ذكرى وأشتياق \ديوان ابراهيم حرير العنزي

مجارةالشاعر طلال الزميلي الشمري

ألزوجـةتبيلهـا بيـتـوت=بالليـل مايفـارق الغرفـه
ياقبل عليها تشيـل الكـوت= ويخمش هذوليك مع عرفـه
وضحكً والعبً ومزح وشوت=حريف مع كيـف محترفـه
ماتبي سهران مـع بالـوت =عينه عن الزيـن منطرفـه
هيمـان ومنفسنـاً مفلـوت=نفسه وراء الغـي منجرفـه
يدور بخيته هاك المبخـوت =جرفه تحـدر علـي جرفـه
خلا الشهد وذاق سم الموت=الله لايعيـد أكـا الصرفـه

وهذه قصيدتي مجارة الشاعر الكبير الشمري

ماهو ارخوين تبيله حوت=والحفرة اللي هدم جرفة
يجيلها بوجه المبهـوت =وهي ادور على صرفـه
ليته يجيها مع التابـوت=ولانام في اخر الغرفـة
الفجر يظهر وهو مزتوت=نام وهو شايلـن زرفـة
ناسي ايام لبس لبشوت=ايامها بالعسـل قرفـة
لوهي تشابه جماله نوت =خلاه كن ماهو ايعرفـه
يبيله عجرى بها مثبوت=حدر الاذن جته منحرفة

وهذا رد الشمري

الوائلـي جابهـا مثبـوت =مزحاً ورزحاً وبـه طرفـه
كالنقش على الصخر منحوت=من شعر ألأجـدا ويعرفـه
صلط قناته علـى المفلـوت =وفي وذقت الخبل له حرفـه
قافك صواريـخ باتريـوت=إيطير الخبـل مـع جرفـه

وهذا ردي

الصوت فوق البحر له صوت=ويرده الجـال مـع جرفـة
يالشمري دايمـا مبخـوت=تلقى مع الخبل لـك طرفـة
وامثالي لو يسكن ابيـروت=غشيـم بافكـار منخـرفـة
مع الدواحيح يلعـب تـوت=واكل البصل بالعشاء ايغرفة

]وهذا رد الشمري

الوايلي بحة بالصوت بالصوت=زئيـر ألأســود ونعـرفـه
ضرباتهـم بالملاقـأ مـوت=فريـس والمـوت ما تعرفـه
وكبت قـاف الحلا كبوت =مثل الذهب ياحلـو صرفـه
يفدونك الـلاش والسربوت=زبايـن تريفـت و تـرفـه

وهذا ردي

حيل المودة غدى مسموت=من يوم مضحي خذى ترفة
مع المصنع طلع زغروت =ويلعب معاها على الشرفة
ابيوتهم مامعاهـا ابيـوت=غير الحباري رفع عرفة
اخبارهم روحت بالهـوت=وناخذ سواليف مطرفـة

رد طلال الزميلي الشمري

كفيـت يالوائلي وافيت =الي هق فيـك ماخابـي
مثـل المحيطـات لازميت=من فوق ألأجبال صبابـي
والقاف شيب وانا صديت=والوائلـي شب ماشابـي
وماشألله وبسم الولي سميت=عل الحسـد عنك غيابي

البحرين


البحرين \ ااشاعر طالب الونيس

ماباس يادار الملوك الحـشامـي =ماباس يادار الشرف والشهامـه
اشوف في جوك عجاج وكتامي=واسمع بعض شعبك تغـيّـر كـلامه
تبيّنت يالرافضـي وانت كـامي =ولاَك للشـيعي كبير العمـامـه
وجهك قبيح وطاح عنه اللثامي= وبانت بوجهك للخيانه علامــه
تبون تحيون الفـتـن ياللئامــي= ومثّور الفتنه حصيله ندامــه
سويت في وسط الشوارع زحامي = وازعجت طفلاً مهتنن في منامـه
مادام حنا عايشين بسـلامــي = وشعوبنا في تنميه مسـتدامــه
وش داعي الثورات والاعتصامي = دامك بعز وعايشٍ في كرامــه
بحرين سَمّي باسم ربك ونامـي = يوم إن ابو متعب توشّح احزامـه
حــراَ اليامنه تنهّـض وقامي = يطيح خصمه ما تشيله اعضامـه
باذن الولي من يزبنه مايضامي = نامي بظـله وابشري بالسلامــه

وقد جريت الشاعر طالب ابن ونيس السلمي بهذه القصيدة

يامرحبا بالي كتب واستهامي =ويفخر بدار العز دار المنامة
دار الخليفة مروين الحسامي =اعيال وايل محتمين الجهامة
اعلومهم وصلت جنوب وشامي = وصلوا اديار وشيدوبه علامة
من نجد لقرين العرب لسنامي = لشبه الجزيرة في قطر والاقامة
في حصن صبحىلابسين الحزامي=يثنون لاعيون الزبارة وأمامة
واليوم حكام المنامة الكرامي =من طيبهم عاش الشعب في كرامة
في ظل بو سلمان عالي المقامي= راعي الكرم راعي العفو والشهامة
وخليفة ابن سلمان حر اقطامي = حزم (ن) مع الموقف ينفذ كلامة
ولي عهده بالمهمات سامي = سياسي امحنك بعقل وفهامة
والله يعز الصقر نسل الامامي = عبدالله الشغموم ريف اليتامة
يومه فز هيجت بحر يوم هامي = الله يديمه للعرب والزعامة

نوم لعصر

نوم العصر عطل علينا مشاريـع=وصار السهر لاز م وامر ضروري
ومن قدم النومة فلا فيه ترجيـع=ايخر السهر ة يما الفجـر يـوري
كم فرصة ضاعة قبل ماهي اضيع=يقطف زهرها مثل قطف لجـوري
ياشاري الحاجة لهـا لازم اتبيـع=لو كنت حافظها وعليها صبور ي
الياشريت اعرف فلا فيـه ترجـع=يشهد عليك السوق هووالحضوري
والسوق اذا ماطاع لابـدك اتطـع=شي مـا كـد قبلنـا ومخبـوري
تغمانم الفرصة واقبـل بتسريـع=من قبل دولاب الليالـي يـدوري
مثل الرحى تطحن جميع المواضيع=ومن وصل القمة يجي للحـدوري
لو اتمنـى مـا تجيـك المنافـع=من راح ما يرجع كلته الدهـوري
يالله بحسن الخاتمة قبـل توديـع=ونفارق الدنيا بوسـط القبـوري
وصلاة ربي عـد زهـر مفاريـع=على النبي شفيعنـا بالحشـوري

الله يديم الملتقى

الله يديم الملتقى ومن جمعنا=على المحبه والمعاني الجزيلة
هذاك ابو فراس بالفعل معنا =لابد قول الحق انه يجيلة
شتت أخطانا بالدفاتروضعنا=بين المواقع صارفيها وسيلة
لعلنا من عقب مدة رجعنا =عدة أيام لو حسبنا طويلة
نبي المزيد وفي رجانا طمعنا=الملتقى يجمع أعمال جليلة
الدين يامرنا سمع وأطعنا=وفي ملقى الشعارمافيه حيلة
أناقش الموضوع كل سمعنا=وكل على قوله يورد دليلة
في ملتقىالاسرةوفي أنتفعنا=والكل مسؤل علىمن يعيلة
مع الرياضةوالشباب ندفعنا=ونراعي الصحةبأمور جميلة
والعلم باعلوم المفيدة رفنا =بعصرالتطوروالوسايل أمهيلة
وعلى أثار أجدادنا هو سنعنا =يامقلد الكفار عيب وفشلة
وقبل(ن) أنختم اقوالنا او طبعا =أرجوالسموحة ياالرجال الاصيلة

بديت باسم خالقنا سبحانه خالق الاجناس = هو الواحد هو القاهر رحيم ويرزق اعباده
واحيي سيدي القايد ابو عيسى قوي الباس =كريم للعطى والجود وبذل الجود له عاده
ولي العهد ملقاك الشرف والطيب والنوماس = على درب المعزة ساير في مسلك اجداده
خليقي وايلي دايم عريب الاصل عز الساس = قبيلة شانها عالي مع العربان هم سلده
وعلى مر الزمن واخوان نجلا للوطن حراس = حموا للدار من مبطي وغدت للامر منقاده
الا ياديرة حرة وناسك هم اعز الناس = بحرين الخير والطيبة لنبع الجود وراده
اذا جاك الخطر قلنا تحامي بظلنا لاباس = تفازعلك شباب الدار وكل يحمي ابلاده
وقفنا صفنا واحد ثرانا دوم ماينداس = له الحصن الحصين اللي عمى في عين حساده
عميل لزمرت الخاين على اهله غدى بلاس = تسلم للثمن بيده واصبح يطلب ازياده
بقلب قد ملاه الحقد تردى واعلن الافلاس =يبي يصيد الوطن حقده ولاكن بالقلط صاده
مرت لحظة الازمة اعدت كتمت الانفاس = طلع فجر جديد والوطن به كثرت اعياده
على درب التطور واصلي به واتركي الانجاس = تهني في قمام العز سيري بعزم وايراده
تهني بظل ابو سلمان قلايدك الذهب والماس = على عهد الملك نامي وخوذي من الوفى اوساده

قبل ماابدى بالفضيحة\ اقدم مني نصيحة \النعمة ترى منيحة

جتنا من ربي هدية
الحمد لربي سبحانه \على خيره وامتنانه\ يشكر من قلبه والسانه

الصادق صافي النية
خليج العزة موطنا\ شوفوا الحين ومن كنا\ خلينا المركب والعنه

نعمة وامان وحرية
حنا شعوب وقبايل\ جنبنا المقدي والعايل\ للفتنه صكوا كل فايل
وصفو لي صف الدحية
حنا احزام لقادتنا \ للجمعه لاماشتتنا \ تبقى دوما محبتنا
تاييد ونخوة وحمية

رافع سماها

بديت باسم الله رافع سماها =والارض كورها على كيف مايريد
الشمس تبخر داخل الجواء ماها = سحايب تلعبها الريح وتعيد
ينزل مطرها من برودة اجواها = يسقي الاراضي الجافة والاخاديد
تزهر عقب ماطولت في عناها = ويقوم من بين الضخر والجلاميد
اثمار للانسان بيدة جناها = وكل ماجناها يثمر العرق وايزيد
خيرات تطلع من خلاها لخلاها = رب وهبها للبشر دون تحديد
وواجب علينا كل قاع انحماها =وثروة بحرها تحتفظ بالمواريد
كانت اساس التربية ومن بناها = من يوم ماصرنا عليها مواليد
نمشي مع الاسلام وفيه انتباها = دستورنا القران والعالم ايشيد
اخلاق للمسلم تربى معاها = ياخذ كفاته بدون جور وتجريد
ماهو مخرب لللطبيعة وسواها = ياخذ ويعطي وينفع الناس وايفيد
ماكان يوم هو سبايب بلاها = لوث سماها ودمر النسل والصيد
انسان جاهل مادرى باقصراها = لو كان كل البشر غيره ايبيد
عايش اناني بس نفسه شراها = يمشي مع تيارها والا ناشيد
اسمع وصاة اخوك لاجلك هداها = عن كل شي هدد الدار تهديد
جاب التلوث في افكارة غزاها =باسم الحضارة والتطور وتجديد
عقب الهواء الصحي تلوث هواها = بغبار للمصنع كساها الاكاسيد
وسواحل زاد العنى من عناها=رجع بحر ها وابعد بنفسه ابعيد
اذا الشواطي وسخه مادعاها = لو كان فيها العز كل وتمجيد
ترى النظافة للمشرع بداها = وصارت مع الايمان في كل تشديد
الارض واجبنا نعمر بناها = ونقوم ببناها على الدوم ونعيد
سنة حياة وواصله منتهاها = ناس تصدر وناس تقبل مواريد
وصلاة ربي عد سهل وعلاها = على النبي اعداد ناس شواهيد

أحيي ابن مجلاد

أحي ابن مجلاد من نسل وايل = شيخ ولد شيخ عسى الله يحيية
ذاع البيان وسد باب التحايل = والمقتنع ما قول بالشك يغنية
تاريخ ناصح ثابت بالدلايل = لاقلت وايل قيل ياحي طارية
قبيلة (ن) نفخر بها بالقبايل = وفي وقتنا الحاضر ياكد لماضية
ميغطي الغربال شمس الغوايل= وساس الهيال يطيح لو جيت تبنبة
وشوخنا كل (ن)عن الربع شايل = هم القبيلة قبل همه يوايلية
تميزوا بافعالهم بالاوايل = والشيخ مارد العطية ويهدية
ومصوت(ن) بالعشاء بالمحايل = والناس من كل النواحي بتلفية
رمز الشجاعةوالعفف والمثايل = لاقال قول كل قوم تدارية
واليوم ساد الا من والكل نايل= حقه تمام ومالقى من يعادية
في ظل حكام الوطن خير هايل = ال السعود أمنين (ن) نواحية
هذي الحقايق دوم والشك زايل =وهذاالوطن واجب على الكل يحمية

من عايش ابو سعود



هذي القصيدة رثى بالمرحوم عويد الشطي عقيد الخشته

من عايش ابو سعود يشهدله بطيب =وهو ماهو محتاج مني شهادة
في وقتنا رعيان وهم المعازيب = ومن كلمه يردله بالهوادة
في كل حشمة واحترام وتهذيب = تاخذ بها حقك معاها زيادة
ومن زود طيبه معتني بالاجانيب = وطبيعته بالطيب من اصل عادة
ماهي اتصنع او يبها تجاريب = علم الفخر متفرشه والوسادة
يكرم بها الضيفان عن كلمة العيب =والضيف دايم مهتني في ارقادة
وقصيره الداني يجيله ابترحيب =والجار الاقصى بمواجيب نادة
اديب امثقف ومن مثله اديب = ثقافة البدوان قو الارادة
صبر وعزم وقت اللوازم تقل ذيب =قرم القروم الياتخطاه صادة
سياسي امحنك مع كل ترتيب =مع الشيوخ اماشي بنحيادة
يفخر بربعه مابها شك او ريب = ربعه ارواق البيت وهو اعمادة
ياحيف ياعويد مثل نجمك ايغيب=والجومن عقبك تغشىسوادة
مرحوم ياراعي الكرم والمواجيب = منزالك الجنه تعيش ابرادة

سقى الله زمان فات راحت به الايام = سراب الظهيرة ماحد قاعد ضله
زمان الحقيقة صاير يشبه الاحلام= سالنا السؤال وماحد يذكر العله
قول الحق صامت ليه دايم عليه الجام =والقرم الشجاع اليوم بانت به الذله
وان قال الشجاع الذيب يمالوعد قدام = علية الرجولة والبطوله من الزله
ودنينا نهيتها متر رمل ولفت خام = واعز القرايب يحفر القبروايهله
حصان العزلويركع تلقى بالمعارك قام= ولو زل الجبل للموج جاه البحر اويفله
وحنا باخرالطبور نبني فلل وخيام =نمشي به على الظلمى دون سراج وادله
وعكرجوناالصافي غراب الفقرفوقه حام=ملايسمع الواقع بعالي الصوت يرسله
شوف لواقع الامة تمشي في ظلاماعتام = باقي من الوطن باقي والا رايح كله
لبسناالجهل والفقر مثل لبسنا لحزام= تبعنا لشلت التضليل وللعدوان هم شله
خلونا صدى للكذب نرفع للزعيم اعلام = حكمونا أسنين طوال وبالمجتمع قله
من اجبالها الخضراء مع ليبياوالشام = ربي دوم مايهمل على الظالم ويمهله
بانت بصمة الغدار وشفنا بالدليل ابهام = بقم يطبخ الطباخ والاحزاب يشونله
وخليج العز دايم صعب لطماع حمه سام = يصد الضواري لو غدن دوم يبرله
واجب من شباب اليوم تشد العزم باسهام =ويبعد عن خيوط من الفتن لو يحيكنله
نبي نخطط لبكرة اتحادة علينا الزام = وشراع التقدم بالعجل لازم انفله