؛؛؛ فضفضة الاعضـاء ؛؛؛

يموت العمر قبل الموت من بعدين
عسى ربي يسامح من خذو فرحي

يقولون العرب لاتطرد المقفين
وانا اقول العرب ماجربو جرحي

الشعر ضيعني ولا الحب ضيعني؟
مدري.. ولكن ادري ماني بخالي

ماعاد في قلبي مكان لذكريات
وماعاد فعيوني دموع .. أهلّها

تمر البال ؟ لا والله يسيد الناس
هو الي يمرّك اليا من فقد حاله

سلام الله عليك من آدم الاحساس
الين آخر طفل مولود ف عياله

هو نفسه الباب هذا ينفتح لك لجيت
هو نفسه الباب هذا اللي تسكر وراك

العمر هذا بدونك باب من غير بيت
ان جيت جبته معاك .. ان رحت خذته معاك

لاتزعل من الجحود ومن معاناته
خلك سماوي شعور ونيه ومله

الخير سوّه ولا تنطر مجازاته
لاضاع عند البشر ؟ ماضاع عند الله

انا صديقي الوحيد اللي يوقف معاي
في وقت لاضاقت الدنيا على ناسها

قسمتي العمر ..ماقبلك ومابعدك
ومابعد بعدك ..يعلم الله ..ب اهواله

الاشياء حتى وهي معاك تفتقدك
وش حال من يشعر انك جزء من حاله

واعرف أعداء عمرك واصدقا عمرك
واعرف أشياء تعرفها على شاني

واعرف كم راح من عمري على عذرك
واعرف أني معك .. وأشتاق حرماني

واعرف عطرك قبل لاتشتري عطرك
واعرف صوتك إذا قاسي واذا حاني

واعرف ل احمر وجهك وانتهى صبرك
وصرت أتكلم وانا ساكت على لساني