ذكرى وأشتياق \ديوان ابراهيم حرير العنزي

هذه القصيدة مهداه للاخ مجبل الحشاش

يامجبل الحشاش جيتك مســــــــــــــير = شايل سلام الربع لك والجـــــــــماعه
كل يوم اقول اليوم بكره واغـــــــــير = ياخوك مع ذ الوقت ضعنا ضياعــــــــه
اقلب الافكار امر ايحير وانـــــــــظر = زمــــــــــــــــــــــــان شال عني المناعه
اصارع الصعبات نوب واديــــــــــــر = ياما حنيني قــــــــــــــــال سمعا وطاعه
من دار ابوسلمان عاني امـــــــــــهير = اودع ارجــــــــــــــــال الكرم والسناعه
يم الكويت الله عسى لايغــــــــــــــير = امن وامــــــــــــــان وخير في كل ساعه
ومن بعدها شوفا لرفاقه اينيــــــــــــر = يجـــــــــــلي عن النفس الهموم اجتماعه
سوالف يطرب لها كل خير =من غيــر تكليف بصـــــــــــــــــــــــــــدق وقناعه
هذي اشعار اخوك ابن الحريــــــــــــر = عاني واسجلها لكم بالاذاعـــــــــــــــــــــه

دليتنا درب النجاح ومشينا = يا بو خالد جعلنا ما عد مناك
في ظل عدلك والحنان احتمينا = والله وهب لك حكمة الراي واعطاك
اعطاك خير وما بخلته علينا = وتعين من هو ايتعنا ويرجاك
متابع مسيرتنا من مبتد ينا = وشلت الامانه يوم الوالد اوصاك
ضميتنا في حضنكم وارتبينا = نمشي مع درب مشيت انت بخطاك
شفت الحياة وشفت قاسي ولينا = خضت التجارب وانت متمسك ارشاك
حبل الصبرمتمسكه باليدينا = لين اتحقق بالوفاء كامل امناك
وعساك تبقى بالسعادة اسنينا = امن وامان وخير في كل دنياك
يوم الحساب تكون بالفايزينا = رب غفور بجنة الخلد جزاك
وصلاة ربي عد فجر يبينا = على رسول بالهدى زال الا شراك

ركبت انا من حوار من فوق طراد = مثل السهم اللي على الموج عدى
متعود للبحر والموج معتاد = كنه على كسر الامواج ايتحدى
يقطعله اميال وياصله ابلاد = ارخى جناحييينه على الصيد هدى
مسكين من هو للبحر غير مرتاد = عاش ابدوي يقعد بالارض ايتغدى
واليوم هو مسؤؤل عن بيت واولاد = والوقت حده للطراريد حدى
ركبهامجبور للامر منقاد = شاف السماء والبحر من وين لدى
ساعة يشوف اهوال وايجاهد اجهاد = الرعب جاله يوم حظه تردى
نوب ركب باجبال ونوب نزل واد = صار ايتمايل رايح ونوب ردى
يدفعبه الريح القوي حين يزداد = شاله سماء ثم على السطح هدى
صرت اتمنى يركض الوقت وشعاد = لو هو من العمر العزيز المفدى
ولياوصلت القاع هو عيد الاعياد = نبي السلامة وباقي العمر بدى
هذا وعد مني وقلت الوعد جاد = اني ماعود لركبته لو تمدى
اصبر اسبوع وذايق مر الابعاد = ولاقط نفسي بالبحر دون ردى

لو المرض بالكيف صــكيت بيـــــبان=اخير مايــــدخل عليـــنا جنــــــــــابة
حيثة كرية وصــورتة ترعب الجــان=واكثر اموات الاراض راحت اسبابة
يا ما اخذ منها ملـوك وفرســــــــــان =يطيح بالميدان ولا بخـطــــــــــــــابة
من عقب ما هو قوتة كانها حصـــان= وكل يخــــــافة من بعيد ويهــــــــابة
جاة المرض واصبح له الجسم تعبان=متمكن باعضاة عظـــــــمة سطى بة
ياللي بهاالدنيا شفوق وشقيـــــــــــان= تضرب وتطرح ويتفرع احســـــابة
طال الامل قدام عينك وحــــــــيران= إذا تاجل او طـــــــــــــــــول غيابة
نساك لين القدر قدامك يبـــــــــــــان= واضح ولا غيــــــــــرة خفي يشابة
من كثرة التفكر أصبحت مرضـــان=زاد البلا واهم قلـــــبك سرابة
يجيك لازم ماتقــــــــــــــيد بعنوا ن =من دون ماتــــــدري ولا يندرى بة
متخفي باالسر ماتشوفه الاعيــــــان=وأنت اتحمل كل باقـــــــــــي عذابة
يثقل الضربات ويخفف احيــــــــان= ويمكن يخلي بجسمك اصــــــــــابة
يطمع مايشبع من المال الانســـــان=ولا يشبعه بالقبر الا اتــــــرابة
وصلاة ربي عد ماهلت امـــــــزان =على النبي إعداد برق سرابـــــــــة

نقشت الشعر انا من فوق دانه = نصيحه للمرشح والمورشح
كلمه صدق وكل شي باوانه = بهذا الجو صار الكل يفرح
اجواء العز مافيها مهانه = بها القانون والقانون صرح
بانواع البرامج مهرجانه = مجالس من بها يسرح ويمرح
يعبر مانوه قلبه لسانه = وعن كل البرامج صار يشرح
رجال بالثقه عزم وتكانه = وميزانه بالنتايج قام يرجح
رشح من يحسن مستوانه = وكل الناس له بالقول تمدح
خلق ودين وقدره مع رزانه = باصوات الجماعه دوم يربح
ماهو من دور الفوز بخيانه = ببحر من الرشاوي راح يسبح
يبي يعبر البحر بالجمبزانه = على ظهور البشر بالقول يرزح
وليمنه وصل كشر اسنانه = وصندوق المطالب صار يرشح
خسر من رشحه ولا اعانه = في وقت الجد بالصعبات يصفح

قالوا انعرف انك مطوع وملــــــتزم = واليـوم شاعر صيتـــــكم بالعــــرب ذاع
قل الحقيقه والحقيقه تهمـــــــــــــــنا = عطنا جـواب واضـــــح صـــــادق بساع
هذا جوابي وبالتفاصيل قلتــــــــــها = وهذه حقيــــــقه مانــي اليـــــــــوم خداع
انا احب الخير مخلص بنـــــــــيتي = عقيدتي افضـــــــــل عــقيــــــده ومنصاع
لاوامر الرحمن نمشي برحمــــــته = هنيال مــــــــن ادى صلاته ومــــن طاع
طاع الرسول اللي اهدينا بهــــــديه = اعلن بقــــــــول الحق بالناس ثــــــم ذاع
يدعوا الى التوحيد بالقـــول والعمل = والعدل بيـــــــــن الناس بالـوزن والصاع
نسمع كلامه ونتتبــــــــــــــع لسنته = اخذ بقـــــــــناعه لاتــــــــــــردد ومرتاع
والشعر احفظه واعرفه مـن الصغر = شي حفظته وشي مـــــــــن عنـــدنا ضاع
سنين مرت واحتفظ فيه ساكـــــــت = لارحـــــــت سجـــــــلتــــــــه ولاله طبـاع
واليوم حان الوقت اعلــــن بشعري = مــــــــادرت منــــــه الفـــــود للشعر بياع
قال المثل خلك على درب واحـــــد = ومن يـــــــــركب الســــرجين لاشك وقـاع
وتراه من يصعد سريع على الجبل = لابـــد مايــــــرجع سريـــــع الـــــــى القـاع
امشي بدربي واثق من مسيـــــري = امشي على وضح النــقي ملبـــــــــــس قناع
والله يوفقنا لدرب نـــــــــــــحبــــه = درب على السنــــــه بـــــــــــلازيف وابداع
ياغافــــــــــر الزلات اغفر خطانا = يارازق الــــدود العمى ورازق سبـــــــــــاع
رب كريم ومايضــــيع عبــيــــده = ومن يتبع الدرب السوي دوم ماضاع

يابو هدية كم زايد حنيني = مشتاق ليام انا وانت ورعان
كنا صغار بدارنا مهتنيني = ولا حسبنا احساب لفلان وفلان
واليوم صارت ذكريات السنيني = تهيضت بين المشاعر بالاحزان
صارت ترجعني يسار ويميني = ياما استقرت بين ربعي وبدوان
بدو ليا طبوا الصحاري تزيني = تزهر بهم كل الخباري وريضان
ريحت زهرها تنعش السارحيني = وطير السعد غنى بها كل الالحان
رد الصدى صوت الغماري الحسيني = وصوت البهم ردد مع الفجر لابان
حلم مضى والا حقيقة يقيني = لمحة بصرراحت مع تلك الاحيان
في دفتر الماضي تقول احفظيني = ييام حطيني سجل وعنوان
مافادنا كل الوله والانيني = تسرق ايام اعمارنا بكل الاركان
لو مابغينا كلنا سايريني = وحلامنا صارت سوالف ونسيان

اقول رايي ان غـدى حيـل مطلـوب=وتعبـر افكـاري ان كانـت بسيـطـة
حسب المكان ان كان مرضي ومرغوب=والا شطبتـه فـي مكـان الخريـطـه
لاقلت قـول بيـن الاجـواد محسـوب=والا مـع الكذبـان خـلـه هبيـطـه
منـزل معاهـم وتكبـد مـن اذنـوب=لا كن اسايـس كـل واحـد شريطـه
اسمـع كـلام منـه واقـول محبـوب=ليـن افهـم افكـاره ولوهـي عبيطـه
ووضح الدرب السـوي دوم باسلـوب=باسلـوب عاقـل جنـب الزنبليـطـه
محـاور الجهـال لاشـك مشـيـوب=بعـض المغالـط والرمـوز اللقيـطـه
لاكن تعلم واخذ الانسـان فـي صـوب=بكلام طيـب خيـر لـك مـن ربيطـه
واحرص على قول الصراحه بلا اهروب=مـن واقـع قبـل اتـورط وريـطـه

هذه القصيدة موجهه الى الشاعر فارس بن ذيبان الشمري

عشرين راحن باقي اثنين مامضن= ماعاد يمشن يابو تركي علامها
افكاري القشرة تزيد بعزمها = عجزت انطح واحد من اخصامها
النفس طابت وقبلي نفوس صدرت=النفس ضميا ماتوصل حلامها
لاقلت يكفي قالت اللحين حدد =لازم تبين وجهتك في سهامها
امواج في صدري علي اتلاطم =لاجيت اهديها يزيد التطامها
وبين التردد جتني الافكار تدرج= احد يشجعها والادراك لامها
ياليت اموري في ايديني اتصرف= اخذت اجمل ماحصل في ايامها
دنيا بها كل المصايب تتالى= تطلع من الضلمى تطيح بضلامها
ولازانت الايام بالنور واشرقت= باقي الليالي السود كامل بعامها
زمان اقشر والمبادي تغيرت =ماعاد تميز صقرها من حمامها
وما كل شي بالسوالف يسولفن= والحر يفهم دون يسمع كلامها
كل الصور قدام عينك بينت =ابدي برايك دام واقف امامها
رايك حكيم عندنا والنصيحه= ناخذ بها عبره لنا في ختامها

رد الشاعر فارس بن ذيبان الشمري

اهلا عدد ما لاح براق المزن =واعداد نبت في رواسي اجبالها
ياالوايلي سود الليالي عذبن= تشكي علي همي ونفسي وحالها
قبلك ارماح الضيم بي علمن= وحفيت بالبيداء ودرست ارمالها
وتعبت ادور دار والقالي سكن= ابي احتمي في ضلها واضلالها
يلين جيت بدار حامين الوطن =اهل الوفاء ياعز من يلجالها
يالوايلي هذا الزمن مد وعدن =نوب تضيق ونوب يفضى جالها
وانت سديد الراي في يوم المحن= والحمل تبركله اكبار اجمالها
واختامها بعداد ماخيل عدن= وعد الحجيج بحلها وترحالها
صلاة ربي عد ماقالوا سرن =على الرسول محطم تمثالها

سلام يارجال المراجل والدروب اوساع =سلام يارجال تعسف الشعر واتجيدة
سلام لك لشاعرماخذبدربالتجارب باع=ايفتش داخل المعني بمعنى الحرف وايزيدة
وذكرالشاعرالبارع على طول الزمن ماضاع =ولوينسي ذكرةابيات الشعربتعيدة
ورجم الثلج لكثرت عليه المسالك ماع= وميدان الشعرطافح بالغثى وايحين تجديدة
نبي فكرةنبي صورة نبي من المعاني ارفاع =على موقف معين بان بالاشعارتحديدة
نبي الحكمة بثوب اصلي ومافيه من السمال ارقاع=وثوب المستعار المستعير ابنوب مايفيدة
انشجع راعي الكلمة وصيبته بالمجالس ذاع =هو الشاعر الجز الفهيم وكلنا انشدله بيدة
وميدان الشعر واسع وتشجع الشعار اشراع =وتشجيع المحب اكثر مع الاصداء ترديدة
مع همس القوافي اتمشي اللي بعد طاع=واللي ايحاول الشردة تلزة حيل وتصيدة