مالت الشمـس صوبـك
وأن حطني موجك على جال مرفاك=خذنـي بعيـد .. وكلهـم مادروبـك
قلي وش اللي أعجبك بـي وأغراك=واكتبني آخـر توبـةٍ فـي ذنوبـك
واذا أحترق صدري بصدك وجفـواك=يكفيني أشرب من عذوبـة أسلوبـك

.
.

تدري وش اللي يستثير أحزانـي=اليا ذكرتك هـم قلبـي فاقـي !!

.

يامظمّن الصوره من الشوق طاروق = حرفٍ صدح بالصوت من زود شوقه
ماهز غصنك بالغلا طاري الشوق = والشوق مالاحت بعينك بروقه
الله يلوم اللي نوى نية البوق = قلبٍ تحبه كيف تقـدر تبوقه

.

أحــس الكــون من بـعـدك متاهـات وقـهـر وأحــزان =أنا بعدك كذا عايش مابين الهم وأحزاني
تذكــرتــك . تذكــرني . تذكـرّ حبنا اللي كــان = تذكرّ كيف أغـني لك وحضورك يربك أوزاني
الا وشلون ماتذكرّ حروف من الوله وأشجان = عزف لك صادق أحساسي مشاعر نبض وجداني
عرفـتــك مرهـفٍ حـسـّـاس عطـوفٍ تكرة الحـرمــان =أجل ماهي بمعقوله تصير أسباب حرماني
وأذا ماجـابـني هـاجــــس ولا ذكــرى ولا تــحـنـان =يا أن الوقت متغــّير ؟ يا أنك واحدن ثاني

.

أيه أحبك وحبك ماتحده حدود = الغلا والموده والوفا والعفاف
ساكن الروح حبك في مقر الخلود = ماتموت المحبه دام رأسي يشاف
ياحياةٍ بقت لي دام أنا بالوجود = بأذن ربي حياتك مايجيها خلاف
أعترف لك بقلبي كل لحظه تزود = تعتلي عرش قلبي ماعليك أختلاف
ياحبيبً بحبه يستـجـيـب ويجـود = لـو غـرامـك حداني للشقا والتلاف
غايتي لو غيابك ساقني للقيود = الغلا والتلاقي صار بآخر مطاف
ليل حبك وشوقي ياحبيبي شهود = بالـقـلـوب الـمـحــبه وبالكفـوف أرتجاف
كنها مزنة المنشا ببرق ورعود = لا أستـهـلـت وهـلـت غـيـثها للجفاف
رحبت به فياض القلب وفاحت ورود = عالـيه ياسحابه من سمع بك وشاف
أغـرقـيني بـشـوقـك يلعـن أم الصدود = صـدت الغيث تقتل بالسنين العجاف
مـزنـتـي لا تــّرزم غــيـمـها بالـجـحـود = قـدرة الله قـضاها بين نـونً وكاف
أيه أحبك وحبك ماتـحــده حدود = أيه أحـبك وحـبي فـوق كل أعــتراف

.
.
كان الفرح حلم وغرام وتعاليل =كـان الزمـن جـرح وخيـالات وآفـــاق
مثلي تعال نسابق الليل وسهيل =لأوقـــات مافيــها للاعـــذار معّـــلاق
وكان الوعد شوق وقصيد وقناديل=أنـــت المعـــاني والـقوافــي والأوراق
.
غيم الهوى قدام عيني شروقه = لكن بقلبي يحترق هـم وآهات
يقوله اللي كل بارق يسوقه = يجتاح بأحساسه جميع المسافات
.
ياسيف ماتقدر على ذبحة كتاب = نزف الورق احيان اقوي من السيف
ياسيف ياقادر على قطع الارقاب = محفوظه حقوق المؤلف بلا زيف
.
أنـا تـجـاوزت الاسـامي والالـقـاب = وعـندي على كل المواقـف ثـباتي
شربت نهر أفكار شعري وانا شاب=وافنيت في صحراء القصايد حياتي
.
من قبلها كان الغلا شي معروف = ومن بعدها صار الغلا مثل الاعجاب
بنت الرجال اللي تحوف الخطر حوف = عوق الخصيم ان كشّرت نوف بالناب
وبنت الحموله لا سكنت داخل الجوف = وش جاب نوف لباقي الخلق وش جاب
.
أنتي لي المعنى وقمة حضوره = مثل المطر والغيم والعشب والدوح
أنتي لي الواقع وفوضى غروره = وآمال ماينبت لها العذر مسموح
عزاي في ذكرى المفارق سطوره = اللي ظمنها الجرح والدمع والنوح
لاجيت أفتش عن بقايا شعوره = يهل من عيني له الدمع مفضوح
وأن جيت أدوّر بالحنايا كسوره = يجض ساقي وأرتمي حيل مطروح
درب المحبه لو تحطّم جسوره = يبقى الغلا والود والشوق والبوح
لو صورة الغالي؟ مثل كل صوره = كان أحتفي به وأبتهج وين ماروح
.
.