ذكرى وأشتياق \ديوان ابراهيم حرير العنزي

هذه القصيدة ترحيبة بالشيخ احمد سعد العجمي اثناءزيارته للبحرين في قرية البديع

مرحبا بالعجمي ويا حي فاله =حي منهو ينهي النفس وهواها
جعل منهو يسلك الدرب ومثاله = من تمسك بالشريعه ماعداها
الله يحفظه ويجزيه ابفعاله = بكل حرف حبره واطلع حلاه
يوم فيه الرجل بلشان ابحاله =قاري القران يقراء ثم رقالها
في درجات رفيعات يناله = بفضل الكون يعطيعه وجزاها
جنه الفردوس ماكانت اباله = و لا يخطر على قبله مستواها
والبديع رحب بضيف لفاله = من يجهز للسفر والانواها
وانت جيت اليوم عند اهل الشكاله = الدواسر تحتر م كل اقصراها
بظل حكام الوطن امن وعداله = ال خليفه بالكرم جزل عطاها
طوروا هذا الوطن شرق وشماله = وفيه جنوب وغرب زادوا من بناها
خيرنا بقبال بينبه اهلاله = مثل برق الوسم بين في سماها
وبالختم صلوا على المختار واله = الرسول اللي اخرجنا من عماها

هذه القصيد وجتها الى الاخ ابو سعد السبيعي
( برق شلع)

برق شلع واستبشر الناس بالخير=من جهة الطايف تلاعج بروقة
والغيم غطى شمسها حزة عصير=والريح حرك للسحاب ويسوقة
يروي ديار سبيع ويواصل السير=لين الحساء مافيه شي يعوقة
تكثر بها الخيرات تزهر نواوير= وفيها ربيع العام تفرع اعروقة
كل مانظرت لروض تلقالك اخير=والفقع بين بالفجر في شروقة
والورد نابت في جبال ومحادير =بين الشجر صار ايتخالط اوروقة
في وسط روض والدلال المباهير =يجلي النظر منهاالمزاج ويروقة
ومن بعدها حضرت للعفش تحضير =ونفسي على شوف الجماعة شفوقة
لبو سعد واخوة جينا مسايير =ومصيد الغزلان حضر غبوقة
كل شي حضرله ملازيم واسبير= بمفطح حرف تطابخ امروقة
فعل فعل رجال لو كانه اصغير =وبالطيب طيب مثل ابوه ويفوقة

وقد رد علي ابو سعد السبيعي
(برق شلع )
(جتني مراسيلك)

يامرحبا بكتاب زبن المناعير= اللي بفعل الطيب نفسه صدوقة
ياعيال وايل يالوجية المسافير = يهل الكرم والطيب باقصى اعموقة
اسبيع مع قحطان حتى المناصير= تشهد لكم بالطيب بشتى طروقة
جتني مراسيلك وحلو التعابير= ولازم على الديان يوفي احقوقة
جعل المزون اللي عليكم مزابير= تسقي وطنكم لين تروي اعروقة
ياطير شلوى وانت راعي المغاتير= جعلك لنا سالم من كل عوقة
وحنا هل الغلبا اوقات المعاسير= نرخص لك الغالي ولجلك نسوقة
ربعي اسبيع ويحتمون الماشير= اهل النخيل اللي تمايل اعذوقة
ولاجيتنا عاني نسوق التباشير = تفرح بشوفك كل نفس شفوقة
وختامها مني تحية وتقدير = وفنجان بن صافيلك تذوقة
وارجو السموحة كان بالرد تقصير= وهذا جوابي لك من اقصى اعموقة
وصلاة ربي عد ماغرد الطير= على نبي سنة الله تشوقة

هذه القصيدة موجهه للشاعر احمد عبدالله العميري
( القضية )

يابوعبدالله اموري طولت = وكل يوم بيوم تزداد بعصية
عقب ماهي سهل تحولت = امام المسؤؤل واحتسبت قضية
وكل افعالي علي اتولت = وارتكبنا بالخطاء ذنب وجنية
ويشهد الله نفسنا ماسولت = ولانظرنا لغيرنا بنفس علية
والطريق الزين دايم فضلت= وان تركنا الجادة عن حسن نية
اتجنب للخطاء ثم مولت = من كل الاداب والتزمت سوية
ومانظن النفس كفت مولت = ودايم الانسان كساب الخطية
واكتشف دنياه يوم هولت = كل واحد يوم بين له خوية
والمصايب فوق راسه سلسلت= والايام السود بانت والمنية
والصورة مثل وردة ذولت = والحقيقة صارت اعلوم خفية
انتقلت الاخبار او تقولت = واكثر الاخبار من الصحة عرية
وكل غيمة هم لازم زولت = سنة الخلاق رزاق البرية

هذه القصيدة رد الشاعر احمد العميري
ابشر بخير

ابشر بخير يامن علومه حولت=لاتشيل الهم علوم هولت
ولاتدير البال حق ناس ردية = ابرك الساعات عون حق خوية
عونك وانا اخوك ابشر سهلت= خذها عطية ماوراها جزية
سحابة الصيف مرت واهملت= سهل مطرها ولابها اي اذية
اصعب الاوقات مرت وانجلت= يوم الاخيار خلوها علية
حنا وانا اخوك ناس ابذلت =النفس لاجل الخير ننذرها هدية
نسعى لبذل الخير مهما طولت= ايام والساعات لاجات المنية
والطمع بارضى العالم لو احصلت= تشكر الاله خلاق البرية

هذه القصيدة وجها لي الشاعر عطية السليماني العنزي
ماحصلي اقترابي

يا طيرشلوى ماحصلي اقترابي =الا على اللة صوتها من ورى الباب
حبة بقلب يارفيقى صطابي =واصبحت من حب اريش العين منصاب
لانه حبيبى يا سنافى ارهابي =وكل الدول متعاونة ضد الارهاب
لاشفته من زينها ياخرابي= وانا اشهد انه كامل الوصف جذلب
وعلقت لوحة ظلم من حرمابى= وقمت اتظاهر لية تحريق الاعصاب
لاكن خسارة صاحبى ما درابي= يقول مابى ظلم من غير الاسباب
قلت السراحة انت اول اسبابى= ضحك علي ورد ياهوه كذاب
لاوالله اللي صاحبي معتنابي= وراحت احقوقي كاملة عند نصاب
ابي قرار رد كامل احسابي= عامين جرحي يارجاجيل ماطاب

هذه القصيدة ردا على الشاعر عطية السليماني العنزي
( يامرحبا )

يامرحبا بالى كتب وانتخابى= شئ سمعته ماقريناه بكتاب
من الصاحب اللى مايهمة دهابى= نعم القرايب قالوا حجاب وعقاب
هم ربعنا هم عزوتي وانتسابي= لضنا عبيد ليجهز كل ركاب
فرسان والله مروين الحرابي =لياقدى بالقوم طايح ومنصاب
واليوم يشكيلي رفيع الجنابي =من واحد خلى مع الجوف مخلاب
ياصاحبي كانك بحبه مصابي =والقلب متولع من حبها ذاب
حب حقيقة زايد به اعجابي= راح وتعمق داخل القلب واصاب
وصفة مثل ما قلت باول شبابي= متحشم والاصل من خير الانساب
ترى الدلاعه والغلى مايعابي =يمكن ابين زود شوقة وعتاب
يبقى ايجرب موقفك بانسحابي =والاانت قرب صخيف الروح طلاب
ترى الحقيقه مايجيبة سرابي =واللى اتقين ماتردد ومرتاب
شد الحزام وعب كل المخابي =وادعس على الطبلون في كل ماجاب
وانخ الجماعه من كبار العلابي= وان مافزعلك دق بالراس مشعاب
ومن مانفع بالضيق قربه معابي =اخير منه معاشرة قوم اجناب
ومن عندنا نوقف معك مانهابي =كل الخساير ثم ناخذ بالاسباب
يابو محمد ماقدرنا ايجابي =تره تحت امرك من المال واحساب
يجيك فزعه مانبيله ثوابي =ولاني من اللي بالدعايات سكاب
ايكثر الخيرات يكذب مرابي =معروف بالعربان من قوم ابو شهاب
هذا على ما قيل كامل جوابي= واستغفر اللي يغفر الذنب تواب

هذه القصيدة مهداه الى الاخ على حسين الخالدي

عقبك يابو راغب فقدنا الدليلة= تغيرت امورنا واصبحت غير
من يوم غبتم يا عريب القبيلة= ما عاد ندري وين نقعد ولا نسير
اتريف بالمكتب ايشابه صميلة= منفوخ من راسه وبطنه بها سير
ما ينفع المحتاج لوهو يجيلة= وليا نخيته ما ترجيت للخير
صحيح صافي قلب مادارحيلة= بس الادارة فاشله والتدابير
مادار ثوبه ومادرى عن شليلة =اخير يمشي مع اصفوف النواطير
ومن راجع الكاتب واعزتيلة= طلال صاير عقبكم سالم الزير
جربوع اجرب دوم يلوي ابذيلة= بس ايتدحس بين كتب واضابير
وحتى المراسل مرة نلتجيلة= يسمع كلام ويبدي الراي وايشير
ضاعت ومافادت معانا الوسيلة= والحض نايم من عرفته معيثير
فليت للشرطة لحالي فليلة= لين انت ترجع بالسلامة علىخير
ولو نشرح القصة تراها طويلة= قلنا اختصار ولانبي رايك ايحير
تفزع الياجاك الخبر وتعنيلة= قول وفعل ماهي سوالف مسايير
تستاهل الفنجال والطيب هيلة= في مجلس فيه الرجال المناعير

هذه القصيدة مهداه الى الشاعر لافي جاعد الظفيري
ان بغيت ارتاح

ان بغيت ارتاح افكاري تسير= تحايل الريضان من فوق الهضاب
نفنف الغربي في ظل البعير =واجلست بين البختري والعشاب
وكثرة النوار في جال الغدير =وراعي البل كثر الفقع الزهاب
الخلاس والزبيدي والفطير =حرف اشقر قلبة بالجمر ذاب
وسط روض مالهم فيها خشير= يحرسون الجو وتورد الركاب
الكرم والطيب وحماة القصير= بدونا وقت المنايا ماتهاب
ماوخذ حلالهم منهم صدير =غير قادوا المعتدي عند الطناب
والقبايل كلها نفس المصير =تقدر العادات وتفك النشاب
من بين العربان خصيت الظفير =اهل ابيوت ينحسب عنده احساب
فكوا المضيوم يوم جى يستجير =ومن ينوي حربهم بلعون خاب
وان بغينا الراى رحنا نستشير =راعي الحكمة والراي الصواب
بشغلة المحتاج بالفزعة يغير =ابو محمد سمعته فوق السحاب
فاتح الديوان والقهوة تدير =وماقفل في وجه ضيفه يوم باب
لافي الجاعد عشير ابن العشير =حافظ العادات رغم انه شباب
مثل بحر بالشعر موجه هدير =واثق ابنفسه ماخذها انتساب
بالمجالس والجرايد والاثير =يضبط القيفان والمعنى اصاب
ان نصرت الشعرعزالله يصير =وان بغيت اتفوز من غير انتخاب

هذه القصيدة مهداه للاخ مجزع الرويلي

سلم ليا جيت للزلاق=يم واحد من جماعتنا
عزالله لشوفته مشتاق =يفرح ليا حان جيتنا
الوايلي واجبه ما عاق=مجزع ليا قلت عزوتنا
نبي نتبادل حديث راق= عن ماضي يم ديرتنا
وسط الصحاري جمال فاق=ما ينوصف في قصيدتنا
ربيعها يفتن العاشق =ما تنحصر فيه شوفتنا
وريح النفل والنجر دقاق= بالدله تزين ربعتنا
بيت الشعر زامي برواق= بين البدو غير بنيتنا
والفقع وسط الخباري شاق= مبينن عند مشيتنا
وقبيلة فعلها سباق =عند العرب فوق سمعتنا
عيال وايل كرم واخلاق= بوضح النقى طيب منبتنا
فرسان مابينهم بواق =من شان ممشاه شتتنا
خله يولي مع الطقاق= ونبقى وتبقى قبيلتنا

هذه القصيدةمهداه الى الاخ خليفة بن احمد الفضالة

ما نسينا فضلكم يا بن الفضالة =كيف ننسى الطيب بانت بك فعوله
لك مواقف ماوقف احد مثالة=موقف الشجعان يانسل الحموله
ينصف المظلوم ليمنه عنالة =ماخذ حقه وامر وابدى حلوله
مخلص بشغله باتقان وبسالة =راصد من الجو ماغيرك ينوله
واصل الدورات لين القرم نالة=وصعب كل زام حصل للبطوله
مساعد المحتاج ما فكر ابحالة =وداخل الوحدة لكم صوله وجوله
اصبحت خضراء بها البنيان شالة=وصل الماء للسكن في كل سهوله
وحد اللباس جعل الخير فالة =طور الدكان وازدادت سهوله
خيرها يرجع علينا في اقبالة =كل عيد جاك عام ودار حوله
يذكرون افعال من سوى نفالة =لو تمر ايام لايمكن تزوله
ونعم قايد كلنا في وسط بالة =ويعتبر كل واحد منا اخوله
ويشهد الله وما قصدنا بالرسالة=غير كلمة شكر واجبنا نقوله

هذه القصيدة مهداه للاخ مجبل الحشاش

يامجبل الحشاش جيتك مســــــــــــــير = شايل سلام الربع لك والجـــــــــماعه
كل يوم اقول اليوم بكره واغـــــــــير = ياخوك مع ذ الوقت ضعنا ضياعــــــــه
اقلب الافكار امر ايحير وانـــــــــظر = زمــــــــــــــــــــــــان شال عني المناعه
اصارع الصعبات نوب واديــــــــــــر = ياما حنيني قــــــــــــــــال سمعا وطاعه
من دار ابوسلمان عاني امـــــــــــهير = اودع ارجــــــــــــــــال الكرم والسناعه
يم الكويت الله عسى لايغــــــــــــــير = امن وامــــــــــــــان وخير في كل ساعه
ومن بعدها شوفا لرفاقه اينيــــــــــــر = يجـــــــــــلي عن النفس الهموم اجتماعه
سوالف يطرب لها كل خير =من غيــر تكليف بصـــــــــــــــــــــــــــدق وقناعه
هذي اشعار اخوك ابن الحريــــــــــــر = عاني واسجلها لكم بالاذاعـــــــــــــــــــــه

هذه القصيدة مهداه الى الاخ خالد محمد ثنيان الرويلي بمناسبة زواجة

الشرقية نورت باركانــــــــهـــــا = والفرح عم البيوت وزانـهـــــــــــــا
يوم خالدبن محمد هو عــــــــــقد = واعلن الزواج في اوطانهـــــــــــــا
ناسب الخوال علين الرتــــــــــب = والنسب والنعم في عربانــــــــــــها
ساس عز وساس طيــــــــــــــب اهل الكرم =من هل العليا رفيع شانها
وحنا بالبحرين من جانا الخبــــر = فرحوا الويلان في اعلانـــــــــــــها
جيت انا فرحان بيديني زهــــــر = والمحبة دايما عنوانهـــــــــــــــــــا
اقطف المشموم ورد امحمــــدي = بارض دلمون دايم ابريضانهــــــا
لربعنا الويلان احمات الوطــــن = بالجزيرة لين ساد امانهـــــــــــــــا
بظل ابو تركي عسى الله يرحمة = لين سلمها الملك بارسانهـــــــــــــا
ابو متعب عسى ربي يحفظـــــة = قايد للمملكة وربانهــــــــــــــــــــــا