ديوان الشاعر/عويد كسار (بحر القصيد)

الشاعر/ عويد كسار المضياني

(بحر القصيد)

كعادتك مبدع شامل في كل ماتكتب

احياناً اجدك في قصيده

شاعر رومنسي وفي أخرى شاعر فخر وفي ثانية شاعر هجاء

يا أخي انت مثال لشاعر الكامل لايستطيع اي موضوع ايقافك عن الابداع

كل الشكر لك يابحر القصيد

على كل قطرة من نزف جراحك تتبلور في هذه الكلمات الرائعه

ما شاء الله عليك وحفظك المولى

تقبل مروري

سعد الوايلي


مشكور ياخالي لاهنت يالشملاني تشرفت بمرورك


شهاده اعتز فيها منك الله لايخلينا منك اخوي


تحيتي لك

مثل الجبل خلك مع الوقت راسي=قمة شموخك تعتلي وجهة الريح
لاهنت يانبضي ولاهان راسي=لو ساحة الشعار كشخة مسابيح
رقيت في ضلع القصايد حماسي=من نجمة الشعرى تشب المصابيح
بين الأمل واحساس جرحي ويأسي=لاتنكسر ياساق حظي ولا تطيح
عفويتك في راس رجم المآسي=صدر الشمال اللي وقد نبتت الشيح
بيني وبينك يالجبل ماانت قاسي=لوكنت قاسي مارقوك المجاريح
خلك كذا مثلي مع الوقت راسي=مازحزح احساس الجبل عاتي الريح

(حلم السفينه ) لولا الأمل ماعشت حلم السفينه=وابني عليها للأمل من عمر نوح ولولا الأمل بعقود لؤلؤ ثمينه=حلم البحر غواص يطفو على اللوح ولولا الأمل فنان وش ترسمينه=زهره مع الفنان في قمة سفوح ولولا الأمل مسباح لاتقطعينه=خيط الأمل مسباح بعثرني جروح ولولا الأمل بأقلامنا تكتبينه=شفت الورق بدموعنا يمتلي نوح ولولا الأمل والحظ بي تدفنينه=في ناظري مدفون مع دمعة البوح ولولا الأمل بعيون لاتذبحينه=كم بالنحر من طعنة الرمش مذبوح ولولا الأمل مفتاح لاتقفلينه=ضاع الفرج ماعاد بأقفالنا طموح ولولا الأمل والقاف بي تعشقينه=عشق الشعر يابنت غطا على الروح ولولا الأمل ميزان ماتعدلينه=يميل مهما كان عدله به وضوح ولولا الأمل جناي منهو يدينه=جاني علي وان مت ماهو بمشفوح وكان الأمل بحار خذني سفينه=أبحر معك وأغرق معك وين ماتروح بحر القصيد

كما انت اخوي عويد
شاعر،، مبدع،، جميل
صح لسانك بعدد طيور هذا الصباح وازهاره اليانعه ..
تقبل مروري واعذرني على تقصيري
فهذا الجمال يستحق اقامه دائمه وليس مرور فقط

جل احترامي وتقديري لشخصك النبيل

الشاعره القديره/ حلا الكون


صح بدنك وياهلا فيك اختي حلا مشكوره


تشرفت الحروف والديوان والشاعر بمرورك لاهنتي



تحيتي لكِ

بعد الاستئذان منك اخوي سعد الوايلي شدني صورة الأسد بتوقيعك

الأسد وان مات عايش مثل صدام المجيد
ياصباحات المشانق من قبل خنق الدموع

طالع التوقيع تلقى تضحيه في يوم عيد
ذاك رجل(ن) عاش صامد ماتعود للخضوع

(آخر قصيده / الحب طاغي) لومانبضت من الغلا صدق الاحساس=اقرب شبه تصوير حبك لروحي يقطعك ياعرق الردى عشق الانجاس= حب ٍعلى غير الشرف مو طموحي لو ماعشقتك بالنقى وارفع الراس=من خلقتي لي منهجي لي وضوحي الحب طاغي والغلا ماله قياس=ضمدت جرحك واتعبني جروحي اللي كتم روح الشمالي بالانفاس=من بحر شعري لين قمة سفوحي حرف القصيد اللي نظمته من ألماس=كم جاوب الورقه على هم نوحي يالله دخيلك وش ورى ذمة الناس=يامنجي ٍيوسف ويونس ونوحي اكبر جريمه للبشر ظلم الاحساس=لايغفر الله جرم ظلمي لروحي

بحر القصيد اللي تلاطم بالامواج
اللي ذرف دمع الموادع كما الموج

فكر الخيال اللي رقى فوق الابراج
يشكي سبب فرقاك لسنينه العوج

حاولت أجاريها وجـفــّن الاقلام = وانـته مـدادك مـاتـوقـف هـطـوله

الـقـاك رسـام لـيا قـلـت رسـام = وان قـلت شاعـر نوّخـت لك ذلوله
____


يصلح مـشد الـبـيـت هذا رساله = يصلح مسج جوال يرسل لجوال

واليا وصل منصور ياقف قباله = يقلط على بيت الجزاله مع رجال
:

للـوافي / عـويـد كـسار العـنـزي