"استراحة بنات المضايف "( يمنع دخول الرجال)

المشاركة الأصلية كتبت بواسطة د بسمة امل

مرحبــآآ بنات

كيفكم ان شاءالله طيبآآت
ويييييينكن مختفيات ياربي مافيه حد
جايه وجايبه قهوتي وحلاي ولافيه احد
طيب اجلس بروحي واتقهوه
والي تجي حياها

يا سلااام وش هالمنظر اللي يفتح النفس

يا هلا بسمه وتسلم الايادي يارب

انا موجوده ماعليك اشبعك حكي

واليوم بتسولف عن الصدقه واثارها المجربة ان شاء الله

وراح اذكر تجربة لي مع الصدقه

وكل وحده اليوم تدخل هذا كان دخلن ههههههه

تذكر لنا موقف حدث لها او سمعت فيه عن الصدقه

معااااااي بسوووم

ياهلابك يالغلا
معك اكيد
وان شاءالله انا نفيد ونستفيد من تجاربنا وتجارب غيرنا
تفظلي هاتي ماعندك

قال تعالى :

( إن المصدقين والمصدقات وأقرضوا الله قرضا حسنا يضاعف لهم ولهم أجر كريم) {الحديد: 18}

( من ذا الذي يقرض الله قرضا حسنا فيضاعفه له أضعافا كثيرة ) {البقرة: 245}

( مثل الذين ينفقون أموالهم في سبيل الله كمثل حبة أنبتت سبع سنابل في كل سنبلة مائة حبة والله يضاعف لمن يشاء والله واسع عليم ) {البقرة: 261}

عن أبي أمامة الباهلي رضي الله عنه قال : قال رسول الله صلى الله عليه وسلم : " داووا مرضاكم بالصدقة " – صحيح الجامع رقم 3358 أخرجه الطبراني و البيهقي –

يسعد مسائكن وصباحكن
دارين حضرت وفرحانه فيكن وفي السوالف معكن
الله يسعدك ع الموضوع بنت الكحيلا

يا هلا في يا بسمه وابي اقولك والحاضرين تجربتي في الصدقة

هذا يا طويلت العمر قبل كم سنه ماهي بعيده هالسالفه حيل وكان تلتهب اذني ( الله يذكرك بالخير يالشرهان والله تذكرته هههههه

المهم ماخليت مستوصف مستشفى ما وقفت عليه الين تعب والله اني تعبت وعانيت معاناى ما يعلم فيها الا الله جل جلاله

والله سبحانه هداني الى احد المستشفيات وقابلت الاستشارية وشرحت لها الوضع وطلبت مني اشعه هالاشعه اللي مااحد طلبها غيرها على الراس وتشمل الاذان ( مغناطيسيه)

اجريتها وبعد خروج النتيجه تخبرني الاستشارية بأن فيه تسوس على العظم بينه وبين المخ مسافه لا تكاد تذكر ( ولفت بي الدنيا شوي لا والله كثير) معقوله يادكتورة هذا الكلام

قالت اي نعم ومافي تأخير العملية الاسبوع ذا بالكثير قلت طيب ممكن تقرير سريع قالت ليش قلت بروح التخصصي قالت انصحك بالعملية هنا والله افضل من التخصصي

وانتي حره الحاله ما تحمل تاخير سلمت امري لله ووافقت على العمليه رحت للأنتظار مع شقيقتي حتى تنتهي اجرأة العملية واشوف منظر قطع قلبي والله قطعه

عجوزة حاضنه كيس علاجات وقاعده تصيح (دموعها كالمطر) قلت لشقيقي اسأليها ليش تبكي قالت لا استحي ورحت جلست جنبها قلت وش فيك ياخاله

قالت والله يا بنتي من امس ما ذقت الطعام ولا اكلت علاجي ( يا ويل قلبي ) ورحت وجبت اللي ربي قدرني عليه )وافطرت واكلت علاجها قلت ليش وش فيك

قالت ماعندي فلوس اجيب اكل وعيالي رموني اخذت غرفه ) عند جماعه(استأجرتها) واجي لهنا عشان ممرضه متعاطفه معاي بس مالقيتها المهم (وعطيتها ما كتبه الله لها

وكثير من المتواجدات في الاستراحه تعاطفن معها ) وامسكت يدي قالت يا بنتي الله يسهل امرك الله ما يضيق عليك ) قلت ادعي لي عندي عملية خطيره بعد ثلاث ايام

ودعت لي دعاء والله الذي لا إله الا هو كأنه بلسم شافي لقلبي على كثر الضيق اللي فيني شعرت براحه غير طبيعيه ) وجاء وقت العمليه ( ياليلي الاقشر ساعتها)

مانمت انتظر الصباح بحياتي كلها ما جربت التخدير الكامل ولا العمليه واول مره ادخل غرفة العمليات ( ليلي كلها صلاة ) ابوك يا الموت هههههه

ودخلت غرفة العمليات علمي في نفسي وانا اشوف راس الممرضه يلف والغرفه معه ثلاث ساعات او اكثر وطلعت من الغرفه واخواني حولي تناديني اختي تقول ابي اشوف العمليه

وهزة راسي بالنفي خايفه تنخرع منها بعد ما صحصحت شوي طلبت نفس الطلب قلت شوفيها وخرت اللفه اللي على اذني وقالت مافي عمليه ؟!! قلت كيف قالت مافي عمليه

استغربت وسألت الممرضه ليش مافي عمليه وكل الوقت ذا بالغرفه قالت انتظري بعد الظهر تجي الاستشاريه وبين فرح وقلق جات الاستشارية ( الله يذكرك بالخير يا فاطمة حمود )

استشارية انف واذن وحنجرة ) قلت خير يا دكتورة وش صار قالت الله رحمك من العملية سوينا استكشاف قبل العمليه واتضح ان اللي على العظم مجرد تكيسات بسيطه

وتمت ازالتها وانتهى امرها بقدرت الله قلت مافي تسوس قالت ابداً اللي ظهر با الاشعه مو صحيح وانتي الان بتغادري المستشفى بدون اي علاج وان شاء الله ما ترجعين له بشر

والحمدلله على العافية تذكرت الصدقه ودعاء العجوز وتذكرت فرج الله الذي يرسله لعبده بين لحظة واخرى

وهذي قصتي والله على ما اقول شهيد

المشاركة الأصلية كتبت بواسطة دارين

يسعد مسائكن وصباحكن
دارين حضرت وفرحانه فيكن وفي السوالف معكن
الله يسعدك ع الموضوع بنت الكحيلا

يا هلا وغلا باختي دارين

يامرحبا ونحن اسعد في وجودك حبيبتي

وننتظر سوالف العسل ياعسل

نورتي الاستراحة

مرحبااااااااااااااا يا حلوين

هذه شيكولاتة منشان يحلا الحكي
ممنوع الريجيم هنا
ما حبيت ادخل وايدي فاضي
صحة وهنا
يا بنات مافي نميمة من الصبح
يسعد أيامكم

المشاركة الأصلية كتبت بواسطة سمارة

مرحبااااااااااااااا يا حلوين

هذه شيكولاتة منشان يحلا الحكي
ممنوع الريجيم هنا
ما حبيت ادخل وايدي فاضي
صحة وهنا
يا بنات مافي نميمة من الصبح

يسعد أيامكم

ياهلا وغلا بكاتبتنا سمارة

حياكي الله وصباحك ومساك سعادة ان شاء الله

يسلمو دياتك على هالشكولاه اللذيذه من يدين ما نعدمها


تفضلي نورتنينا ولا تخافي نحن سوالفنا مابها نميمه ونرفع للنميمه



ههههههه

الله يسعد مساكم ياعسولات والحمد لله على سلامتك بنت الكحيلا وماتشوفين شر باذن الله ركن كتير حلو وبحاجة له .. ويارب تكون لمة محبة ومنفعة ومن عادتي أحب لما أدخل مكان لأول مرة بحب أحمل لأصحابه هدية ولم أجد أجمل من هالهدية أقدمها لكم وتفضلوا القهوة ... والحلويات الشامية مع كل الحب ..... سندوسة