ديوان الشاعر/عويد كسار (بحر القصيد)

هذي ثلاث ايام راحت يازايد والشعر لامن غبت يفقد عضيده وانا فقدتك ياوسيع البنايد وصفحاتنا واقلامنا والقصيده ياذيب ياللي فوق رجم القصايد في ذمتي ماجبت فكره جديده . . . الى اخوي الغالي الشاعر زايد الدغماني ... لوكنت تدري وش معاني حضورك قبل اعتذارك يطلبونك بنيخيك يانجمنا اللي فوق الامجاد نورك تبغا السماح وعذرنا مانخليك لو المشاغل واقفه عن ظهورك طلبت بنيخي يابوفارس وناصيك انا اللذي من شان رايك وشورك لك طلبة(ن) ماردها واجحد ايديك محدن عطا مثلك ولا شاف دورك انت اول صروح الوفاء في مباديك ناظر مكانك موحشٍ في سطورك لاشك نقرا فزعتك تنتخي فيك ناقف على ديوان شعرك نزورك يامكسب(ن) بعيون حرفك وقاريك ننطر مكانك يمتلي في حضورك محدن يسد بغيبتك عن بنيخيك بحر القصيد

تسبح افلاك المجره في خيالي والفلك والكواكب باالمجره والمجره هايمه ماأسألك منهو معانا من معاهم من هلك البقاء لله وحده والمشاعر دايمه واثق الخطوه وشفني شاعرن وامشي ملك واحمد الله بالقوافي كل بحرٍ عايمه من على الطوفان قلبي لك سفينه تحملك شف سمانا مع سماهم ماخبرها غايمه كل حاقد لو حلف لك تدري انه يخذلك ماقظـى في حقد قلبه يوم واحد صايمه بحر القصيد

(لا تحط قلبك عند شخصٍ يبيعك) بآخر قصيده قلتها قبل اوادعك=لاتحط قلبك عند شخصٍ يبيعك شفتك مثل زمزم وقلبي منابعك=لا طافو الحجاج ربك شفيعك دعيت من رب الملا لايضيّعك=ومن الفرح يهناك زهرة ربيعك اسأل شفاتي لو نستني اصابعك=حبت دفاك ولا درت عن صقيعك لو هي قرادة حظ يمكن اتدلعك=والا الزمن والوقت عيّا يطيعك طبعّك وقتك والزمن لويطاوعك=خلاك عقدن كاملٍ من جميعك من جوهرك مخلوق محدن يلمعك=غيرك وتقدر تجتمع من قطيعك لولا غلاتي مابكني مدامعك=ومواقف الدمعات تذكر صنيعك صنايع المعروف تبقى واسمعك=لا طافو الحجاج والله شفيعك شفني مثل زمزم وهذي منابعك=لاتحط قلبك عند شخصٍ يبيعك

(يامملكة دنياي) اليوم ابرحل عنك وابعد وأخليك=ابغا تعيش بعزتك ياحلالي كانك تقول رموش عيني تداريك=وانا الشمال بعشقها للشمالي شف دمعتي صديت طاحت وتبكيك=من رحمتي من طيبتي وانفعالي ياما ضويت احساس شمعة تقديك=وياما احترقت اخلاص جوف الليالي لين انصهرت وذاب كل الغلا فيك=والليل مثلك جاحد(ن) عزتالي مبدأ كذا ياخافقي من مباديك = من موطني في غربتي وارتحالي من وين ماوجهت وجهي ملاقيك=أبعد حدود ادراك بيت ارتجالي حاضر معي ماغاب لحظه واسميك=يامملكة دنياي واللي بقالي لو مالبستك تاج راسي ومغليك=وأفداك انا بالروح حالي ومالي ماعشت انا بروحين حبٍ يوطيك=والحب الآخر فوق بأعلا مجالي دامك حلفت ابغاك تسمح لأياديك=بآخر حروفك لا تجاوب سؤالي اعطي بروحي عند غيرك ولااعطيك= الا الغلا لو طاح قدر الشمالي لو ما لبستك تاج راسي بخليك= يمكن تعيش بعزتك ياحلالي

القلوب أقفال لاكن وين مفتاح القلوب
ماجبرتك بالمحبه دام تهوى الانسحاب




ماأنقطع وصل المحبه غير من حلف الكذوب
عاذل(ن) بيني وبينك يالغلا ودّا وجاب








ماانتي اول من تركني في متاهات الدروب
قبلك سنيني وحظي والعزا بأكبر مصاب




والزمان الي تبسم هو عدو والا محبوب
كم واحد تتضح لي صورته خلف الضباب




بحر القصيد

(ماعرف مااذكر ولاادري ميتٍ والروح حيّه) واقفٍ انطر رجوعك علك بقلبي تعود=قلبي اللي من خذيته با الغلا عاد ليّه أعترف لك مابقى لي بعد هاللحظه صمود=ألله أكبر ياحياتي كانت الصدمه قويّه كنت اشوفه كل مابي وكل مابالوجود=كنت اشوفه كل صبح وكل شمس وكل فيّه وكنت اشوفه كل لوحه وسطها قلب وورود=وكنت اشوفه كل غيم وكل برقٍ لاح ضيّه وكنت اشوفه كل نغمه تنعزف بأوتار عود=وكنت اشوفه كل كلمه رددوها سامريّه وكنت اشوفه كل نظره سلهمت بعيون سود=وكنت اشوفه كل شعري بالليال السرمديّه خلها العين أتـّحسر تذرف الدمع وتجود=ماحسبت حساب منهو بيننا كان الضحيّه من ردات الحظ راحت وارتجي منها وعود=أفترقنا بيوم(....!!) بصبح جمعه وابرديّه ودامه الماضي رحل بي للندم مافيه فود=ودامها الذكرى تعدت داريٍ مافيه جيّه صابر(ن) حتى توقف عقرب الساعه جمود=ماعرف ماأذكر ولا ادري ميتٍ والروح حيّه

يا عويد الكسار .. حييت حييت
ويا ماحلا ديوان .. عويد الكسار

بديوانه الشعري .. كتبت له بيت
يالوافي اللي تكتب الشعر بيطار


صح لسان الشاعر العذب عويد كسار العنزي ( بحر القصي )
ما أجمل وأعذب هذا القصيد الجزل والمتميز
بانتظار مايفيض به قلمك واحساسك الجميل

دمت بخير

عويد الكسار

اِسم حُفِر في الذاكره سـ يبقى شآمخاً عذباً شاهقاً

دمت بـ كل حب و تقدير