على الشدة صبور

أحبتي رواد مضايفنا بعد طول انقطاع .. عاد بنا الشوق لمضايفنا العامرة بكم وبصاحبها أبو سلطان حفظكم الله وإياه من كل سوء وكمصافحة لقلوبكم هذا النص المتواضع والذي أرجوا أن يرتقي لذائقتكم واستحسانكم .. .. .. .. .. .. ما شكى الحب رجالٍ على الشــدة صبـــور=يبتســم لو جروحــه خضــر والحال انبرى لو غـــلا اللــي تحبــه بالحنــــايا قصــــور=دامـــه أقفــــــى عليــــــك الله تــدوّر ذرى والســراب اللــي تشوفـه ما يبــل النحــــور=البـــــلا اللــي يقـــولــه يحســب انه ثـــرى ما ذبحنــي غير ظبيٍ جانــي يختــال بغرور=استحـــل الحنـــايا ولاعــرفت اللي جــــرى آهــ. يا قلبــي علامــك خابـرك ماانت غيـــور=عادتــــك ما تصيـــــد إلا جفــــول مذيّــــرا ليه هذا الظبي صـــادك وانت صيــادٍ جسور=جرجرك يا قلب وانت ماانت ناقص جرجرا لعنبــوا جـدّه ذبحنـــي ما يجيـــد إلا النفــــور=لا حضــرت ابتســم لي وإلا عنـــي ما درى لفّنــي حسنـه وزينـه غصـت في غبـة بحـور=موجــةٍ تدنينــي منـه وموجـة ترجع بي ورا ضحكتـه بلسـم جروحــي والمشــاعر له تثور=مكسبـــي منه الخيـــال اللــي بليلـي ســــرى سقت له بيض النوايا جيته بصـدق الشعـــور=" بدويٍ قضبــوه العلــم " والعلــم أقشــــــرا يدري إني في وصـــاله ما أهـــاب العقــــور=أطــرق البــاب بيمينــي ما أجــي له من ورا يشتكــي قاســي ظروفه وأشتكــي حظٍ عثــور=كل ما مديت كفــي قفّــــى يمشـــــي بختــــرا إيه ياقلبي تصبّـــــــر يمكــن الدنيـــــــا تدور=بيــن عـلّ وعســـى وإلا رجـــــاوي هل تـرى هل ترى إن المشـــاعـــر بيننــا مدت جســـور=يعنــي لا زان ظرفـــك لك بقلبــــــي معبــــرا ولاشكــى الحب رجــالٍ على الشــدة صبـــور=الله أعلـــم وش يصيب القلب لامنــــه طــــرى مع خالص مودتي وتقديري أخوكم / حمود العبيد

المشاركة الأصلية كتبت بواسطة حمود العبيـــــد

أحبتي رواد مضايفنا

بعد طول انقطاع .. عاد بنا الشوق لمضايفنا العامرة بكم
وبصاحبها أبو سلطان حفظكم الله وإياه من كل سوء

وكمصافحة لقلوبكم هذا النص المتواضع
والذي أرجوا أن يرتقي لذائقتكم واستحسانكم

.. .. ..
.. ..
..

ما شكى الحب رجالٍ على الشــدة صبـــور=يبتســم لو جروحــه خضــر والحال انبرى

لو غـــلا اللــي تحبــه بالحنــــايا قصــــور=دامـــه أقفــــــى عليــــــك الله تــدوّر ذرى

والســراب اللــي تشوفـه ما يبــل النحــــور=البـــــلا اللــي يقـــولــه يحســب انه ثـــرى

ما ذبحنــي غير ظبيٍ جانــي يختــال بغرور=استحـــل الحنـــايا ولاعــرفت اللي جــــرى

آهـ يا قلبــي علامــك خابـرك ماانت غيـــور=عادتــــك ما تصيـــــد إلا جفــــول مذيّــــرا

ليه هذا الظبي صـــادك وانت صيــادٍ جسور=جرجرك يا قلب وانت ماانت ناقص جرجرا

لعنبــوا جـدّه ذبحنـــي ما يجيـــد إلا النفــــور=لا حضــرت ابتســم لي وإلا عنـــي ما درى

لفّنــي حسنـه وزينـه غصـت في غبـة بحـور=موجــةٍ تدنينــي منـه وموجـة ترجع بي ورا

ضحكتـه بلسـم جروحــي والمشــاعر له تثور=مكسبـــي منه الخيـــال اللــي بليلـي ســــرى

سقت له بيض النوايا جيته بصـدق الشعـــور=" بدويٍ قضبــوه العلــم " والعلــم أقشــــــرا

يدري إني في وصـــاله ما أهـــاب العقــــور=أطــرق البــاب بيمينــي ما أجــي له من ورا

يشتكــي قاســي ظروفه وأشتكــي حظٍ عثــور=كل ما مديت كفــي قفّــــى يمشـــــي بختــــرا

إيه ياقلبي تصبّـــــــر يمكــن الدنيـــــــا تدور=بيــن عـلّ وعســـى وإلا رجـــــاوي هل تـرى

هل ترى إن المشـــاعـــر بيننــا مدت جســـور=يعنــي لا زان ظرفـــك لك بقلبــــــي معبــــرا

ولاشكــى الحب رجــالٍ على الشــدة صبـــور=الله أعلـــم وش يصيب القلب لامنــــه طــــرى

مع خالص مودتي وتقديري

أخوكم / حمود العبيد

أخي الشاعر القدير/ حمود العبيد.

صح لسانك... الشدائد معدن الرجال/ وشدة الحب هي تجسيد للوجد من لوعة الفرقا.

نص في غاية الجمال والإبداع.

مع محبتي وتقديري..

الشاعر/ حمود العبيد


صح لسانك وتسلم يمينك يالجزل



تحيتي لك

الحمد لله على السلامه


اخوي الرائع/حمود العبيد


صح لسانك وياهلا ومليار مرحبا فيك



لاعدمنا تواصلك الراقي



,

صح السانك
اخوي
حمود العبيد .
وعوده حميده يالعزوه ..

لاهنت يالغاااالي على
هذه السحابه الجزله .

تحياتي وودي :
عبدالله الفهاد البجيدي ,,

المشاركة الأصلية كتبت بواسطة ابراهيم صخري

أخي الشاعر القدير/ حمود العبيد.

صح لسانك... الشدائد معدن الرجال/ وشدة الحب هي تجسيد للوجد من لوعة الفرقا.

نص في غاية الجمال والإبداع.


مع محبتي وتقديري..

الأخ الشاعر / إبراهيم صخري

صح بدنك وكلك

علينا أن نكون كذلك

شرفني وسرني حضورك

تحياتي

المشاركة الأصلية كتبت بواسطة عويد كسار المضياني

الشاعر/ حمود العبيد

صح لسانك وتسلم يمينك يالجزل

تحيتي لك

صح بدنك وكلك يا بحر القصيد

أسعدني مرورك

تحياتي

صح السا نك اخوي حمود

وعوده حميده ان شاء اشتقنالحرفك المنفرد

تحياتي وتقديري

صح لسانك ولا فض فوك ولا هان منطوقك

لك اجمل تحيه

حمود العبيد

صح لسانك الوف وملايين

نص رائع كروعة حضورك

تسلم يمناك ولا هنت على اتحافنا بها

عوداً حميدا اخوي حمود ونورت المضايف


دمت بخير