ديوان الشاعر مساعد مزعل العنزي

لو تبسم حبيبي للسماء كان غيم
يشبه البرق منها ضحكته وابتسامه

هام قلب المتيم من يلوم المتيم
راح عمر المتيم هايما في غرامه

من جمالا كساها بالحلا مايقيم
ومن نظرها بعينه ماتشيله عضامه

شعرها اللي تنثر فوق ردفا مشيم
وصدرهااللي تقل تفاح بول زمامه

الحلا والدلع والذوق فيها تليم
لو تقنع حجابه يكتسيه الوسامه

من حلا ادم وحوى حل فيها وخيم
صارمن بين كل الناس وصفه علامه

مساعدالمزعل

يابدر ماثور مع الصبح بارود
وين الديار وين حس القنوصي

يعني تلاشت يالخوي مابها فود
راحت وكفت في زمان مخصوصي

صحتني الذكرى كما هبت النود
ياما تحليت الاثر والقصوصي

واللي جعل قلبي من العشق في زود
يغار من يدها بريق الفصوصي

حال المتيم من شقى العشق مجرود
عزاه من حبر القلم بالنصوصي

فنان عود وريشته تطرب العود
صوت الوتر يكتب غرامه ويوصي

واللي يلومه ياعسى ايامه السود
عليه تدها من نقوص ال نقوصي

مساعدالمزعل

حلوه جميله .. تو ... زمة نهدها
من زينها.. تزعل ..جميع الرعابيب

على جمال الصدر ضمت . ولدها
على مقر الطيب بين المعازيب

فوقه من بروق المزون ورعدها
مذهول عقله يخطي الشوف ويصيب

طاح الضلام اللي تنيره بيدها
وهب النسيم وحركت ريحة الطيب

مابه شهد ياغير لذة شهدها
ومن غيرها باير ومابه مكاسيب

بعيونها ...يبحر ... ويغرق .بلدها
وتسبح بها العشاق من غير ترتيب

صفحة جمال الود واللي بعدها
يرقى بها عن منزل الهون والعيب

مساعدالمزعل

الليل توه بداء حنا على ماتبين
طاب السهر ياهلا والقلب هذا هواه

ضمدجروح الغياب الي بقلبي سنين
والقلب ماله دواء عندك هناه ودواه

طال انتظارالزمن شوق اللقا في حنين
يطلق شراع الامل يبحر ويبحر معاه

هبت رياح الغلا ياهل ترى تعلمين
واثبت فوادي سطا حبه وصفوة نقاه

والا الزمن يالغلا يمضي وبه دمعتين
دمعة فرح في لقاء والا بعد في عزاه

لي اقربي والعبي ياشمعت المشرقين
الزين لو تستره مايستتر بالعباه

لو تسترينه عن عيون الخلايق يبين
وانتي كذا بين كل الناس فاتن حلاه

في وصف غيرك بيوت الشعر به ماتزين
الا جنابك يمد الشعر صفوة بهاه

الارض تستقبلك بالورد والياسمين
والقلب يستقبلك بالكون واللي حواه

مساعد المزعل

لايهمك .. بالزمن.. كل .. نقادي
ناقدا ...عفويتك ...مخبث..النيه

لو تكلم بك على روس الاشهادي
الملا... تعرف... مطاميعه .السيه

بالنميمه تكس من تحت كدادي
كمل الطبلون مليون وشويه

والله انه مامشى الدرب متقادي
سكة اهل الشر قشرى وملويه

صحبت اهل الشر سكين ردادي
ورجعت الرداد للكف ماريه

دايما راع القشر بالخطأ بادي
حظرته من بين الاجواد ملغيه

والسعيد اللي من الخير مزدادي
ساعة(ن)يقفي بها الحي عن حيه


مساعد المزعل

حلم العطاشا الي تشوق للامطار
صوت الرعد زاد الامل بندفاعه

ومابين هاجوس المشاعر والاشعار
تساوت الافكار ذوق وقناعه

ولاطاحت الهقوات في حكم الاقدار
مااانت اول اللي قصر الوقت باعه

والوقت لو حاولت يندار مندار
لو كنت عالم علم عندك براعه

والصفح عند المقدره فعل الابرار
صفحا كريم ولجل مولاك طاعه

ويامل قلبا تشتعل داخله نار
مليون مره تشتعل كل ساعه

هام النجوم اللي على سبع الاقطار
حتى تهاوت له بليا طماعه

يوم الليالي غيرت كل الادوار
والوقت معهن مابقى به مناعه

والطير زت الريش لاكن ماطار
في واديا تقنب ضواري اسباعه

والمشكله من بين صالح وبشار
كم التردد ياقناة الاذاعه

مساعد المزعل

من بقايا السحابه مع شعاع الغروب
ضمها نقع مويا في سفوح الجبال

هكذا صورة الاحباب وسط القلوب
تحتفظ بالمفاتن من حسين الدلال

لبسها اللي تحجب به عليها يذوب
من حلاها يمد الجسم حسن الجمال

الحلا صوبها منعوت من كل صوب
وزينها مضرب الامثل في كل حال

مقدم الغيم لاساقه نسيم الهبوب
وفرحةالبرق لاشعشع بوسط الخيال

مساعدالمزعل

ليش الغلا مايرد ولايعبرني
وانا على شان همه ضاق وجداني

وانا رهين الخيال اللي يذكرني
لو كان ساعة زمن بنساه ممداني

يالله على الصبر والنسيان تجبرني
يوم السماء غيمها يمطر على شاني

لاصار حبي يعاندني ويقهرني
مال المحبه حلا في شخص عدواني

مساعدالمزعل

ياللي مع صدوف الليالي تواريت
صدفه غريبه مع صدوف الليالي

يعني حظورك ورد بين الزغاريت
وانت الحظور الحي والغير بالي

جيت بخيال(ن)زارني ثم وليت
بين الصحيح وبين طيف الخيالي

وجيت بجمال الكون كله وحليت
حتى جعلت المر بالذوق حالي

وانت بخيالي رحت والا بعد جيت
يزف طيفك لي نسيم الشمالي

مع طلت القمرا على طاقة البيت
جو العطر والشمع والجو خالي

ذابت شموع الود بين التنا هيت
في ساحل الغربه غشاها الظلالي

مبحر بلا يمه ومرسى بلا ليت
وجهه بلا مينا على روح غالي

ياريت ماننسى مع الوقت ياريت
لو كان نسيان المحبه محالي

ومع كل ماقدمت وخفقت ووفيت
تقسى عليه غربتي ورتحالي

مساعدالمزعل

الجماله جماله والنذاله نذاله
والئامه لئامه والليالي تدور

نستعين بعظيم الملك جل جلاله
عالم اللي نكنه في خفايا الصدور

ماحوت صحبتي جلسه وكاسة بياله
صحبتي شمسها يطغى على كل نور

والمخاليق فيها خير في كل حاله
كل مخلوق عايش بالزمن له حضور

والطبايع بهاالهزله وفيها الجزاله
تختلف بالمبادي مثل وكر الصقور

كلا جسما بهاالدنيا يكفه ضلاله
وينزلون القبور مدللين القصور

مانشد بالقبر عن طيب عمه وخاله
غير حسن العمل ينزل معه بالقبور

وان صنع خيربالدنيا هو اللي بقاله
كان سواه مخلص نيته مايبور

يوم يصعب جوابه يوم يكثر سواله
يعرف الضعف حقا بعد طيش الغرور

لو حيا بعد موته مدخر ربع ماله
ولاتَجَبَّرَ على المسكين في كل دور

الله الواحد اللي متصف في كماله
اللذي جاعل ال موسى وقومه عبور

جاعل البحر فلقينه يمين وشماله
كل فلقا كما طودا عظيم الصخور

وطبقه فوق فرعون وهلك مع رجاله
وانزل الله بها آيه رحمة(ن) مع نذور

كل ملكا تحت ملكه سريعا زواله
لو صمد عصر كامل جردته العصور

مساعد المزعل