مقتطفات من الماضي من عيون الشعر

قصيده معروفه الشيخ

محمد بن مهلهل بن شعلان من شيوخ الروله ؛ والمناسبة هي :
انه عندما ذبح احد رجال قبيلته وجلا مع شمر واخذ فترة وهو جلوي وبعد ذلك اصلحوا جماعته قالته ( مشكلته ) وساقوا المدا ( الديه ) لاهل المقتول ولما خلص من المشكله رجع لديرته ولعشيرته ووافق هوشه ( مشاجره ) على الماء وجاء يريد ان يصلح بينهم قابله رجل من دون المعركة وقال تراني بالله ثم بك ( اي التجا به ) وجاءه ناس يطردونه وقال وجهي ولا امتنعوا عن دخيله وارت المشكله عليه( قتل شخص ) واعطوه المهربات وهن ايام معدودة يروح معه حماية الى ان يصل القبيلة التي يريد ان يلتجئ عندهم وقال هذه القصيدة

يالله ياللي كل درب تقصه =عقد البلش غير انت ماحد يحله
تاسف لمن مثلي زمانه يهصه = عليه من قرب الجماعه حمله
الله من قلب همومه تمسه = مسه احبال مهاوزات الاضله
وطس السبيل من اصفر التتن طسه = الشاوري يجلى عن الكبد عله
من كيس قرم دائم مايدسه = تلقاه مقروط على جال دله
ثنيت دون اللي قبيله ينسه =وسيفي لمن يبغي دخيلي نسه
ياصار ماحقك بسيفك تقصه = بربع يعدون المخالف محله
اصبر وعند الله فرج كل غصه = عسى الولي عقب التلولس يحله
البوم يفرس والفهد صار بسه =وتبدلت دنياك يافاطن له
واباقبيس ارع الظوامي تمصه =والمزن عطشان الوطى مايبله
ولي عجوزٍ كل بيت تعسه = يضفى على كل المخاليق ظله
ولو عندنا من غيب الايام رسه = الآدمي مصلوح نفسه يدله

رد عليه راعي الطوير
الشيخ قضيب بن درويش بن سلامه بن رمال الشمري الملقب ب راعي الطوير

ياراكب اللي كثر الادلاج مسّه =تشدى ظليم هاوز العصر ظله
لابن مهلهل يافتى الجود نصه = تدعيك ضو النار في مجلس له
انصح رفيقك وانصحه ثم وصه = اربع معاني يافتى الجود قله
الاوله حكي العرب لا تقصه = حكي العرب يجمع على الكبد عله
والثانية الشر بالك تعسه = ياجنبك شر المخاليق خله
الثالثه من جنب الحق طسه = يما السنع عقب التعجرف يدله
والرابعه من جاك يندح بحسه = يهوش كنه باشة في محله
دع بالك المحشي على الملح رصه =ياما فوت الملح في مضن كله
وان ثارت المثلوث وان جال حسه = ينجال عن قلبك صدى كل علّه