ذكرى وأشتياق \ديوان ابراهيم حرير العنزي

جبل بكر

جبل بكر ذكرتني بواحد غاب =واس المصاب وثم جاوب سؤاله
حيثك رفيع والصخر هامتك صاب =ودايم اطيور البر تسكن بجاله
تعيش في جنبه رجوم مع اهضاب=لاهبت الصحراء تجمع ارماله
وين الذي خلى مع القلب مخلاب= اخو عزيز ولا ايتبدل بداله
ابو سميك سبته قلبي انصاب=اصبر بنفسي ولاني ابداله
ماودي اسافر وخليت مرتاب= اذراعي الايمن ابي اقعد اقباله
من يوم صار باول العمر هو شاب= مسئول عن بيته وراعي حلاله
كريم طيب ماحسب عندها احساب= شغلة صحيح وطيب العلم ناله
ما ضاع حق سالم فيه طلاب= تشهد على قوله موقف افعاله
يوم خوية ابتلش عند الاجناب =انقذ اخوة وباقي الحمل شاله
من ينتخيبه حزت الضيق ماخاب= مثل الجبل يوم اتظلل اظلاله
مرحوم يالي ماحد سمعته عاب =عساه في جنات ماهي اباله
جنات فيها خير وانهار تنساب =وحور به يختار حق لحاله
وصلاة ربي عد ما ينفتح باب=على رسول شال حمل الرساله

أبراهيم الخدلي بمناسبه زياره الشيخ الادهم بن عبدالعزيز القعشيش لفخذ الخدلات من الخرصة من الفدعان في دولة الكويت حفظة الله
مرحبا بك يابو باسل

مرحبا بك ياابو باسل من وصولك= للكويت اسبشرت بالي لفاها
عند ربعك ضنا ماجد يفرحولك= استبشروا بالخير والباقي معاها
اهل الحرشى بالمجالس فرشولك = قلوبهم للضيف من يومه نواها
للسفر حضرت وتجهز ذلولك =خدمه للربع وتخفف عناها
من فعايل جدكم هذي فعولك=راعي الجوفى رعى الدار وحماها
ومذود بالسيف طوع من نولك = تبعد العدوان ماتقرب حماها
وانت صرت اليوم حيد ويزبنولك = كل ربعك جعلك تحقق مناها
ضاقت الدنيا الوسيعه وانتخولك = تبقى الفزعه وترفع مستواها
نجتمع مع ربعنا محد يطولك = بديره ابن سعود يامحلا هواها
العدل والامن والفله بنولك = وين ماكنا نتفاخر في ولاها
وفيه ناس بدلوا وايحللولك = شوهوا النظرات صارت في عماها
فرقوا بين العرب ماحسبولك =الاخو والام بلشت في ضناها
ان جددت الاوله ماجددولك =سجلولك خارج الحد وراها
الله يجمع شملنا ونصير حولك = موحدين الراي بالجمعه عساها
ربعنا كل المواقف يوقفولك =لانخيت الروم لبت في نداها
اتفازع كلها ثم يتبعولك =في قمام العز تسكن في علاها

--------------------------------------------------------------------------------



ياملهي الرعيان

ياملهي الرعيان لهيت ربـعـــــــــــي = يمضون باقي الليل كلــــه سـهـــارة
اتتابع التلفاز في كل مـقـــــــــــــري = والا اجنبي مع اجنبي في مبــارة
ايجمع الكفار جهـاز فـضـــــــــــــي = واصبح العالم ساكن وســــط حــارة
جمع بلاه وصار للنـاس يـفضــــــي =احفـظ ادروسه وافتــهم للعبـــــارة
انت الهدف تغير ديـني وطبعــي =نقــلد عوايدهم باســـــم الحضـــارة
امرك بكيفك ماحد جالك قصري=جالس معاهــم وانت محض اختيـارة
اتقلب القناة في كل مـلهـــــــــــي =تبحث عن الموضوع وسط الضـبارة
ولاجت صلاة الفجرثم قامت تسري = شغـلك ارقاد ومامسكت الخفـارة
لاهي وساهي والعمر را ح يجـري = مضت حياتك ماشـــــــــــي بالدوارة
والوجه شاحب والمــفاريق تلضـي =الشيب لابين يفيـــــــــــــد الاشـارة
نهاية الانسان والمـوت يفنــــــــــي = امـر مواكــــــــــد رقم كل المـــرارة
واهني من قام الصلتـه امتوضـــي = صلى الفجر وقوم اهله وصــغـــــارة
يطلب لرحمة ربه ومنـه يــــرجي =يغفر ذنوبــه عارف في اســــــــرارة
ولابد من يوم به العمـر يــــمضي =اما كسب والا علينـــا خســــــــــــارة

نعم الزميل


هذه القصيد ة قالها الزميل جمال القلاف

من غيرك يابو خلـيل مافيه بـديــــل = بالحظيرة امــركم دايم مطـاع
انت البطل وانت الشجاع الزميـــــل = وكــل الحظـيرة فيها افــــــاع
والحظاير كلها مهملة وحنا مستحيل = الا حظيرتنا فيها اسود وسباع
والتعاون مستمر بينا وهذا دليــــــل = ومعندنا أي مشـــــكلة ولاافاع
والله يدوم الحب بينهم وقت طــويل = وايخليهم ساكنيـــــــــين الرفاع

وقد رديت علية بهذه القصيدة

يابوخالد ونعــــــم الزمــــيل =نفتخربك يابـــو خالد بالدفـاع
وانت ياالقلاف رجال اصيل = طيبكم معروف مافوقه اقنـاع
بالحظيرة انت عنوان ودليل = حظيرة النار لصـار الصراع
عبد الجبار تسمله صهيــــل = جاي من الميدان نازل بندفاع
يوصل لمنير تسمله عــويل = كنه اسد واقف وســط التلاع
والظفيري هولنا ظل ظليـل = انشر علـــمه بالحظيرة وذاع
وعبدالوهاب لصاده علـيـل = كلنا دونه احصــــــون وقلاع
والتعاون بالحظيرة السبـيل = واخر الكلمات مني لـك وداع

واعز عيني

وعز عيني كان تمشي على القار =اتـــروح تمشي مالقيت لـسيـارة
تروح تحسب وانت تمشي بالامتار =اطوف شارع وتعـدى اشـــــارة
يطوفك اللي ماأنتبهلك وهـــو مار= شاف المسجـل او يولع سجـارة
والا شباب ماتـحجـج بالعـــــــــذار= راجع مع الشلة وكانـوا سهــارة
واذا لبست البدلة وتحت بســطــار =تبي تلحق والــوظيفة خـفـــــــارة
مرك مع الشارع سريع له اغبار=مطرود والالاحقينة بغـارة
ولاشاف زولك قـام واركالها النار = مجنون والا ذابحتــه الصطـارة
من جيب ابوة مـادفع لو دينــار=قصب على الوالدبالامرالادارة
شبابنا ضايع وصـايع ومنهــار=دليع مايع وايحسبـها حضــــارة
الله يهديهم لدرب بـــــه ازهــــــار =طريق واضح مايبله شـطــــارة
درب به العادات والدين مـــعيــار =هـو الاساس لكل خير وطهــارة

بديت قاف

بديت قاف من ضميري مسوية=للشاعر اللي مابحل بالقصيدة
لراعي الحيزى عسى الله يخليه=بسام ابو ايمن رجل وليدة
من يفتخر بتاريخ ربعة وماضيه=انشجعه بالدرب ونشد بيدة
تشابكت شوقي وشوقك بيادية= واستشملت يم الديار البعيدة
ياما تمشينا بروضه ووادية=ونسايم تشفي الامراض العديدة
واجبالها كل الزهر نابت فية=والشيح والقيصوم انواعه عديدة
لوهي بكيفي والله اني ماخلية=لكن ظروف الشخص ماعد بيدة
تمشي بنا الايام للدرب مابية=درب به الغربا ونفس زهيدة
ما ندري عن نهايته وين تالية=وبيوتنا بي الاراضي نشيدة
والارض تقبل كل جسر نسوية =الارض صبخ ولاقويه شديدة
والجو ينشف لاتكاثر ورادية=وتواردة من كل وارد ورديدة
هذا قراح وصافي العين يسقية=وهذاك يشرب فضلته والشريدة
وحنا غرسنا غرس والغرس نرجية=يثمر لنا اثمار انواعه عديدة
نبي انتضلل به بضله ونحمية=نوجه والنصح منا نفيدة
والحر يسكن في جبال بعالية=ويعجبك صيده لتبين هديدة
جيل نجح في كل كلمة وتعنية=واصل مسيرة في ليا لي مجيدة
وجيل ودك باخر القاع ترمية=لانفع نفسه ولابه مفيدة
وليا نخيته نازلات هقاوية=حافظ فريقه مادري بالبديدة
وعادات جده مامسكها وناسية=ماشي مع التيار يرثع بقيدة
الله من وقت تزايد بلاوية=وكل يوم نسمع عن مصياب جديدة
الله يفكك من بقايا توالية=ويحميك ربي من ليال نكيدة
وشبابنا ندعوا من الله يهدية=ووفق اخطاهم بالاعمال السديدة
قصيدة مني للاخوان نهديهة=بشهر رمضان الله علينا يعيدة

الله يديم الملتقى ومن جمعنا =على المحبة والمعاني الجزيلة
هذاك ابو فراس بالفعل معنا = لابد قول الحق انه يجيلة
شتت أخطانا بالدفاتروضعنا=بين المواقع صارفيها وسيلة
لعلنا من عقب مدة رجعنا =عدة أيام لو حسبنا طويلة
نبي المزيد وفي رجانا طمعنا=الملتقى يجمع أعمال جليلة
الدين يامرنا سمع وأطعنا=وفي ملقى الشعارمافيه حيلة
أناقش الموضوع كل سمعنا=وكل على قوله يورد دليلة
في ملتقىالاسرةوفي أنتفعنا=والكل مسؤل علىمنيعيلة
مع الرياضةوالشباب ندفعنا=ونراعي الصحةبأمور جميلة
والعلم باعلوم المفيدة رفنا =بعصرالتطوروالوسايل أمهيلة
وعلى أثار أجدادنا هو سنعنا =يامقلد الكفار عيب وفشلة
وقبل(ن) أنختم اقوالنا او طبعا =أرجوالسموحة ياالرجال الاصيلة

ابعث سلامي للاخي مشهور = واضمنه حبي واخلاصي
نسال على حالتك بالفور = يامن كلامه على راسي
اشهد بحق ماهو بالزور = من عقبك البال منحاسي
وان كان حبيبك من وراء اجفور = تحره مصبح ماسي
والله لاجيبه لوه ابمور = وماهمني لومت الناسي

أحيي ابن مجلاد من نسل وايل = شيخ ولد شيخ عسى الله يحيية
ذاع البيان وسد باب التحايل = والمقتنع ما قول بالشك يغنية
تاريخ ناصح ثابت بالدلايل = لاقلت وايل قيل ياحي طارية
قبيلة (ن)نفخر بها بالقبايل = وفي وقتنا الحاضر يأكد لماضية
ميغطي الغربال شمس الغوايل= وساس الهيال يطيح لو جيت تبنبة
وشوخنا كل (ن)عن الربع شايل = هم القبيلة قبل همه يوايلية
تميزوا بافعالهم بالاوايل = والشيخ مارد العطية ويهدية
ومصوت(ن) بالعشاء بالمحايل = والناس من كل النواحي بتلفية
رمز الشجاعة والعفف والمثايل = لاقال قول كل قوم تدارية
واليوم ساد الامن والكل نايل = حقه تمام ومالقى من يعادية
في ظل حكام الوطن خير هايل = ال السعود أمنين(ن) نواحية
هذي الحقايق دوم والشك زايل = وهذاالوطن واجب على الكل يحمية

يامرحبا بالي نبش ذكرياتي


هذه القصيدة اسندها الي الشاعر صبار المضياني

ذكرتـنـي بيامـنـا الفايتـاتـي=واقـول ياابراهيـم وده وهـاتـه
يومك صغريـن عندنـا ياغناتـي=وشعرك قوين صح داخـل ابياتـه
من شبتك وانتـه قـوي الابياتـي=البيـت بلمعنـى تقـوي سواتـه
وحاستنا الدنيا وراحـت وجاتـي=وكم واحدن منها تشربـك وجاتـه
مسكين منها طـاح بلمعضلاتـي=والوقت الاقشر حيل براس شاتـه
خـلاه دايـخ مايعـرف الجهاتـي=لوانك سآلتـه مايوصـف جهاتـه
عقله موسوس ساهـرن مايباتـي=يومن كلـن راقـدن فـي سباتـه
ومن افعالها راحت انزولن شتاتي=ومنزالها ماكـن راحـت وجاتـه
اقفت عليهم وعقبهم صرت اهاتي=واذكر انزولن يوم صكـت ابياتـه
وتشوف بيوتن صاكـه مبنياتـي=لا جيت وسط البيت تعرف حلاتـه
تلقا غزيـر الزيـن مـع البناتـي=الي حلاته فـي شوفـت شفاتـه
من شافهن ماضن يرجي الحياتـي=يطيح بفراشـه وخطـره حياتـه
والمـوت بعيونهـن الناعساتـي=كم من غريـرن بلهـوا فاتناتـه
وطاح المطر وضعونهم شايلاتـي=وغريرهـم اضـن جتلـه وفاتـه
عزي لحاله يـوم جـاه المماتـي=من حبهم تلقـاه يبسـت لهاتـه
وضعونهم من الجو روحن مقفياتي=والي بضهورهن زملهم شايلاتـه
جاهم خبـر شعبانهـم سايلاتـي=والكل منهم راح يرسـل ارواتـه
قالـو تـرا غدرانهـن ماليـاتـي=والماء يبونـه رح يافـلان هاتـه
والخير جاهـم مـن المرزماتـي=مـن جنهـم خيرهـن شايـلاتـه
ترا الخبر جابـوه هـم الرواتـي=جميع مصمد من خيرهن مالياتـه
وعقب اربعين ذيدانهـم مربعاتـي=وتشوف الشحم بضهورهن رادماته
بدون غلاهم بي مـن اول حياتـي=من لامنـي لعـل يفقـد حياتـه

وقد رد ابراهيم حرير العنزي بهذه القصيدة

يامرحبا باللـي نبـش ذكرياتـي=وهـو ايراجـع قبلنـا ذكريـاتـه
سلام لك ياللـي نبيـل الصفاتـي=يالوايلي وهذي صفه من صفاتـه
علمتنـا مـن صغرنـا بالثباتـي=ونمشي على المبداء وناخذ عضاته
ودامك صديق العـود لالاتحاتـي=اخوك ابو خالد واحفـظ اوصاتـه
عليك بالتقوى وفـرض الصلاتـي=ماخاب منهو دامـا فـي صلاتـه
والمال كنز وراس مـال وغناتـي=وقت اللوازم من يوقـف اسواتـه
وترى قليل المال لـو دوم ياتـي=وسط المجالس دايمـا قاصراتـه
عن المواجب قصب ماهي رداتـي=ولو ايتحسـر متفيـد احسراتـه
دنيا بهـا كـم كـذوب اشلاتـي=يمشي مع العالم وهـن حاشماتـه
دراهمـه مـاسـون الطايـلاتـي=لاكن اعلوم المدح هـن طايلاتـه
يقالـه ارحـب علـى امبهراتـي=ولو كان عفن مايسـاوي احذاتـه
هذا زمـن يفتخـر فـي عصاتـي=والمتقـي ارهــاب امنظمـاتـه
الله يستـر وش مـع المقبلاتـي=كثـر البـلاوي دايمـا سابقاتـه
الجيـل هـذا مقلـد للبنـاتـي=والجيل الاخر مرخص في خواتـه
راحت اجيـال تركـب العالياتـي=وكـل افعالـه بالكـرم مطلعاتـه
واللي ايدينه اصبحـن قاصراتـي=جابوا المنايـح صـارن امنحاتـه
ومنهو تجنب عن طريق المشاتي=مفروشلـه عبـاه ياكـل اهواتـه
ولصار جيران وحصل مشكلاتـي=اهدوا هديه للبـداء فـي رماتـه
وكلامهـم حقـايـق امثبتـاتـي=لاقال يوفي وصادق فـي اثباتـه
صبار اصبر والصبر بـه نجاتـي=لابـد مـن يـوم يبيـن حلاتـه
وبختامها اقبـل دعـاي ومناتـي=ترفل بثوب العز وترمـي شقاتـه