معشوقتي ياسعوديه

00

0





0

دام عزك ياوطني

بهذه المناسبه السعيدة العزيزه علينا جميعنا =


أتقدم إلى مقام خادم الحرمين الشريفين وولى عهده الامين=

وإلى الاسرة الحاكمة وجميع أفراد الشعب السعودي الأبي بأجمل التهاني والتبريكات=

راجيآ من المولى عز وجل=

أن يديم علينا نعمة الأمن والأمان =

مادام فالراي حرية=هيا إسمعوا ياوكالة واس
غنيت دانة حجازية = أصفِقّ على الطار والمرواس
معشوقة الشعب سُنيه = تربة بلد من ذهب والمآس
هِيّه ماحد غيرها هِيّه = بيت العرب _ وأرضها تُنباس
معشوقتي ياسعوديه = اشوف فيك الغزل نوماس
حبكِ بكل الشفافيه = عايش معه انس واستئناس
ياخزام نفل البكيريه= كل مايجي للصبا نسناس
اقول معشوقتي ذيه = نسيمها ينعش الانفاس
ياليت شعر الرومنسيه =يزفك على الشاعر الحساس
قصيد في كل حوليه = حريرها يكتسيك لباس
تستاهلين الهجينية= على نغم قدكِ المياس
أرضكِ حجازيه نجديه = مهد الذهب والكرم والبأس
مهد الرسالة السماويه = على محمد رسول الناس
فيكِ الجبال العسيريه =وسلمى الجبل والعيون نعاس
وبحور شرقية غربيه = مرجانها يغازل الغطاس
وصروح للمجد مبنيه = والساس عبد العزيز الساس
وزعيمنا صافي النيه= على سماء المملكة قرناس
حامي لها حدود بريه = سهران مايداقش الحُراس
حارس لها مياه بحريه = نجم فـ .ظلام الدجى مقباس
يشبه أجآ فالشمالية = وعسير مايلتفت لليآس
حاكم والاحكام شرعية =سُني منكّس عقال الراس
كل ابو متعب محنيه= زعيمنا القايد النبراس
نسل الصقور النداويه =يوم الوغى يقرع الاجراس
بعد الحدود الجنوبيه = والجسر والنصر والاعراس
عينه على احداث سوريه = وعينه على طاقة اللواس
وسلمان فالراي عن 100=حكيم مثل الملك برجاس
الوايلي ناطح الهيه = يسقي عدوه مرار الكاس
جيشه به الدار محميه = واقف لبيت العرب عساس
يامملكتنا يارسميه = ياموطن العشق والاحساس
عاش الملك للوطن فيّه = للشعب يعطي بلا مقياس